《聖經故事三字詩》

| | || 轉寄

18. Lîng-kó(1) .... 靈果(一)

Lîng ké-tsí, jîn-ài khí,
靈果子,仁愛起,
Thiàⁿ Siōng-tè, tsun thian-lí,
愛上帝,遵天理,
Thiàⁿ tshù-piⁿ, tshiūⁿ ka-kī,
愛厝邊,像家己,
Thiàⁿ tuì-ti̍k, Tsú tsí-sī.
愛對敵,主指示。

Huaⁿ-hí lo̍k, sim hīng-hok,
歡喜樂,心幸福,
Ta̍k kak-lo̍h, ná thian-kok,
逐角落,若天國,
Tuì tsong-tso̍k, bô khik-po̍k,
對宗族,無刻薄,
Bô ok-to̍k, bô thui-thok;
無惡毒,無推託;
Put-lok-sok, tio̍h kiat-sok.
不落速,著結束,
Siông tsiok-hok, thuân khuài-lo̍k.
常祝福,傳快樂。

Saⁿ hô-pîng, tn̂g hô kíng,
三和平,長和景,
Tsāi pîng-tíng, tsāi kng-bîng,
在平等,在光明,
Siōng hā lîng, tshiā-puâⁿ-píng,
上下凌,車盤反,
Jiáu-luān tsìng, bô an-lîng.
擾亂種,無安寧。

Sì thun-lún, lāi un-sûn,
四吞忍,內溫純,
Tiōng thian-lûn, bô khioh-hūn,
重天倫,無拾恨,
Tō͘ jû kun, thang the tsûn,
肚如君,可撐船,
Sìng guân-pún, uán tsing-lūn,
性原本,遠爭論,
Tik-sìng kūn, tāi-tsì sūn.
得勝近,代誌順。