《聖經故事三字詩》

| | | 轉寄

4. Tuā-Tsuí....大水

Ná-a hiaⁿ, hó só͘ kiâⁿ,
挪亞兄,好所行,

Siōng-tè thiàⁿ, ki̍p bó͘ kiáⁿ,
上帝疼,及某子,

Tsō tsûn iâⁿ, tī suaⁿ niá,
造船營,佇山嶺,

Thuân Sîn siaⁿ, lâng m̄ thiaⁿ,
傳神聲,人呣聽,

Sim-tsì tiāⁿ, ì-liām iâⁿ,
心志定,意念嬴,

Tuā-tsûn tsiâⁿ, thí-tshiò siáⁿ?
大船成,嗤笑什?

Ji̍p tsiu tshiáⁿ, tōng-bu̍t niá,
入舟請,動物領,

Tuì-tuì iáⁿ, sim-sim thiàⁿ,
對對影,心心疼,

Lâu siⁿ kiáⁿ, piàn hiong siâⁿ,
留生子,遍鄉城;

Tuā-tsuí piàⁿ, tsiah tsai kiaⁿ,
大水拼,才知驚,

Im kuân-phiâⁿ, bia̍t tsuē miâ,
淹高坪,滅罪名,

Pueh kháu niâ**, tit kiù miā.
八口而,得救命;

Hong-ú thian, si un-tián,
風雨天,施恩典,

Khīng tshut-hiān, tsâu-bia̍t bián.
虹出現,剿滅免,

Tshái-sik si, n̂g nâ tsí,
彩色絲,黃藍紫,

Âng kam tshiⁿ, thong tú thiⁿ,
紅柑青,通抵天。


** niâ tsiū-sī ‘nā-tiāⁿ’ ê sok-siá.