《聖經故事三字詩》

 | | | 轉寄

5. Hiaⁿ-tī....兄弟

作者 Tân Tshing-tsùn 2008.11.30

Hiaⁿ-tī tsîng, tsū-jiân sîng,
兄弟情，自然成，

Hô-khì sing, ka tsiū hing;
和氣生，家就興，

Thâu tsi̍t-tuì, Kai-ún huí,
頭一對，該穩毀，

Tsē hiaⁿ uī, hiàn tiū-suī;
坐兄位，獻稻穗，

A-pik suî, tōng-bu̍t luī,
亞伯隨，動物類，

Hó hîng-uî, Siōng-tè uī;
好行為，上帝為﹔

Tshù-lāi uan, khí jiáu-luān,
厝內冤，起擾亂，

Khò hiaⁿ kuân, sat jîn huān;
靠兄權，殺人犯，

Siōng-tsú suan, Tò-tshù tshuàn
上主宣，到處竄，

Kò͘ lâng uàn, Ta̍k-uī suan;
顧人怨，遂位旋，

Pē-bú tsîng, hiaⁿ-tī ìng,
父母情，兄弟應，

Tsîng-āu sing, tn̂g-té hîng,
前後生，長短形，

Īng tn̂g ing, pó͘ té sìng,
用長英，補短性，

Kuì hô͘-pîng, kiàn ka-tîng.
貴和平，建家庭。