《聖經故事三字詩》

 | | | 轉寄

6. Tsō Thah....造塔

作者 Tân Tshing-tsùn 2008.12.14

Lâng siⁿ thuàⁿ,. tsò-hué tuà,
人生湠， 做伙住，

Kiaⁿ ko͘-tuaⁿ, buâi sì-suàⁿ,
驚孤單， [勿愛]四散，

Tsō kuân thah, tîng-tîng tha̍h,
造高塔， 重重疊，

Hn̄g-hn̄g khuàⁿ, tsin-tsiàⁿ khuah,
遠遠看， 真正闊，

Pa-pia̍t phuāⁿ, Pa-pia̍t ua̍h,
巴別伴， 巴別活；

Sim té uāⁿ, pháiⁿ sim-kuaⁿ,
心底換， 歹心肝，

Thau-the̍h suà, mn̂g ài tshuàⁿ,
偷竊續， 門愛閂；

Ài tsò kuaⁿ, kim pn̄g-uáⁿ
愛做官， 金飯碗，

Siōng-tè khuàⁿ, lâng tsū-tuā,
上帝看， 人自大，

Tìng-ì kuáⁿ, uē-gí uāⁿ,
定意趕， 話語換，

Buē saⁿ huāⁿ, tsū-jiân suàⁿ,
未相按， 自然散，

Iân-lō͘ suá, iân-lō͘ puaⁿ,
沿路徙， 沿路搬，

Kàu kuâiⁿ-suaⁿ, khì hái-huāⁿ,
到高山， 去海岸，

M̄-kiaⁿ kuâⁿ, ping-seh tuà.
不驚寒， 冰雪住；

Iâm-ji̍t jua̍h, pha̍k lâng-kuaⁿ,
炎日熱， 曝人乾，

Phuì tshuì-nuā, pak-tó͘ tuāⁿ,
呸嘴涎， 腹肚彈，

Bô pîn-tuāⁿ, lâu huih kuāⁿ,
無貧惰， 流血汗，

Tiū-kok kuá, tshiùⁿ-kua huaⁿ.
稻穀割， 唱歌歡。

[ ] piáu-sī lāi-bīn ê jī ha̍p-tsuè tsi̍t jī, tshin-tshiūⁿ [日月] tsiū-sī 明.