《聖經故事三字詩》

| | || 轉寄

8. Iok-pik .... 約伯

Tsá Iok-pik, hó sìn-tik,
早約伯,好信德,

Gû-iû ik, hó-gia̍h ki̍k,
牛羊億,好額極,

Ū tì-sik, tsin Tsú si̍k.
有智識,真主熟,

Mô͘-kuí pik, lâi kong-kik.
魔鬼迫,來攻擊;

Tsâi sit khì, kiáⁿ bô khì,
財失去,子無去;

To̍k-tshng siⁿ, bó͘ iā kí,
毒瘡生,某亦指,

Pîng-iú gî, iáu gîm-si.
朋友疑,仍吟詩,

Sè tsiām-sî, Sìn kuat-ì.
世暫時,信決意;

Siōng-td3 sù, Ta̍k-hāng ū,
上帝賜,逐項有,

Siōng-tè tshú, lóng-tsóng bû,
上帝取,攏總無,

Kám-un ū, tshing-siā bû,
感恩有,稱謝無,

Lâi bô pù, khì khiàm tshù.
來無富,去欠厝;

Siú guân-tsik, tshî gê-li̍k,
守原則,持毅力,

Su-siúⁿ bi̍k, Buē bê-hi̍k.
思想默,未迷惑,

Sîn kuan-tshik, Kè o͘-gi̍k,
神觀測,過黑獄,

M̄ puē-gi̍k, hó khì-phik,
呣背逆,好氣魄。

Tsú-suu tik, siū tshiau pik,
子孫得,壽超百,

Tsâi-sán tsik, Sim muá-ik,
財產積,心滿溢。