《聖經故事三字詩》

 | | | 轉寄

9. Sìn-sim ... 信心

作者 Tân Tshing-tsùn 2009.01.25

Sîn tsiok-hok, sù to kok,
神祝福，賜多國，

Tsú-sun thok, tshut Ki-tok;
子孫託，出基督；

Tsâi siū lo̍k, khiàm tsú tso̍k,
財壽祿，欠子族，

Bô ko͘-to̍k, sim sūn-ho̍k;
無孤獨，心順服；

Lāu-pē sí, koh tsài î,
老父死，復再移，

Sìng-tuâⁿ khí, Tsú pó-pì;
聖壇起，主保庇；

Ji̍p Ka-lâm, phû-tô kam,
入迦南，葡萄甘，

Tsuí-tsháu tâm, jîn-tsióng lām;
水草 [水昝] *，人種濫；

Kiⁿ-hng kám, koh lo̍h lâm,
饑荒感，復落南，

Ai-ki̍p àm, suí-bó͘ khàm,
埃及暗，婧**某蓋，

Ông lām-sám, lú-sik tham,
王濫滲，女色貪，

Siōng-tè hám, huān-tsuē tsām.
上帝撼，犯罪斬；

Sàng sú-lú, ǹg pak hù,
送使女，向北赴，
Tiāⁿ-tio̍h tshù, Ka-lām ku,
定著厝，迦南居，

Lú-pī hiâu, siⁿ-kiáⁿ kiau,
女婢嬌，生子驕，

Tsú-bú thiàu, hāi liáu-liáu;
主母跳，害了了；

Tsi̍t pah hè, tit hō͘-è;
一百歲，得後裔，

Sat-lah ê, îng-kng Pē.
撤萊的，榮光父。

* 濕
** 美