《押韻啟應詩篇》

台語押韻啟應詩篇 95

作者 Tīnn Jî-gio̍k

95

1a　Lâi ah , lán tio̍h ǹg Iâ-hô-hua tshiùnn-kua;
　　來 啊，咱 著 向 耶 和 華 唱 歌；

1b　　　 kiù lán ê tsio̍h-pûann tshut huann-hí ê siann bô suah.
　　　　向 救 咱 的 石 磐 出 歡 喜 的 聲 無 息。

2a　Lán tio̍h kàu I ê bīn-tsîng kám-siā I ê thiànn,
　　咱 著 到 祂 的 面 前 感 謝 祂 的 愛，

2b　　　Īng si-kua ǹg I tshut huann-hí ê siann.
　　　　用 詩 歌 向 祂 出 歡 喜 的 聲。

3a　In -ūi Iâ-hô-hua sī tūa ê Siōng-tè tsûan-lîng,
　　因 為 耶 和 華 是 大 的 上 帝 全 能，

3b　　　Sī tūa ê Ông, iânn-kè lóng-tsóng ê sîn-bîng.
　　　　是 大 的 王，贏 過 攏 總 的 神 明。

4a　Tūe tshim ê sóo -tsāi tī I ê tshiú-tiong;
　　地 深 的 所 在 在 祂 的 手 中；

4b　　　Suann kûan ê suann-tsiam ia̍h sio̍k tī I pau-iông.
　　　　山 高 的 山 尖 亦 屬 在 祂包 容。

5a　Iûnn-hái sio̍k tī I , sī I tshòng-tsō--ê ,
　　洋 海 屬 在 祂，是祂 創 造 的，

5b　　　Ta-tūe ia̍h sī I ê tshiú tsō-tsiânn--ê .
　　　　乾 地 亦 是 祂 的 手 造 成 的。

6a　Lâi ah , Lán tio̍h kiok-kiong kìng-pài bô thîng,
　　來 啊，咱 著 鞠 躬 敬 拜 無 停，

6b　　　Kūi-lo̍h tī tshòng-tsō lán ê Iâ-hô-hua ê bīn-tsîng.
　　　　跪 落 在 創 造 咱 的 耶 和 華 之 面 前。

7a　In -ūi I sī lán ê Siōng-tè ,
　　因 為 祂 是 咱 的 上 帝，

7b　　　Lán sī I iúnn-tshī--ê ,
　　　　咱 是 祂 養 飼 的，

7c　Sī I tshiú-ē ê iûnn tè I kiânn,
　　是 祂 手 下 的 羊 跟 祂 行，

7d　　　Kin-á-ji̍t lín nā thiann I ê siann,
　　　　今 仔日 恁 若 聽 祂 的 聲，
　　　　tsiū m̄-thang ngī lín ê sim bô thiann.
　　　　就 不 通 硬 恁 的 心 無 聽。

8a　Tshin-tshiūnn tī Bí -lī-pa tsau-that,
　　親 像 在 米 利 巴 蹧 蹋，

8b　　　Tshin-tshiūnn tong-ji̍t tī khòng-iá ê Má-sat;　　
　　　　親 像 當 日 在 曠 野 的 瑪 撒；

9a　Hit-sî lín ê tsóo-kong tshì Gúa,
　　彼 時 恁 的 祖 公 試 我，

9b　　　Koh sui-jiân ū khùann-kìnn Gúa ê sóo-tsùe iā giām Gúa.
　　　　又 雖 然 有 看 見 我 的 所 做 也 驗 我。

10a　Sì-tsa̍p nî kú , Gúa iàm-hūn hit sè-tāi ê lâng,
　　　四 十 年 久， 我 厭 恨 彼 世 代 的 人，

10b　　　Kóng,”tsiah-ê peh-sìnn sī sim bê-lūan khang-khang,
　　　　　講，「 諸 些 百 姓 是 心 迷 亂 空 空，
　　　　m̄-bat Gúa ê lōo ê lâng.“
　　　　　不 識 我 的 路 的 人。」

11a　Sóo -í Gúa tī siū-khì ê tiong-kan, iok-sok kóng,
　　　所 以 我 在 怒 氣 的 中 間， 約 束 講，

11b　　　 “In tùan-tùan būe-tit-thang ji̍p Gúa an-hioh ê tūe thang hing-thong.”
　　 　　「伊 斷 斷 不 得 通 入 我 安 息 的 地 通 亨 通。」