《押韻啟應詩篇》

台語押韻啟應詩篇 12

作者 Tīnn Jî-gio̍k

12　Tāi-pi̍t ê si, kau hōo Ga̍k-kuann; tiāu, īng tē-pueh.

1a　Kiû Lí tsín-kiù, Iâ-hô-hua ah ;
　　求　Ｌí　拯　救，　耶　和　華　啊；
1b　　　In-ūi khiân-sîng ê lâng tsu̍at--lah ;
　　　　因為　虔　誠　的人　絕　啦；
　　　　Sè-kan-lâng ê tiong-kan, tiong-sìn ê lâng bô--lah.
　　　　世間　人　的中　間，　忠　信　的人　無　啦。

2a　Lâng-lâng tùi tshù-pinn kóng pe̍h-tsha̍t-ūe,
　　人　人　對　厝　邊　講　白　賊　話，
2b　　　Īng thiám-mī ê tshùi-tûn, kap nn̄g-iūnn ê sim lâi kóng-ūe .
　　　　用　諂　媚　的嘴　唇，　及　兩　樣　的心　來　講　話。

3a　Iâ-hô-hua beh kuah-tn̄g thiám-mī ê tshùi-tûn,
　　耶 和 華 要 割 斷 諂 媚 的 嘴 唇，
3b　　　Í -ki̍p kóng tūa-ūe ê tsi̍h, I bô iông-ún.
　　　　以及 講 大 話 的 舌， 祂 無 容 允。

4a　In bat kóng, gúan beh īng tsi̍h lâi sìng-lī lah,
　　伊 曾 講： 阮 要 用 舌 來 勝 利 啦，
4b　　　Gúan ê tshùi-tûn sī gúan--ê , siánn-lâng ūe tsùe gúan ê tsú ah?
　　　　阮 的 嘴 唇 是 阮 的, 甚 人 會 做 阮 的 主 啊?

5a　Iâ-hô-hua kóng, in-ūi khùn-khóo ê lâng ê uan-óng,
　　耶 和 華 講： 因 為 困 苦 的 人 的 冤 枉，
5b　　　Kap sòng-hiong-lâng ê thóo-khùi tsōng-hóng,
　　　　及 貧 窮 人 的 吐 氣 狀 況，

5c　Gúa tann beh khí--lâi,
　　我 今 要 起 來，
5d　　　An-tì in tī in sóo tshiat-tshiat him-bōo ún-tàng ê sóo-tsāi.
　　　　安 置 伊 在 伊 所 切 切 欣 慕 穩 當 的 所 在。

6a　Iâ-hô-hua ê ūe sī sûn-tsûan tshing-khì ê ūe ;
　　耶 和 華 的 話 是 純 全 清 氣 的 話；
6b　　　Tshin-tshiūnn gûn tī thôo ê lôo thùan-liān--kùe.
　　　　親 像 銀 在 土 的 爐 鍛 鍊 過。

7a　Iâ-hô-hua ah , Lí beh pó-hōo in, beh pì-iū in .
　　耶 和 華 啊， Ｌí　要 保 護 伊，要 庇 祐 伊。
7b　　　Íng-úan thuat-lī tsit sè -tāi ê lâng, lâi kòo -in .
　　　　永 遠 脫 離 此 世 代 的 人， 來 顧 伊。

8a　Put-tiòng-iōng-lâng ko-sing tī sè-kan-lâng ê tiong-kan,
　　不 中 用 人 高 升 在 世 間 人 的 中 間，
8b　　　Tsiū pháinn-lâng ta̍k sóo-tsāi kiânn-iû koh tài bú-bān.
　　　　就 歹 人 逐 所 在 行 遊 又 帶 侮 慢。