《押韻啟應詩篇》

 | | | 轉寄

台語押韻啟應詩篇 14

作者 Tīⁿ Jî-gio̍k 2006.04.02

14　Tāi-pi̍t ê si, kau hō͘ Ga̍k-kuaⁿ.

1a　Gōng-lâng sim-lāi kóng, “ bô ū Siōng-tè .”
　　憨　人　心　內　講：　「無　有上　帝。」
1b　　　In thàn siâ-ok , kiâⁿ khó-ò͘ⁿ ê sū buē pháiⁿ-sè ,
　　　　伊　趁　邪　惡，行　可　惡　的事　不　歹　勢，
　　　　bô tsi̍t-lâng kiâⁿ hó tsi̍t--ē .
　　　　無　一　人　行　好　一　下。

2a　Iâ-hô-hua tuì thiⁿ àⁿ-lo̍h khuàⁿ sè-kan-lâng,
　　耶 和 華 從 天 俯 落 看 世 間 人，
2b　　　Beh khuàⁿ ū bîng-lí ê lâng, ū tshē-kiû Siōng-tè ê lâng.
　　　　要 看 有 明 理 的 人，有 尋 求 上 帝 的 人。

3a　In lóng uai-tshua̍h,
　　伊 都 歪 斜 ，
3b　　　It-khài piàn-tsuè ù -uè teh thua.
　　　　一 概 變 做 污 穢 在 拖 。

3c　Bô lâng kiâⁿ hó ,
　　無 人 行 好，
3d　　　Liân tsi̍t-ê ia̍h bô .
　　　　連 一 個 亦 無。

4a　Tsuè-pháiⁿ ê lâng kiám lóng buē hiáu-tit tsai-iáⁿ ?
　　做 歹 的 人 豈 都 不 曉 得 知 影？
4b　　　In thun-tsia̍h Guá ê peh-sìⁿ tshin-tshiūⁿ tsia̍h piáⁿ,
　　　　伊 吞 食 我 的 百 姓 親 像 食 餅，
　　　　ia̍h bô kiû-kiò Iâ-hô-hua ê miâ.
　　　　亦 無 求 叫 耶 和 華 的 名。

5a　In tī hia tuā-tuā kiaⁿ-hiâⁿ put-an ,
　　伊 在 彼 大 大 驚 惶 不 安，
5b　　　In-uī Siōng-tè tī gī-lâng ê tiong-kan.
　　　　因 為 上 帝 在 義 人 的 中 間。

6a　Lín hō͘ sòng-hiong lâng ê uē pìⁿ-tsuè kiàn-siàu koh sit-pāi,
　　恁 讓 貧 窮 人 的 話 變 做 見 誚 又 失 敗，
6b　　　Tsóng-sī Iâ-hô-hua tsuè i tô-siám ê só͘-tsāi.
　　　　總 是 耶 和 華 做 他 逃 閃 的 所 在。

7a　Guān Í-sik-lia̍t ê tsín-kiù tuì Sik-an tshut--lâi,
　　願 以色 列 的 拯 救 從 錫 安 出 來，
7b　　　Iâ-hô-hua kiù I siū-lia̍h ê peh-sìⁿ tò-tńg--lâi,
　　　　耶 和 華 救 祂 受 掠 的 百 姓 倒返 來，

7c　Hit-sî Ngá-kok beh khuài-lo̍k thiàu--khí--lâi,
　　彼 時 雅 各 要 快 樂 跳 起 來，
7d　　　Í- sik-lia̍t beh huaⁿ-hí khí--lâi.
　　　　以色 列 要 歡 喜 起 來。