《押韻啟應詩篇》

台語押韻啟應詩篇 15

作者 Tīnn Jî-gio̍k

15　Tāi-pi̍t ê si.

1a　Iâ-hô-hua ah, siánn-lâng ūe kià-kha tī Lí ê pòo-pînn?
　　耶　和　華　啊，甚　人　會　寄　腳　在Lí　的布　棚？
1b　　　Siánn-lâng ūe khiā-khí tī Lí ê sìng-suann tshiū-pinn?
　　　　甚　人　會　居　起　在Lí的　聖　山　樹　邊？

2a　Tsiū-sī sóo kiânn tsìng-ti̍t , sóo-tsùe kong-gī ,
　　就 是 所 行 正 直，所 做 公 義，
2b　　　Sim-lāi kóng sîng-si̍t ê lâng tsiah sī .
　　　　心 內 講 誠 實 的 人 才 是。

3a　I bô īng tsi̍h tiòng-siong lâng,
　　他 無 用 舌 中 傷 人，
3b　　　Bô hōo pîng-iú tú-tio̍h tsai-hāi ê lô-bāng;
　　　　無 讓 朋 友 遇 到 災 害 的 羅 網；

3c　Lâng húi-pòng tshù-pinn,
　　人 毀 謗 厝 邊，
3d　　　Nā-sī i bô sì-kùe iâu lâi hāi i .
　　　　若 是 他 無 四 界 謠 來 害 他。

4a　I ê ba̍k-tsiu khùann-khin húi-lūi ,
　　他的 目 珠 看 輕 匪 類，
4b　　　Tsun-tiōng kìng-ùi Iâ-hô-hua ê lâng tsùe tsun-kùi.
　　　　尊 重 敬 畏 耶 和 華 的 人 作 尊 貴。

4c　I tsiù-tsūa sui-bóng ka-kī khik-khui,
　　他 咒 詛 雖 罔 自 己 刻 虧，
4d　　　Ia̍h bô piàn-ūann tsi̍t-u̍ih.
　　　　亦 無 變 換 一 劃。

5a　I gûn tsioh--lâng ê bo̍k-tik,
　　他 銀 借 人 的 目 的，
5b　　　Bô ūi-tio̍h lī-sik;
　　　　無 為 著 利 息；

5c　Bô siū pòo-lōo lâi hāi bô tsūe--ê lâi tshuah,
　　無 受 賄 絡 來 害 無 罪 者 來 惙 ，
5d　　　Kiânn tsit-hō sū ê lâng íng-íng bô iô-tsuah.
　　　　行 這 號 事 的 人 永 永 無 搖 泏。