《押韻啟應詩篇》

 | | | 轉寄

台語押韻啟應詩篇 16

作者 Tīⁿ Jî-gio̍k 2006.04.16

1a　Siōng-tè ah , kiû Lí pó-hō͘ guá;
　　上　帝　啊，　求 Lí　保 護　我；
1b　Guá uá-khò Lí teh ua̍h.
　　我　倚　靠　Lí　teh　活。

2a　Guá beh tuì Iâ-hô-hua kóng, " Lí sī guá ê Tsú,
　　我　要　對　耶和華　講：「Lí　是　我　的主，
2b　Lí í- guā, guá bô pîng-an thang an-ku. "
　　　　Lí　以外，　我　無　平　安　通　安居。」

3a　Guá beh tuì tuē-tsiūⁿ sìng ê peh-sìⁿ kóng,
　　我 要 對 地 上 聖 的 百 姓 講，
3b　　　In sī ki̍k-kî hó, sī guá só͘ tshim-tshim huaⁿ-hí--ê kóng:
　　　　伊 是 極 其 好，是 我 所 深 深 歡 喜 的 講：

4a　" Īng pa̍t-ê sîn thuè-uāⁿ Iâ-hô-hua--ê ,
　　「用 別 的 神 替 換 耶 和 華 的，
4b　　　In ê iu-khó͘ beh ná ke-thiⁿ bô thè,
　　　　伊 的 憂 苦 要 越 加 添 無 退，

4c　In hiàn tiān-huih ê tsè, guá bô beh hiàn tse,
　　伊 獻 奠 血 的 祭，我 無 要 獻 這，
4d　　　Guá ê tshuì-tûn ia̍h m̄ thê-khí in ê miâ lâi kìng-lé . "
　　　　我 的 嘴 唇 亦 不 提 起 伊 的 名 來 敬 禮。」

5a　Iâ-hô-hua sī guá siū pun ê tsuân-gia̍h,
　　耶 和 華 是 我 受 分 的 全 額，
5b　　　Iā -sī guá pue-tiong ê hūn-gia̍h;
　　　　也 是 我 杯 中 的 份 額；

5c　Guá só͘ ìng-tit--ê ,
　　我 所 應 得 的，
5d　　　Lí kā guá kò͘-siú tsíng-tsê.
　　　　Lí給 我 固 守 整 齊。

6a　Só͘ niû hō͘ guá ê tuē-tài , sī tī tsin suí ê só͘-tsāi;
　　所 量 給 我 的 地 帶， 是 在 真 美 的 所 在；
6b　　　Guá ê sán-gia̍p si̍t-tsāi sī tsin hó tuē-kài.
　　　　我 的 產 業 實 在 是 真 好 地 界。

7a　Guá beh o -ló hit-ê kà-sī guá ê Iâ-hô-hua;
　　我 要 讚 美 彼 個 教 示 我 的 耶 和 華；
7b　　　Mî--sî guá ê sim-tn̂g ia̍h tsí-tiám guá;
　　　　暝 時 我 的 心 腸 亦 指 點 我；

8a　Guá siông-siông kìng-hōng Iâ-hô-hua tī guá ê bīn-tsîng;
　　我 常 常 敬 奉 耶 和 華 在 我 的 面 前 ；
8b　　　In-uī I tī guá ê tsiàⁿ-pîng, guá tsiū bô iô-tsuah an-tsīng.
　　 因為 祂 在 我 的 右 傍， 我 就 無 搖 泏 安 靜。

9a　In-uī án-ni guá ê sim huaⁿ-hí, guá ê sîn khuài-lo̍k hing-khí,
因為 按 呢 我 的 心 歡 喜，我 的 神 快 樂 興 起，
9b　　Guá ê jio̍k-sin ia̍h beh an-jiân khiā-khí.
　　　我 的 肉 身 亦 要 安 然 居 起。

10a　In-uī Lí bô tsiong guá ê lîng-hûn pàng-hē tī im-kan;
　　因為Lí 無 將 我 的 靈 魂 放 下 在 陰 間；
10b　　　Ia̍h bô hō͘ ua̍h tī Lí ê tsû-ài--ê , tú-tio̍h bâi-tsòng ê put-an.
　亦 無 讓 活 在 Lí 的 慈 愛 者，遇 著 埋 葬 的 不 安。

11a　Lí beh tsiong ua̍h-miā ê lō͘ tsí-sī guá.
　　 Lí 要 將 活 命 的 路 指 示 我。
11b　　　Tī Lí ê bīn-tsîng ū huaⁿ-hí muá-muá;
　　　　在 Ｌí 的 面 前 有 歡 喜 滿 滿；


　Tī Lí ê tsiàⁿ-tshiú ū íng-uán ê khuài-lo̍k si-kua.
　在 Lí 的 右 手 有 永 遠 的 快 樂 詩 歌。