《押韻啟應詩篇》

台語押韻啟應詩篇 18a

作者 Tīnn Jî-gio̍k

Iâ-hô-hua ê lôo-po̍k Tāi-pi̍t ê si; kau hōo Ga̍k-kuann.Tng Iâ-hô-hua kiù i thuat-lī it-tshè ê tùi-ti̍k, kap Sò-lô ê tshiú ê ji̍t, i tùi Iâ-hô-hua liām tsit- ê si ê ūe; kóng,

1　IÂ-HÔ-HOA GÓA Ê KHÙI-LA̍T AH, GÓA THIÀnn LÍ .
(齊聲)　耶和華　我　的氣　力　啊，我　愛　Lí。

2a　Iâ-hô-hua sī gúa ê suann-giâm,
　　耶和華　是　我　的山　巖，
2b　　　Gúa ê suann-tsē ê kiàm,
　　　　我　的山　寨　的劍，

2c　Gúa tô-siám ê Kiù-tsú,
　　我　逃閃　的救　主，
2d　　　Gúa ê Siōng-tè , gúa ê Tsú,
　　　　我　的上　帝，我　的主，

2e　Gúa ê tsio̍h-pûann tūe-ki ,
　　我　的石　磐　地　基，
2f　　　Gúa beh úa-khò I ;
　　　　我　要　倚靠　祂；

2g　I sī gúa ê tîn-pâi,
　　祂是我　的盾　牌，
2h　　　Sī kiù gúa ê kak, kài tsiam-lāi , iā sī gúa ê kûan-tâi .
　　　　是　救　我　的角，价　尖　利，也是　我　的高　台。

3a　Gúa beh kiû-kiò ìng-kai o -ló ê Iâ-hô-hua;
　　我 要 求 叫 應 該 讚 美 的 耶 和 華；
3b　　　Gúa tsiū tit-tio̍h kiù, thang thuat-lī gúa ê tùi-ti̍k teh tui-úa .
　　　　我 就 得 到 救，通 脫 離 我 的 對 敵 在 追 倚。

4a　Sí -bô ê soh tînn gúa kiânn,
　　死 亡 的 索 纏 我 行，
4b　　　Húi-lūi ê tūa-tsúi hōo gúa kiann.
　　　　匪 類 的 大 水 使 我 驚。

5a　Im-kan ê soh ûi-khùn gúa,
　　陰 間 的 索 圍 困 我，
5b　　　Sí -bô ê lô-bāng lîm-kàu gúa.
　　　　死 亡 的 羅 網 臨 到 我。

6a　Gúa tī khóo-lān-tiong kî-kiû Iâ-hô-hua,
　　我 在 苦 難 中 祈 求 耶 和 華，
6b　　　Tùi gúa ê Siōng-tè kiû-kiò bô suah.
　　　　對 我 的 上 帝 求 叫 無 息。

6c　I tùi I ê tiān-lāi thiann gúa ê siann,
　　祂 從 祂 的 殿 內 聽 我 的 聲，
6d　　　Gúa tī I ê bīn-tsîng sóo kiû--ê , ji̍p tī I ê hī teh thiann.
　　　　我 在 祂 的 面 前 所 求 的，入 在 祂 的 耳 在 聽。

7a　In-ūi I siū-khì, tūe tsiū iô koh tsuah;
　　因為 祂 怒 氣， 地 就 搖 又 泏 ；
7b　　　Suann ê tūe-ki ia̍h tín-tāng lâi iô-tsuah;
　　　　山 的 地 基 亦 震 動 來 搖 泏 ；

8a　Tùi I ê phīnn-khang tshìng-tshut ian kap húe-iām,
　　從 祂 的 鼻 孔 凊 出 煙 及 火 焰，
8b　　　Tùi I ê tshùi-lāi huat-tshut hé ná kiàm,
　　　　從 祂 的 嘴 內 發 出 火 若 劍，
　　　　thôo-thùann tùi án-ni to̍h kàu iām-iām.
　　　　土 炭 從 按 呢 to̍h 到 炎 炎。

9a　I hōo thinn sûi-lo̍h kē, pún-sin lîm-kàu,
　　祂 使 天 垂 落 低，本 身 臨 到，
9b　　　I ê kha-ē oo-àm-àm ná tshim-kau.
　　　　祂的 腳 下 黑暗 暗 若 深 溝。

10a　I khiâ ki-lōo-ping teh pe ;
　　祂 騎 基 路 兵 在 飛；
10b　　　I īng hong ê si̍t kín-kín pe .
　　　　祂 用 風 的 翼 緊 緊 飛。

11a　I īng oo-àm tsùe bih-sin ê sóo-tsāi,
　　祂 用 黑暗 做 匿 身 的 所 在，
11b　　　Tsùe tiùnn-pâng lâi ûi I bô lâng tsai,
　　　　做 帳 房 來 圍 祂 無 人 知，

11c　Tsiū-sī tsúi ê oo -àm,
　　就 是 水 的 黑 暗，
11d　　　Khong-tiong ê ba̍t-hûn lâi jia-khàm.
　　　　空 中 的 密 雲 來 遮 蓋。

12a　In-ūi I thâu-tsîng ê kng teh sih,
　　因為 祂 頭 前 的 光 在 閃，
12b　　　Ba̍t-hûn iā ho̍k-tsiông kiânn--kè--khì,
　　　　密 雲 也 服 從 行 過 去，
　　　　ū pha̍uh kap teh to̍h ê thôo-thùann tè I .
　　　　有 雹 及 在 to̍h 的 土 炭 隨 祂。

13a　Iâ-hô-hua tī thinn--ni̍h khí lûi ,
　　耶 和 華 在 天 裡 起 雷，
13b　　　Tsì-kûan--ê tshut I ê siann teh tshui,
　　　　至 高 者 出 祂 的 聲 在 催，
　　　　ū pha̍uh kap teh to̍h ê thôo-thùann múa sì -ûi .
　　　　有 雹 及 在 to̍h 的 土 炭 滿 四 圍。

14a　I siā-tshut I ê tsìnn, hōo tùi-ti̍k sì-sùann lâi tsáu-tshúan,
　　祂 射 出 祂 的 箭， 使 對 敵 四 散 來 走 喘 ，
14b　　　Huat-tshut tsūe-tsūe sih-nà, hōo in jiáu-lūan.
　　　　發 出 多 多 閃 電，使 伊 擾 亂。

15a　Iâ-hô-hua ah, Lí ê tsik-pī tsi̍t-ē huat-tshut,
　　耶 和 華 啊，Lí 的 責 備 一 下 發 出 ，
15b　　　Lí ê phīnn-khang ê khì tsi̍t-ē tshut,
　　　　Ｌí的 鼻 孔 的 氣 一 下 出 ，

15c　Tsúi-túe tsiū tshut-hiān,
　　水 底 就 出 現，
15d　　　Tūa-tūe ê kun-ki ia̍h lōo-hiān.
　　　　大 地 的 根 基 亦 露 現。

16a　I tùi tíng-bīn tshun-tshiú khiú gúa tshut,
　　祂 從 頂 面 伸 手 拉 我 出 ，
16b　　Tùi tūa-tsúi ê tiong-kan khan gúa tshut.
　　　　從 大 水 的 中 間 牽 我 出 。

17a　I kiù gúa thuat-lī gúa bíng ê tùi-ti̍k,
　　祂救 我 脫 離 我 猛 的 對 敵，
　　í -ki̍p hiah-ê ùan-hūn gúa ê lâng ê sè-li̍k,
　　以及 那 些 怨 恨 我 的 人 之 勢 力，
17b　　　In-ūi in pí gúa khah kiông-li̍k.
　　　　因 為 伊 比 我 更 強 力。

18a　Gúa tú-tio̍h tsai-lān ê ji̍t , in lâi kong-kik gúa bô-thè,
　　我 遇 到 災 難 的 日，伊 來 攻 擊 我 無 退，
18b　　　Tsóng-sī Iâ-hô-hua sī gúa sóo úa-khò--ê .
　　　　總 是 耶 和 華 是 我 所 倚 靠 的。
19a　I ia̍h tshūa gúa kàu khui-khuah ê sóo-tsāi,
　　祂 亦 導 我 到 開 闊 的 所 在，

19b　　　I kiù gúa, in-ūi I huann-hí gúa ho̍k-sāi .
　　　　祂 救 我，因 為 祂 歡 喜 我 服 事。

20a　Iâ-hô-hua tsiàu gúa ê gī pò-tap gúa;
　　耶 和 華 照 我 的 義 報 答 我；
20b　　　Tsiàu gúa tshiú ê tshing-khì pò-siúnn gúa.
　　　　照 我 手 的 清 氣 報 賞 我。

21a　In-ūi gúa tsun-siú Iâ-hô-hua ê tō-lōo kàu bé ,
　　因 為 我 遵 守 耶 和 華 的 道 路 到 尾，
21b　　　Bē-bat tsùe-pháinn, lī-khui gúa ê Siōng-tè.
　　　　未 曾 作 歹， 離 開 我 的 上 帝。

22a　I ê huat-lu̍t lóng tī gúa ê bīn-tsîng;
　　祂的 法 律 攏 在 我 的 面 前 ；
22b　　　I ê lé -gî , gúa bē-bat khì-sak bô kiong-kìng.
　　　　祂的 禮 儀，我 未 曾 棄 捨 無 恭 敬。

23a　Gúa tī I ê bīn-tsîng tsùe ûan-tsûan,
　　我 在 祂 的 面 前 做 完 全 ，
23b　　　Gúa ia̍h pó-siú ka-kī , lī-khui gúa ê tsūe-ok kap i bô kuan.
　　　　我 亦 保 守 自 己，離 開 我 的 罪 惡 與 它 無 關。

24a　Sóo-í Iâ-hô-hua pò-siúnn gúa hiòng-tsîng,
　　所以 耶 和 華 報 賞 我 向 前，
24b　　　Sī tsiàu gúa ê gī ;
　　　　是 照 我 的 義；

24c　Ia̍h sī tsiàu gúa tī I ê ba̍k-tsiu tsîng,
　　亦 是 照 我 在 祂 的 目 珠 前，
24d　　　Tsiàu gúa tshiú ê tshing-khì.
　　　　照 我 手 的 清 氣。