《押韻啟應詩篇》

台語押韻啟應詩篇 25

作者 Tīnn Jî-gio̍k

Tāi-pi̍t ê si.

1　IÂ-HÔ-HOA AH, GÓA Ê SIM-SÎnn GIÓNG-BŌNG LÍ.
(齊聲)耶和　華　啊， 我　的 心　神　仰　望　Ｌｉ２。


2a　Gúa ê Siōng-tè ah, gúa pîng-sòo úa-khò Lí siū tsí-kàu,
　　我　的 上　帝 啊，我　平　素 倚 靠　Ｌｉ２ 受　指 教，
2b　　　M̄-thang hōo gúa kiàn-siàu hōo lâng sau,
　　　　不 通　讓　我　見　誚　受　人　消，
　　　　m̄ -thang hōo gúa ê tùi-ti̍k in-ūi iânn gúa lâi khua-kháu.
　　　　不 通　讓 我　的 對 敵　因 為 贏　我　來　誇　口。


3a　Kìnn-nā thìng-hāu Lí--ê, tik-khak bô kiàn-siàu;
　　見 若 等 候　Ｌｉ２ 者, 的 確 沒 見 誚；
3b　　　Hiah-ê bô iân-kòo kiânn kan-tsà--ê , beh kiàn-siàu.
　　　　彼 些 沒 緣 故 行 奸 詐 者，要 見 誚。


4a　Iâ-hô-hua ah, kiû Lí tsiong Lí ê tō -lōo tsí-sī gúa,
　　耶 和 華 啊，求　Ｌｉ２將　Ｌｉ２的 道 路 指 示 我，
4b　　　Tsiong Lí ê lōo-tôo kà -sī gúa.
　　　　將　Ｌｉ２的 路 途 教 示 我。


5a　Kiû Lí tshūa gúa tī Lí ê tsin-lí ,
　　求　Ｌｉ２ 導 我 在 Ｌｉ２ 的 真 理,
5b　　　Koh kā gúa kà -sī ,
　　　　又 給 我 教 示，


5c　In-ūi kiù gúa ê Siōng-tè sī Lí ,
　　因 為 救 我 的 上 帝 是　Ｌｉ２，
5d　　　Gúa thong-ji̍t thìng-hāu Lí .
　　　　我 通 日 等 候　Ｌｉ２。


6a　Iâ-hô-hua ah , kiû Lí kì-liām Lí ê lîn-bín kap Lí ê tsû-ài ;
　　耶 和 華 啊，求　ＬＩ２ 紀 念　Ｌｉ２的 憐 憫 和　Ｌｉ２ 的 慈 愛；
6b　　　In-ūi tse sī kóo-tsá í -lâi siông-siông tsûn-tsāi.
　　　　因 為 這 是 古 早 以 來 常 常 存 在。


7a　Kiû Lí m̄-thang kì-liām gúa siàu-liân ê tsūe-kùa,
　　求　Ｌｉ２不 通 紀 念 我 少 年 的 罪 過，
7b　　　Kap gúa kùe-sit ê tūa,
　　　　和 我 過 失 的 大，


7c　Iâ-hô-hua ah, kiû Lí tsiàu Lí ê tsû-ài lâi khùann-kòo gúa.
　　耶 和 華 啊，求　Ｌｉ２ 照　Ｌｉ２的 慈 愛 來 看 顧 我。
7d　　　In-ūi Lí ê un-hūi kì -liām gúa.
　　　　因 為Ｌｉ２的 恩 惠 記 念 我。


8a　Iâ-hô-hua sī hó koh tsìng-ti̍t ê tō -lōo ,
　　耶 和 華 是 好 又 正 直 的 道 路，
8b　　　Sóo -í I beh tsí-sī tsūe-jîn kiânn tsiànn-lōo .
　　　　所 以 祂 要 指 示 罪 人 行 正 路。


9a　I beh īng kong-pîng ín-tshūa khiam-sùn ê lâng,
　　祂 要 用 公 平 引 導 謙 遜 的 人，
9b　　　I beh īng I ê tō -lōo kà-sī khiam-sùn ê lâng.
　　　　祂 要 用 祂 的 道 路 教 示 謙 遜 的 人。


10a　Kìnn-nā siú I ê iok kap I ê kài-bīng ê lâng,
　　凡 若 守 祂 的 約 和 祂 的 誡 命 的 人，
10b　　　Iâ-hô-hua khúan-thāi in lóng sī īng sîng-si̍t tsû-ài lâi pang-bâng.
　　　　耶 和 華 款 待 伊 攏 是 用 誠 實 慈 愛 來 幫 忙。


11a　Iâ-hô-hua ah , gúa ê tsūe tsin tāng;
　　耶 和 華 啊， 我 的 罪 真 重；
11b　　　Kiû Lí in-ūi Lí ê miâ sià-bián gúa tit tháu-pàng.
　　　　求　ＬＩ２ 因 為 Ｌｉ２的 名 赦 免 我 得 釋 放。


12a　Sím-mi̍h lâng kìng-ùi Iâ-hô-hua?
　　什 麼 人 敬 畏 耶 和 華？
12b　　　Iâ-hô-hua beh tsí-sī i sóo tio̍h kíng ê lōo lâi ín-tshūa.
　　　　耶 和 華 要 指 示他 所 著 揀 的 路 來 引 導 。


13a　I ê sim-sîn beh tit-tio̍h an-hioh;
　　他的 心 神 要 得 著 安 息；
13b　　　I ê hōo -è beh sîng-tsiap thóo-tūe būe tsió.
　　　　他的 後 裔 要 承 接 土 地 不 少。


14a　Iâ-hô-hua kap kìng-ùi I ê lâng tshin-bi̍t;
　　耶 和 華 和 敬 畏 祂 的 人 親 密；
14b　　　Koh beh tsiong I ê iok tsí-sī in tsùe kà-ti̍t.
　　　　又 要 將 祂 的 約 指 示 伊 做 價 值。



15a　Gúa ê ba̍k-tsiu siông-siông ǹg Iâ-hô-hua;
　　我 的 目 珠 常 常 向 耶 和 華；
15b　　　In-ūi I beh hōo gúa ê kha thuat-lī lô-bāng bô pu̍ah.
　　　　因 為 祂 要 讓 我 的 腳 脫 離 羅 網 無 跌。


16a　Kiû Lí u̍at-tńg ǹg gúa, khó-lîn gúa,
　　求　Ｌｉ２越 轉 向 我， 可 憐 我，
16b　　　In-ūi gúa sī koo-tuann koh khùn-khóo bô i -úa.
　　　　因 為 我 是 孤 單 又 困 苦 無 依 倚。


17a　Gúa ê sim-lāi ê iu-khóo tsin-tsūe bô kán-tan.
　　我 的 心 內 的 憂 苦 真 多 不 簡 單。
17b　　　Kiû Lí kiù gúa thuat-lī gúa lóng-tsóng ê hūan-lān.
　　　　求　Ｌｉ２救 我 脫 離 我 攏 總 的 患 難。


18a　Kiû Lí khùann gúa ê kan-lân kap gúa ê khóo-lô .
　　求 　Ｌｉ２ 看 我 的 艱 難 和 我 的 苦 勞。
18b　　　Sià-bián gúa it-tshè ê tsūe-kò.
　　　　赦 免 我 一 切 的 罪 過。


19a　Kiû Lí khúann gúa ê tùi-ti̍k, in-ūi in tsin tsūe;
　　求　Ｌｉ２ 看 我 的 對 敵，因 為 伊 真 多；
19b　　　In ùan-hūn gúa tsin ok-to̍k kàu túe.
　　　　伊 怨 恨 我 真 惡 毒 到 底。


20a　Kiû Lí pó-hōo gúa ê sìnn-miā, tsín-kiù gúa ki̍p -sî ,
　　求　Ｌｉ２ 保 護 我 的 性 命，拯 救 我 及 時，
20b　　　Hōo gúa bô kiàn-siàu, in-ūi gúa úa-khò Lí .
　　　　讓 我 沒 見 誚， 因 為 我 倚 靠 　Ｌｉ２。


21a　Gūan sûn-tsûan tsìng-ti̍t pó-hōo gúa,
　　願 純 全 正 直 保 讓 我，
21b　　　In-ūi gúa thìng-hāu Lí .
　　　　因 為 我 聽 候 　Ｌｉ２。


22a　Siōng-tè ah, kiû Lí kiù-sio̍k Í -sik-lia̍t,
　　上 帝 啊，求　Ｌｉ２ 救 贖 以 色 列，
22b　　　Thuat-lī i it-tshè ê kan-khóo bián siau-bia̍t.
　　　　脫 離 他 一切 的 艱 苦 免 消 滅。