《押韻啟應詩篇》

台語押韻啟應詩篇 26

作者 Tīnn Jî-gio̍k

Tāi-pi̍t ê si.

1a　Iâ-hô-hua ah , kiû Lí kā gúa phùann-tùan;
　　耶 和 華　啊，求　Ｌｉ２給 我　判　斷；
　　in-ūi gúa ū kiânn, tsiàu gúa ê sûn-tsûan.
　　因為　我　有 行， 照　我　的 純　全。
1b　　　Gúa úa-khò Iâ-hô-hua bô iô-tsuah kùe kuan.
　　　　我　倚 靠　耶 和 華　沒　搖 泏　過　關。


2a　Iâ-hô-hua ah , kiû Lí kàm-tshat gúa, tshì-giām gúa.
　　耶 和 華 啊，求　Ｌｉ２鑑 察 我， 試 驗 我。
2b　　　Thùan-liān gúa ê sim-tn̂g khuan-khuah.
　　　　鍛 鍊 我 的 心 腸 寬 闊。


3a　In-ūi Lí ê tsû-ài siông-siông tī gúa ê ba̍k-tsiu-tsîng;
　　因 為Ｌｉ２的 慈 愛 常 常 在 我 的 目 珠 前；
3b　　　Gúa ia̍h ū tsiàu Lí ê tsin-lí kiânn tsìn-tsîng.
　　　　我 亦 有 照　Ｌｉ２ 的 真 理 行 進 前。


4a　Gúa bē bat kap hong-hàm ê lâng sann-kap tsē;
　　我 未 曾 和 謊 譀 的 人 相 與 坐；
4b　　　Ia̍h bô kap ké-tsùe ê lâng tsùe-tīn the.
　　　　亦 沒 和 假 作 的 人 作 陣 躺。


5a　Gúa ùan-hūn pháinn-lâng ê hūe;
　　我 怨 恨 壞 人 的 會；
5b　　　Bô beh kap ok-to̍k ê lâng tâng tsū-hūe.
　　　　不 要 和 惡 毒 的 人 同 聚 會。


6a　Iâ-hô-hua ah , gúa beh súe tshiú piáu-bîng gúa ê bô tsūe,
　　耶 和 華 啊，我 要 洗 手 表 明 我 的 無 罪，
6b　　　Tsiah lâi se̍h Lí ê tsè-tûann kúi-nā kùe,
　　　　才 來 踅　Ｌｉ２的 祭 壇 幾 若 次，


7a　Thang hōo lâng thiann-kìnn kám-siā ê siann tsi̍t-kùe koh tsi̍t-kùe.
　　通 給 人 聽 見 感 謝 的 聲 一 次 又 一 次。
7b　　　Koh thang kóng khí Lí it-tshè kî-biāu ê sóo-tsùe.
　　　　又 通 講 起　Ｌｉ２ 一 切 奇 妙 的 所 作。

8a　Iâ-hô-hua ah , gúa thiànn-sioh Lí sóo-tùa ê tshù;
　　耶 和 華 啊，我 愛 惜　Ｌｉ２ 所 住 的 厝；
8b　　　Í- ki̍p Lí îng-kng sóo tī-teh ê sóo-tsāi kú-kú .
　　　　以及　Ｌｉ２ 榮 光 所 在 的 的 所 在 久 久。


9a　M̄-thang tsiong gúa ê lîng-hûn kap tsūe-jîn
　　不 通 將 我 的 靈 魂 和 罪 人
　　tsùe tsi̍t -ē siu-si̍p--khì.
　　作 一 下 收 拾 去。


9b　　　M̄ -thang tsiong gúa ê u̍ah-miā kap thâi-lâng--ê
　　　　不 通 將 我 的 活 命 和 殺 人 者
　　　　tsùe tsi̍t -ē siu-si̍p--khì.
　　　　作 一 下 收 拾 去。


10a　In ê tshiú-tiong ū kan-ok ê pháinn-pōo,
　　伊 的 手 中 有 奸 惡 的 歹 步，
10b　　　In ê tsiànn-tshiú múa-múa pòo -lōo .
　　　　伊 的 右 手 滿 滿 賄 路。


11a　Lūn-kàu gúa, gúa beh tsiàu gúa ê sûn-tsûan lâi kiânn;
　　論 到 我， 我 要 照 我 的 純 全 來 行；
11b　　　Kiû Lí lîn-bín gúa, kiù-sio̍k gúa ê sìnn-miā.
　　　　求　Ｌｉ２ 憐 憫 我， 救 贖 我 的 性 命。


12a　Gúa ê kha khiā tī pînn-thánn ê sóo-tsāi bô iô-tsuah.
　　我 的 腳 站 在 平 坦 的 所 在 沒 搖 泏。
12b　　　Tī tsìng-hūe-tiong, gúa beh o -ló Iâ-hô-hua.
　　　　在 眾 會 中， 我 要 讚 美 耶 和 華。