《押韻啟應詩篇》

台語押韻啟應詩篇 27

作者 Tīnn Jî-gio̍k

Tāi-pi̍t ê si.

1a　Iâ-hô-hua sī gúa ê kng, sī gúa ê pang-bâng,
　　耶 和 華　是　我　的 光， 是　我　的 幫　忙，
　　gúa beh kiann siánn-lâng?
　　我　要　驚 　啥　人?
1b　　　Iâ-hô-hua sī gúa ê u̍ah-miā, gúa ê la̍t; gúa beh kiann siánn-lâng?
　　　　耶 和 華　是　我　的 活　命，我　的 力；我　要　驚　啥　人？


2a　Hiah -ê tsùe pháinn ê lâng,
　　彼　些 做　壞　的 人，
2b　　　Tsiū-sī gúa ê uan-siû-lâng, gúa ê tùi-ti̍k teh tshūe phāng,
　　　　就　是　我 的 冤　仇　人， 我　的 對　敵　在 找　縫，


2c　Lâi kong-kik gúa, beh tsia̍h gúa ê bah,
　　來　攻　擊　我， 要　吃　我　的 肉，
2d　　　Hit-sî in tsiū tio̍h-tak pu̍ah tī thôo-kha.
　　　　彼　時　伊　就　著　觸　跋　在 土　腳。


3a　Sui-jiân ū kun-ping tsat-iânn hán-huah, beh kong-kik gúa,
　　雖 然 有 軍 兵 紮 營 喊 喝 ， 要 攻 擊 我，
3b　　　Gúa ê sim ia̍h bô kiann-hiânn lâi iô-tsuah;
　　　　我 的 心 亦 不 驚 惶 來 搖 泏；


3c　Sui-jiân hing-khí to-ping kong-kik gúa,
　　雖 然 興 起 刀 兵 攻 擊 我，
3d　　　Gúa iû-gûan tsū-tsāi bô-tsuah.
　　　　我 猶 原 自 在 無 泏 。


4a　Ū tsi̍t-hāng sū gúa bat tùi Iâ-hô-hua kiû,
　　有 一 項 事 我 曾 對 耶 和 華 求，
4b　　　Gúa iû-gûan tì - ì ài tit-tio̍h ê sū -iû ,
　　　　我 猶 原 致 意 要 得 著 的 事 由，


4c　Tsiū-sī tsi̍t-sì-lâng khiā-khí Iâ-hô-hua ê tshù,
　　就 是 一 世 人 居 起 耶 和 華 的 厝，
4d　　　Khùann I ê îng-kng, siàu-liām I ê tiān ê îng -ū .
　　　　看 祂 的 榮 光，思 念 祂 的 殿 之 榮 譽。


5a　In-ūi hūan-lān ê ji̍t, I beh àm-tsīnn pó-hōo gúa tī I ê tiùnn-ûi-lāi;
　　因為 患 難 的 日, 祂 曾 暗 靜 保 護 我 在 祂的帳 圍 內；
5b　　　Tsiong gúa khǹg tī I pòo-pînn khàm-ba̍t ê sóo-tsāi;
　　　　將 我 放 在 祂 布 棚 蓋 密 的 所 在；
　　　　kú-khí gúa tī tsio̍h-pûann-tíng khiā-tsāi.
　　　　舉 起 我 在 石 磐 頂 立 在。


6a　Tann gúa ê thâu-khak tit-tio̍h kia̍h-khí,
　　今 我 的 頭 殼 得 著 舉 起，
6b　　　Khah kûan tī gúa sì-bīn ê tùi-ti̍k tsiàn-kî .
　　　　較 高 於 我 四 面 的 對 敵 戰 旗。


6c　Gúa beh tī I ê pòo-pînn hiàn huann-hí ê tsè tshiùnn-kua,
　　我 要 祂 的 布 棚 獻 歡 喜 的 祭 唱 歌，
6d　　　Gúa beh gîm-si , ia̍h beh tshiùnn-kua o -ló Iâ-hô-hua.
　　　　我 要 吟 詩，亦 要 唱 歌 讚 美 耶 和 華。


7a　Iâ-hô-hua ah, gúa tshut-siann kiû-kiò ê sî , kiû Lí thiann.
　　耶 和 華 啊，我 出 聲 求 叫 的 時，求 Ｌｉ２　聽。
7b　　　Koh kiû Lí lîn-bín gúa, ìn gúa ê siann.
　　　　又 求　Ｌｉ２憐 憫 我， 應 我 的 聲。


8a　Lí bat kóng, lín tio̍h him-bōo kìnn Gúa ê bīn,
　　Ｌｉ２　曾 說， 恁 著 欣 慕 見 我 的 面，
8b　　　Hit-sî gúa ê sim tùi Lí kóng kín-kín,
　　　　彼 時 我 的 心 對　Ｌｉ２講 緊 緊，


8c　Iâ-hô-hua ah , gúa beh him-bōo kìnn Lí ê bīn,
　　耶 和 華 啊， 我 要 欣 慕 見Ｌｉ２的 面，
8d　　　M̄-thang tùi gúa ng Lí ê bīn.
　　　　不 通 對 我 掩　Ｌｉ２的 面。


9a　M̄-thang siū-khì lâi kúann Lí ê lôo-po̍k hōo gúan put-an,
　　不 通 怒 氣 來 趕　Ｌｉ２ 的 奴 僕 使 阮 不 安，
9b　　　Lí pîng-sòo sī tsùe gúa ê pang-tsān.
　　　　Ｌｉ２平 素 是 作 我 的 幫 助。


9c　Kiù gúa ê Siōng-tè ah , m̄-thang pàng-sak gúa,
　　救 我 的 上 帝 啊， 不 通 放 捨 我，
9d　　　Ia̍h m̄-thang lī-khui gúa.
　　　　亦 不 通 離 開 我。


10a　In-ūi pē-bú lī-khui gúa,
　　因 為 父 母 離 開 我，
10b　　　Iâ-hô-hua beh siu-liû gúa.
　　　　耶 和 華 要 收 留 我。


11a　Iâ-hô-hua ah , kiû Lí īng Lí ê tō-lōo tsí-sī gúa tsi̍t-pōo tsi̍t-pōo .
　　耶 和 華 啊，求　Ｌｉ２用　Ｌｉ２的 道路 指 示 我 一 步 一 步。
11b　　　In-ūi gúa ê tùi-ti̍k ê iân-kòo, tshūa gúa tī pînn-thánn ê lōo.
　　　　因為 我 的 對 敵 的 緣 故，領 我 在 平 坦 的 路。


12a　M̄-thang tsiong gúa kau hōo tùi-ti̍k,
　　不 通 將 我 交 給 對 敵，
12b　　　Tsiânn in ê sim-gūan tsùe sim-sik.
　　　　成 伊 的 心 願 作 欣 適。


12c　In-ūi lām-sám kan-tsìng ê lâng khí-lâi kong-kik gúa,
　　因 為 濫 糝 干 証 的 人 起 來 攻 擊 我，
12d　　　In ia̍h thòo-tshut hiong-ok ê ūe ná teh thâi-kuah.
　　　　伊 亦 吐 出 兇 惡 的 話 若 在 殺 割。


13a　Gúa nā m̄-sìn tī u̍ah-lâng ê tūe ê tsiu-ûi,
　　我 若 不 信 在 活 人 的 地 的 周 圍，
　　tit-tio̍h khùann-kìnn Iâ-hô-hua ê un-hūi,
　　得 著 看 見 耶 和 華 的 恩 惠，
13b　　　Tsiū-sī tik-khak tsu̍at-bāng bô khùi.
　　　　就 是 的 確 絕 望 沒 氣。


14a　Tio̍h thìng-hāu Iâ-hô-hua, tio̍h ióng-tsòng,
　　著 等 候 耶 和 華， 著 勇 壯，
　　lí ê sim tio̍h kian-kòo bô suah,
　　你 的 心 著 堅 固 無 息，
14b　　　Si̍t-tsāi tio̍h thìng-hāu Iâ-hô-hua.
　　　　實 在 著 等 候 耶 和 華。