《押韻啟應詩篇》

台語押韻啟應詩篇 30

作者 Tīnn Jî-gio̍k

Tsit-ê si sī hiàn kiong-tiān ê kua; Tāi-pi̍t tsùe--ê.

1a　Iâ-hô-hua ah, gúa beh tsun-tiōng Lí tsùe tsì-kûan,
　　耶 和 華　啊， 我　要　尊　重　ＬＩ２　作　至 高，
　　in -ūi Lí bat thê-pu̍at gúa kûan-kûan.
　　因 為　Ｌｉ２ 曾　提 拔　我　高　高。
1b　　　Bô hōo gúa ê kiû-siû tùi gúa khua-kháu tsiáng-kûan.
　　　　無　給　我 的 仇　讎 對　我　誇　口　掌　權。


2a　Gúa ê Siōng-tè Iâ-hô-hua,
　　我　的 上　帝　耶 和 華，
2b　　　Gúa bat kiû-kiò Lí , Lí tsiū i -hó gúa.
　　　　我　曾　求　叫　Ｌｉ２，Ｌｉ２　就　醫 好　我。


3a　Iâ-hô-hua ah , Lí bat kiù gúa ê lîng-hûn tùi im-kan khí--lâi,
　　耶 和 華 啊，Ｌｉ２　曾 救 我 的 靈 魂 對 陰 間 起 來，
3b　　　Lí hōo gúa u̍ah--teh, bián tit hōo lâng tâi.
　　　　Ｌｉ２　使 我 活 著, 免 得 受 人 埋。


4a　Iâ-hô-hua sìng ê peh-sìnn ah, lín tio̍h tshiùnn-kua o -ló I ,
　　耶 和 華 聖 的 百 姓 啊，恁 著 唱 歌 讚 美 祂，
4b　　　Kì-liām I ê sìng-miâ lâi kám-siā I .
　　　　紀 念 祂 的 聖 名 來 感 謝 祂。


5a　In -ūi I ê siū-khì put-kò ba̍k-nih-kú;
　　因 為 祂 的 受 氣 不 過 目 瞬 久；
5b　　　I ê un-tián sī it-sing ê kú;
　　　　祂 的 恩 典 是 一 生 的 久；


5c　Sui-jian ū thî-khàu kui-mî ,
　　雖 然 有 啼 哭 歸 暝，
5d　　　Tsá-khí-sî tsiū ū huann-hí .
　　　　早 起 時 就 有 歡 喜。


6a　Lūn-kàu gúa, gúa tī hing-thong ê sî tsiū kóng,
　　論 到 我， 我 在 興 通 的 時 就 講：
6b　　　Gúa íng būe iô -tsuah bô piàn-tōng.
　　　　我 永 未 搖 泏 無 變 動。


7a　Iâ-hô-hua ah , Lí bat si -un ,
　　耶 和 華 啊，Ｌｉ２　曾 施 恩，
7b　　　Hōo gúa ê suann khiā -tsāi kian-kòo .
　　　　給 我 的 山 站 在 堅 固。


7c　Lí ng Lí ê bīn,
　　Ｌｉ２　掩　Ｌｉ２的 面，
7d　　　Gúa tsiū peh-pak sit-bîn .
　　　　我 就 擘 腹 失 眠。


8a　Iâ-hô-hua ah , gúa kiû -kiò Lí ;
　　耶 和 華 啊， 我 求 叫　Ｌｉ２；
8b　　　Gúa tùi Iâ-hô-hua kiû un, kóng ta̍k-sî .
　　　　我 對 耶 和 華 求 恩，講 逐 時。


9a　Gúa lâu-huih, gúa ji̍p bōng, ū siánn lī -ik ah ?
　　我 流 血， 我 入 墓， 有 甚 利 益 啊？
9b　　　Tîn-ai kiám ūe o-ló Lí mah? kiám ūe pò-iông Lí ê tsin-si̍t mah?
　　　塵 埃 豈 能 讚美Ｌｉ２嗎？ 豈 會 報 揚　Ｌｉ２的 真 實 嗎？


10a　Iâ-hô-hua ah , kiû Lí thiann gúa, lîn-bín gúa,
　　耶 和 華 啊，求　Ｌｉ２聽 我， 憐 憫 我，
10b　　　Iâ-hô-hua ah, kiû Lí pang-tsān gúa.
　　　　耶 和 華 啊，求　Ｌｉ２幫 助 我。


11a　Lí í -king tsiong gúa ê thî-khàu piàn-tsùe thiàu-bú ;
　　　Ｌｉ２已 經 將 我 的 啼 哭 變 作 跳 舞；
11b　　　Lí tsiong gúa ê mûa-sann ūann tsùe huann-hí kui sing -khu.
　　　　Ｌｉ２將 我 的 麻 衫 換 作 歡 喜 歸 身 軀。


12a　Thang hōo gúa ê sim-sîn tshiùnn-kua,
　　通 給 我 的 心 神 唱 歌，
12b　　　O -ló Lí ia̍h būe tsiū án-ni suah.
　　　　讚 美　Ｌｉ２亦 不 就 按 呢 息。


12c　Iâ-hô-hua gúa ê Siōng-tè ah ,
　　耶 和 華 我 的 上 帝 啊，
12d　　　Gúa beh kám-siā Lí kàu íng-úan lah.
　　　　我 要 感 謝　Ｌｉ２ 到 永 遠 啦。