《押韻啟應詩篇》

台語押韻啟應詩篇 36

作者 Tīnn Jî-gio̍k

Iâ-hô-hua ê lôo-po̍k Tāi-pi̍t ê si, kau hōo Ga̍k-kuann.

1a　Pháinn-lâng ê tsūe-kùa, tī gúa ê sim ū ūe kóng--ê ,
　　歹　人　的 罪　過 ，在　我　的 心　有 話　講　的，
1b　　　I ê ba̍k-tsiu-tiong bô kiann Siōng-tè .
　　　　他的　目　珠　中　無 驚　上　帝。


2a　In -ūi tī i ê ba̍k-tsiu-lāi, i ka-kī thiám-mī tsū-tsun.
　　因 為　在　他 的 目　珠　內，他自 己　諂　媚　自　尊。
2b　　　Phah-sǹg i ê tsūe-ok íng būe lōo-hiān, būe siū ùan-hūn.
　　　　打　算　他 的 罪　惡　永　未　露 現 ，未　受　怨　恨。


3a　I tshùi-lāi ê ūe , lóng sī tsūe-ok kap kan-tsà ê hong-huat.
　　他 嘴 內 的話，攏 是 罪 惡 及 奸 詐 的 方 法。
3b　　　I kap tì -hūi ê hó sóo-kiânn í -king tūan-tsu̍at.
　　　　他 與 智 慧 的 好 所 行 已 經 斷 絕。


4a　I tī bîn-tshn̂g tôo-bôo tsūe-ok ùan-tòo ;
　　他在 眠 床 圖 謀 罪 惡 怨 妒；
　　I tiānn-tio̍h ì -sù khiā tī m̄ -hó ê lōo .
　　他 定 著 意 思 站 在 不 好 的 路。
4b　　　I bô ùan-hūn pháinn-tāi tsùe iàm-òonn.
　　　　他 無 怨 恨 歹 事 做 厭 惡。


5a　Iâ-hô-hua ah, Lí ê tsû-ài tshiong-múa tī thài-khong,
　　耶 和 華 啊，Ｌｉ２的 慈 愛 充 滿 在 太 空，
5b　　　Lí ê sìn-si̍t kàu tī kiong-tshong.
　　　　Ｌｉ２的 信 實 到 在 穹 蒼 。


6a　Lí ê gī , kûan tshin-tshiūnn kûan-suann ê pian-iân,
　　Ｌｉ２　的 義，高 親 像 高 山 的 邊 緣，
6b　　　Lí ê phùann-tùan, tshim tshin-tshiūnn tshim-ian.
　　　　Ｌｉ２　的 判 斷 ， 深 親 像 深 淵。

(齊聲)　SIŌNG-TÈ AH, LÂNG KAP CHENG-SInn, LÍ LÓNG PÓ-HOo Inn.
　　　　上 帝 啊，人 與 畜 牲，Ｌｉ２　攏 保 護 伊。


7a　Siōng-tè ah , Lí ê tsû-ài tsáinn-iūnn hiah pó-pùe ah !
　　上 帝 啊，Ｌｉ２　的 慈 愛 怎 樣 許 寶 貝 啊！
7b　　　Sè-kan-lâng bih tī Lí si̍t-kóo ê tì -ìm- ē lah.
　　　　世 間 人 匿 在　Ｌｉ２翼 股 的 庇 蔭 下 啦。


8a　In beh in-ūi Lí ê tshù ê hó-mi̍h, lâi tsia̍h kàu pá ,
　　伊 要 因 為Ｌｉ２的 厝 的 好 物， 來 食 到 飽，
8b　　　Lí ia̍h beh hōo in lim Lí khùai-lo̍k ê hô-tsúi bián tshùi-ta .
　　　　Ｌｉ２　 亦 要 使 伊 飲　Ｌｉ２快 樂 的 河 水 免 嘴 乾。


9a　In -ūi u̍ah-miā ê gûan-thâu, tsāi tī Lí hia;
　　因 為 活 命 的 源 頭， 在 於　Ｌｉ２彼；
9b　　　Tī Lí ê kng, gúan beh khùann-kìnn kng sì -siā .
　　　　在　Ｌｉ２的 光，阮 要 看 見 光 四 射。


10a　Gūan Lí siông-siông si tsû-ài hōo bat Lí ê lâng;
　　願　Ｌｉ２常 常 施 慈 愛 給 識　Ｌｉ２的 人；
10b　　　Siông-siông īng Lí ê kong-gī si hōo sim-lāi tsìng-ti̍t ê lâng.
　　　　常 常 用　Ｌｉ２ 的 公 義 施 給 心 內 正 直 的 人。


11a　M̄-thang iông-ún kiau-ngōo ê lâng ê kha thún-ta̍h gúa,
　　不 通 容 允 驕 傲 的 人 的 腳 踐 踏 我，
11b　　　M̄-thang iông-ún hiong-ok ê lâng ê tshiú kúann-tio̍h gúa.
　　　　不 通 容 允 兇 惡 的 人 的 手 趕 著 我。


12a　Tī hia tsùe pháinn ê lâng í -king tó--lo̍h-khì;
　　在 彼 作 歹 的 人 已 經 倒 落 去；
12b　　　I siū tshia-tó , būe-ūe koh khí.
　　　　他 受 推 倒， 未 會 復 起。