《押韻啟應詩篇》

台語押韻啟應詩篇 37a

作者 Tīnn Jî-gio̍k

Tāi-pi̍t ê si.

1a　M̄-thang in-ūi tsùe pháinn ê lâng, sim-lāi put-pîng;
　　不 通　因 為　作　歹　的 人，　心　內　不　平；
1b　　　Ia̍h m̄-thang ùan-tòo kiânn put-gī ê lâng ū hó-kíng.
　　　　亦　不 通　怨　妒　行　不　義 的 人　有 好 景。


2a　In-ūi in tshin-tshiūnn tsháu khùai-khùai siū kuah--khì.
　　因 為 伊　親　像　草　快　快　受　割　去。
2b　　　Koh tshin-tshiūnn tshinn-tshùi ê tshài láu--khì.
　　　　又　親　像　青　翠　的　菜　老　去。


3a　Tio̍h úa-khò Iâ-hô-hua lâi kiânn hó , tsùe kî -kiû,
　　著 倚 靠 耶 和 華 來 行 好，做 祈 求，
3b　　　Tiàm-tī tsit- ê thóo-tūe, īng sîng-si̍t tsùe bí -niû.
　　　　站 在 這 個 土 地，用 誠 實 做 米 糧。


4a　Tio̍h lia̍h Iâ-hô-hua tsùe huann-hí ,
　　著 掠 耶 和 華 做 歡 喜，
4b　　　I beh tsiong lí ê sim sóo kiû--ê hōo lí .
　　　　祂要 將 你 的 心 所 求 的 給 你。


5a　Tio̍h tsiong lí ê tāi-tsì kau-tài Iâ-hô-hua;
　　著 將 你 的 代 誌 交 代 耶 和 華；
5b　　　Tio̍h sìn-nāi Tsú teh kuan-khùann,
　　　　著 信 賴 主 在 觀 看，

(齊聲)　I BEH KĀ LÍ Ínn-CHHOA7
　　　　祂要 給 你 引 導 。


6a　I beh hōo lí ê gī huat-tshut, tshin-tshiūnn kng;
　　祂 要 使 你 的 義 發 出， 親 像 光；
6b　　　Lí ê phùann-tùan tshin-tshiūnn tiong-tàu ê kng.
　　　　你 的 判 斷 親 像 中 午 的 光 。


7a　Tio̍h tsīng-tsīng tī Iâ-hô-hua ê bīn-tsîng,
　　著 靜 靜 在 耶 和 華 的 面 前，
7b　　　Khuan-sim thìng-hāu Siōng-tè ;
　　　　寬 心 等 候 上 帝；


7c　M̄- thang in- ūi hit-hō sū-sū hing-thong--ê lâi put- pîng,
　　不 通 因 為 彼 號 事 事 亨 通 的 來 不 平。
7d　　　Kap hit-hō pháinn kè-bôo tit-tio̍h tsiânn--ê .
　　　　及 彼 號 歹 計 謀 得 著 成 的。


8a　Tio̍h suah siū-khì,
　　著 息 怒 氣，
8b　　　Lī-khui tūa siū-khì;
　　　　離 開 大 怒 氣；


8c　M̄-thang put-pîng lâi khòng-gī ,
　　不 通 不 平 來 抗 議，
8d　　　Kiann-liáu ūe tsùe pháinn tāi-tsì.
　　　　驚 了 會 做 歹 代 誌。


9a　In-ūi kiânn-pháinn ê lâng beh siū tsâu-bia̍t tsok-hùe.
　　因 為 行 歹 的 人 要 受 剿 滅 作 廢。
9b　To̍k-to̍k thìng-hāu Iâ-hô-hua ê lâng sîng-tsiap thóo-tūe.
　　獨 獨 等 候 耶 和 華 的 人 承 接 土 地。


10a　In-ūi koh tiap-á -kú,
　　因 為 又 霎 仔 久，
10b　　　Pháinn-lâng beh bô--khì, beh ji̍p im-hú .
　　　　歹 人 要 無 去， 要 入 陰 府。


10c　Lí nā siông-sè tshâ i ê sóo-tsāi,
　　你 若 詳 細 查 他 的 所 在，
10d　　　I ia̍h bô--khì, bô lâng tsai.
　　　　他 亦 無 去， 無 人 知。


11a　To̍k-to̍k khiam-pi ê lâng beh sîng-tsiap thóo-tūe;
　　獨 獨 謙 卑 的 人 要 承 接 土 地；
11b　　　In-ūi pîng-an hong-sīng jia̍t-sîng huann-hí tsûan-tūe.
　　　　因 為 平 安 豐 盛 熱 誠 歡 喜 全 地。


12a　Pháinn-lâng siat kè -bôo beh hāi gī -lâng,
　　歹 人 設 計 謀 要 害 義 人，
12b　　　Koh ǹg i kā tshùi-khí-kun teh gîn--lâng.
　　　　又 向 他 咬 牙 齒 根 在ｇｉｎ５ 人。


13a　Tsú beh tshiò i gōng-tauh-tauh,
　　主 要 笑 他 憨 篤 篤，
13b　　　In -ūi khùann-kìnn i ê ji̍t- tsí beh kàu.
　　　　因 為 看 見 他 的 日 子 要 到 。


14a　Pháinn-lâng pu̍ih-to khui-king siòng-phāng,
　　歹 人 拔 刀 開 弓 相 縫 ，
　　beh tánn-tó khùn-khóo sòng-hiong ê lâng;
　　要 打 倒 困 苦 貧 窮 的 人；
14b　　　Beh thâi-sí kiânn-tsùe tsìng-ti̍t ê lâng.
　　　　要 殺 死 行 做 正 直 的 人。


15a　In ê to beh tshì-ji̍p ka-kī ê sim tì -kàu sí ,
　　伊 的 刀 要 刺 入 自 己 的 心 致 到 死，
15b　　　In ê king beh siū at -tsi̍h.
　　　　伊 的 弓 要 受 扼 折。


16a　Gī-lâng sóo -ū-- ê tsió-tsió, m̄ -kú,
　　義 人 所 有 的 少 少， 不 過，
16b　　　Iânn- kè tsūe-tsūe pháinn-lâng ê pù -ū .
　　　　贏 過 多 多 歹 人 的 富 有。


17a　In -ūi pháinn-lâng ê tshiú beh siū at -tsi̍h;
　　因 為 歹 人 的 手 要 受 扼 折；
17b　　　To̍k-to̍k Iâ-hô-hua hû-tshî gī -lâng bô lī .
　　　　獨 獨 耶 和 華 扶 持 義 人 無 離。


18a　Iâ-hô-hua tsai bô liám ù -ùe ê lâng ê jîn-sing,
　　耶 和 華 知 無 染 污 穢 的 人 的 人 生，
18b　　　In ê sán-gia̍p beh íng-úan hûan-îng.
　　　　伊 的 產 業 要 永 遠 繁 榮。


19a　In tī hūan-lān ê sî put-tì kiàn-siàu,
　　伊 在 患 難 的 時 不 至 見 誚，
19b　　　Tī ki-hng ê ji̍t beh tit-tio̍h pá-tsiok, m̄-bián iau.
　　　　在 饑 荒 的 日 要 得 著 飽 足 ， 不 免 餓。


20a　Tsóng-sī pháinn-lâng beh bia̍t-bô ,
　　總 是 歹 人 要 滅 亡，
20b　　　Iâ-hô-hua ê tùi-ti̍k sui-jiân bô tsìng-tsoh;
　　　　耶 和 華 的 對 敵 雖 然 無 種 作；
　　　　Tshin-tshiūnn bōo-sīng tsháu-poo,
　　　　親 像 茂 盛 草 埔，

(齊聲)　Inn BEH SIAU-BÔ CHHIN-CHHIUN7 HÉ-HUnn Ê SIAU-BÔ.
　　　　伊　要　消　無　親　像　火　煙　的　消　無。