《押韻啟應詩篇》

台語押韻啟應詩篇 37b

作者 Tīnn Jî-gio̍k

37　Tāi-pi̍t ê si.

21a　Pháinn-lâng kā lâng tsioh, iā bô hîng--lâng;
　　　歹　人　給　人　借， 也　無　還　人；
21b　　　Nā-sī gī-lâng kiânn lîn-bín, siá-sì--lâng.
　　　　若 是　義 人　行　憐　憫，捨　施　人。


22a　Iâ-hô-hua sù-hok ê lâng, in beh sîng-tsiap thóo-tūe;
　　耶 和 華　賜 福　的 人 ， 伊 要　承　接　土　地；
22b　　　Hōo I tsiù-tsóo ê lâng, beh siū bia̍t-bô tī in ê tsūe.
　　　　讓　祂　咒　詛　的 人， 要　受　滅　亡 在 伊 的 罪。


23a　Gī-lâng ê kha-pōo sī Iâ-hô-hua sóo an -tì ;
　　義 人 的 腳 步 是 耶 和 華 所 安 置；
23b　　　Koh I huann-hí i ê lōo teh tsí-sī .
　　　　又 祂 歡 喜 他 的路 在 指 示。


24a　I sui-bóng pu̍ah-tó , ia̍h bô kàu kui-sin siak--lo̍h-khì;
　　他雖 罔 跌 倒， 亦 無 到 歸 身 摔 落 去；
24b　　　In-ūi Iâ-hô-hua īng I ê tshiú hû i .
　　　　因 為 耶 和 華 用 祂 的 手 扶 他。


25a　Gúa tsîng siàu-liân, tann nî-lāu thâu-mn̂g la̍k;
　　我 前 少 年， 今 年 老 頭 髮 落；
25b　　　Tsóng-sī bē bat khùann-kìnn gī -lâng siū pàng-sak,
　　　　總 是 未 曾 看 見 義 人 受 放 捨，
　　　　ia̍h i ê hōo -è tsùe khit-tsia̍h in -ūi iau pak.
　　　　亦 他 的 後 裔 做 乞 食 因 為 飢 腹。


26a　I thong-ji̍t lîn-bín lâng, tsioh--lâng,
　　他 通 日 憐 憫 人， 借 人，
26b　　　I ê hōo -è tit-tio̍h hok-khì, tshīng tsu-âng.
　　　　他的 後 裔 得 著 福 氣， 穿 朱 紅。


27a　Lí tio̍h lī-khui pháinn, kiânn hó ,
　　恁 著 離 開 歹 ， 行 好，
27b　　　Tsiah thang íng-úan khiā-khí pîng-hô .
　　　　才 通 永 遠 站 起 平 和。


28a　In-ūi Iâ-hô-hua huann-hí kong-pîng,
　　因 為 耶 和 華 歡 喜 公 平，
28b　　　Bô pàng-sak I sìng ê peh-sìnn siū khùn-kíng;
　　　　無 放 捨 祂 聖 的 百 姓 受 困 境；


28c　In íng-úan siū pó -hōo tit sìng-pia̍t,
　　伊 永 遠 受 保 護 得 聖 別，
28d　　　To̍k-to̍k pháinn-lâng ê hōo- è beh siū tsâu-bia̍t.
　　　　獨 獨 歹 人 的 後 裔 要 受 剿 滅。


29a　Gī-lâng beh sîng-tsiap thóo-tūe,
　　義 人 要 承 接 土 地，
29b　　　Íng-úan tiàm tī-hia bē sue.
　　　　永 遠 住 在 彼 未 衰。


30a　Gī-lâng ê tshùi kóng tì-hūi,
　　義 人 的 嘴 講 智 慧，
30b　　　I ê tsi̍h tâm-lūn kong-pîng sī -hui .
　　　　他的 舌 談 論 公 平 是 非。


31a　I ê Siōng-tè ê lu̍t-huat tī i ê sim-lāi;
　　他的 上 帝 的 律 法 在 他 的 心 內；
31b　　　I ê kha lóng būe ta̍h-thu̍t tsū-tsāi.
　　　　他的 腳 都 未 踏 脫 自 在 。


32a　Pháinn-lâng bâi-ho̍k thìng-hāu gī-lâng,
　　歹 人 埋 伏 等 候 義 人，
32b　　　Siàu-siūnn thâi-- i siat lô -bāng.
　　　　思 想 殺 他 設 羅 網 。


33a　Iâ-hô-hua bô pàng-sak i tī pháinn-lâng ê tshiú;
　　耶 和 華 無 放 捨 他 在 歹 人 的 手 ；
33b　　　Tng sím-phùann ê sî , ia̍h bô tīng i ê tsūe, kā i tsín-kiù.
　　　　當 審 判 的 時，亦 無 定 他 的 罪， 給 他 拯 救。


34a　Lí tio̍h thìng-hāu Iâ-hô-hua,
　　恁 當 等 候 耶 和 華，
34b　　　Tsun-siú I ê tō -lōo lâi u̍ah.
　　　　遵 守 祂 的 道 路 來 活。


34c　I tsiū ko-sing lí ,
　　祂 就 高 升 你，
34d　　　Hōo lí sîng-tsiap thóo-tūe tsùe huann-hí .
　　　　使 你 承 接 土 地 做 歡 喜。


34e　Pháinn-lâng siū tsâu-bia̍t ê sî ,
　　歹 人 受 剿 滅 的 時，
34f　　　Lí beh khùann-kìnn.
　　　　你 要 看 見。


35a　Gúa bat khùann-kìnn pháinn-lâng ū tūa sè-li̍k hó-kùe,
　　我 曾 看 見 歹 人 有 大 勢 力 好 過，
35b　　　Koh huat-ta̍t tshin-tshiūnn ām--ê tshiū tī i ê pún thóo-tūe.
　　　　又 發 達 親 像 艷 的 樹 在 他的 本 土 地。


36a　Ū lâng tùi hia king-kè , khùann ah , i bô--khì--lah;
　　有 人 從 彼 經 過， 看 啊，他 無 去 啦；
36b　　　Gúa ia̍h tshē i , tshē būe tio̍h lah.
　　　　我 亦 找 他，找 不 著 啦。


37a　Lí tio̍h siông-sè khùann hit -ê ûan-tsiànn ê lâng,
　　你 當 詳 細 看 那 個 完 正 的 人，
　　khùann hit -ê tsìng-ti̍t ê lâng,
　　看 那 個 正 直 的 人，
37b　　　In -ūi hô-pîng ê lâng ū hó ê kiat-kio̍k tsiàu ǹg-bāng.
　　　　因 為 和 平 的 人 有 好 的 結 局 照 盼 望 。


38a　Lūn-kàu hūan-huat ê lâng, beh tsùe-tsi̍t -ē bia̍t-bô ;
　　論 到 犯 法 的 人， 要 做 一 下 滅 無；
38b　　　Pháinn-lâng ê kiat-kio̍k beh siū tsâu-bia̍t lâi siau-bô.
　　　　歹 人 的 結 局 要 受 剿 滅 來 消 無。


39a　Tsóng-sī gī-lâng tit-tio̍h kiù, sī tùi Iâ-hô-hua;
　　總 是 義 人 得 著 救，是 從 耶 和 華；
39b　　　Tng hūan-lān ê sî , I tsùe in ê iânn-tsē, lâi kiù in u̍ah.
　　　　當 患 難 的時，祂 做 伊 的營 寨， 來 救 伊 活。


40a　Iâ-hô-hua pang-tsān in , tsín-kiù in ;
　　耶 和 華 幫 助 伊，拯 救 伊；
　　I tsín-kiù in thuat-lī pháinn-lâng ê bê-tīn, lâi khan-kiù in ;
　　祂 拯 救 伊 脫 離 歹 人 的 迷 陣，來 牽 救 伊；
40b　　　In -ūi in úa- khò I ê kiù-in .
　　　　因　為　伊 倚　靠　祂 的 救　恩。