《押韻啟應詩篇》

台語押韻啟應詩篇41

作者 Tīnn Jî-gio̍k

41　　Tāi-pi̍t ê si, kau hōo Ga̍k-kuann.

1a　Kùan-kòo sòng-hiong lâng--ê , ū hok-khì;
　　眷 顧 貧 窮 人 的，有 福 氣；

1b　　　Tng hūan-lān ê ji̍t , Iâ-hô-hua beh kiù i .
　　　　當 患 難 的 日，耶 和 華 要 救 他。

2a　Iâ-hô-hua beh pó-tsûan i , hōo i u̍ah--lo̍h-khì,
　　耶 和 華 要 保 全 他，使 他 活 下 去，

2b　　　I beh tī tūe-tsiūnn hióng-siū hok-khì.
　　　　他 要 在 地 上 享 受 福 氣。

2c　Kiû Lí m̄-thang tsiong i kau hōo tùi-ti̍k,
　　求 你 不 通 將 他 交 給 對 敵，

2d　　　Lâi tsiàu in sóo ài lâi khùn-pik.
　　　　來 照 伊 所 愛 來 困 迫。

3a　I tó tī tshn̂g, Iâ-hô-hua beh hû-tshî;
　　他 倒 在 床 ， 耶 和 華 要 扶 持；

3b　　　I phùa-pīnn ê sî , Lí beh liāu-lí i ê phē-phoo lâi i- tī .
　　　　他 破 病 的 時，你 要 料 理 他的 被 舖 來 醫治。

4a　Gúa bat kóng, Iâ-hô-hua ah, kiû Lí lîn-bín gúa;
　　我 曾 講： 耶 和 華 啊，求 你 憐 憫 我；

4b　　　I- hó gúa ê sim-sîn, in-ūi gúa ū tik-tsūe Lí ê tsūe-kùa.
　　　　醫好 我 的 心 神，因 為 我 有 得 罪 你 的 罪 過。

5a　Gúa ê tùi-ti̍k gī-lūn gúa, kóng ūe bô hó,
　　我 的 對 敵 議 論 我， 講 話 無 好，

5b　　　I tī -sî ūe sí , i ê miâ tī -sî ūe siau-bô ?
　　　　他底 時 會 死，他 的 名 底 時 會 消 無？


6a　I nā lâi khùann gúa, tsiū kóng bô -iánn ūe;
　　他 若 來 看 我， 就 講 無 影 話；

6b　　　I ê sim tsik-tsū kan-ok ê tsūe.
　　　　他的 心 積 聚 奸 惡 的 罪。

7a　It -tshè ùan-hūn gúa ê lâng tsi-bú tsī-tsū gī-lūn gúa;
　　一 切 怨 恨 我 的 人 吱 武 舐 咀 議 論 我；

7b　　　In siat kè-bôo beh hāi gúa.
　　　　伊 設 計 謀 要 害 我。


8a　In kóng, Ū kùai-pinn tiâu tī i ê sing-khu;
　　伊 講： 有 怪 病 稠 在 他 的 身 軀；

8b　　　I í -king tó-tshn̂g, íng būe koh khí--lâi, u̍ah bô kú .
　　　　他已 經 倒 床 ， 永 不 再 起 來，活 無 久。

9a　Liân gúa ti-kí ê pîng-iú , gúa sóo úa-khò, tsia̍h gúa ê piánn--ê ,
　　連 我 知己 的 朋 友，我 所 倚 靠， 食 我 的 餅 的，

9b　　　Kia̍h-khí kha-āu-tinn that gúa ê hia̍p-ē .
　　　　舉 起 腳 後 跟 踢 我 的 脅 下。

10a　Iâ-hô-hua ah, kiû Lí lîn-bín gúa,
　　　耶 和 華 啊，求 你 憐 憫 我，

10b　　　Hōo gúa khí-lâi thang pò-ìng in beh hāi gúa.
　　　　　讓 我 起 來 通 報 應 伊 要 害 我。

11a　In -ūi gúa ê tùi-ti̍k, būe tit-tio̍h tùi gúa khua-kháu lâi sìng-lī ,
　　　因 為 我 的 對 敵，未 得 著 對 我 誇 口 來 勝 利，

11b　　　Gúa tùi án-ni tsiū tsai Lí huann-hí gúa pi -bî .
　　　　　我 從 按 呢 就 知 你 歡 喜 我 卑 微。

12a　Lūn-kàu gúa, Lí in-ūi gúa ê sûn-tsûan tsiū hû-tshî gúa,
　　　論 到 我， 你 因 為 我 的 純 全 就 扶 持 我，

12b　　　Hōo gúa íng-úan khiā tī Lí ê bīn-tsîng siū kuan-khùann.
　　　　　使 我 永 遠 站 在 你 的 面 前 受 觀 看。

13a　Tio̍h o -ló Iâ-hô-hua Í -sik-lia̍t ê Siōng-tè ,
　　　當 讚 美 耶 和 華 以 色 列 的 上 帝，

13b　　　Tùi íng-úan kàu íng-úan bô-thè, A-bīng, koh A-bīng.
　　　　　從 永 遠 到 永 遠 無 替， 阿 們， 又 阿 們。