《押韻啟應詩篇》

台語押韻啟應詩篇 43

作者 Tīnn Jî-gio̍k

43

1a　Siōng-tè ah , kiû Lí kā gúa phùann-tùan,
　　上 帝 啊， 求 你 予 我 判 斷，

1b　　　Tùi bô khiân-sîng ê kok-kûan,
　　　　對 無 虔 誠 的 國 權，

1c　Piān-bîng gúa thang sin-uan.
　　辨 明 我 通 申 冤。

1d　　　Kiû Lí kiù gúa thuat-lī kan-tsà put-gī ê lâng ê sim-gūan.
　　　　求 你 救 我 脫 離 奸 詐 不 義 的 人 的 心 願。

2a　In -ūi Lí sī hōo gúa ū khùi-la̍t ê Siōng-tè ,
　　因 為 你 是 使 我 有 氣 力 的 上 帝，

2b　　　Siánn-sū pàng-sak gúa?
　　　　甚 事 放 拺 我？

2c　Gúa siánn-sū in-ūi tùi-ti̍k ê ap-tsè,
　　我 甚 事 因 為 對 敵 的 壓 制，

2d　　　Siông-siông iu-būn lâi kiânn teh tōo-u̍ah ?
　　　　常 常 憂 悶 來 行 在 度 活？

3a　Kiû Lí huat-tshut Lí ê kng kap Lí ê tsin-si̍t ,
　　求 你 發 出 你 的 光 和 你 的 真 實，

3b　　　Hōo i tshūa gúa ti̍t -ti̍t ,
　　　　使 它 導 我 直 直，

3c　Tùa gúa kàu Lí ê sìng-suann,
　　帶 我 到 你 的 聖 山，

3d　　　Kàu Lí ê hūe-bōo ê tsè-tûann.
　　　　到 你 的 會 幕 的 祭 壇。

4a　Gúa tsiū beh kàu Siōng-tè ê tsè-tûann-pinn,
　　我 就 要 到 上 帝 的 祭 壇 邊，

4b　　　Kàu gúa ki̍k huann-hí ê Siōng-tè hia khiā-khí,
　　　　到 我 極 歡 喜 的 上 帝 彼 居 起，

4c　Siōng-tè ah , gúa ê Siōng-tè ah ,
　　上 帝 啊， 我 的 上 帝 啊，

4d　　　Gúa beh tûann khîm lâi o- ló Lí lah.
　　　　我 要 彈 琴 來 讚美 你 啦。

5a　Gúa ê sim ah , lí siánn-sū ut- tsut kòo-tsip ?
　　我 的 心 啊，你 甚 事 鬱 卒 固 執？

5b　　　Siánn-sū tī gúa ê lāi-bīn tio̍h-kip ?
　　　　甚 事 在 我 的 內 面 著 急？

5c　Lí tio̍h ǹg-bāng Siōng-tè ,
　　你 當 盼 望 上 帝，

5d　　　In-ūi gúa iáu-kú beh o- ló Lí bô thè .
　　　　因 為 我 尚 且 要 讚 美 你 無 退。

5e　I sī gúa ê bīn ê îng-kng--ê ,
　　祂 是 我 的 面 的 榮 光 的，

5f　　　Ia̍h sī gúa ê Siōng-tè .
　　　　亦 是 我 的 上 帝。