《押韻啟應詩篇》

台語押韻啟應詩篇 48

作者 Tīnn Jî-gio̍k

48　　Khó-la̍h hōo-è ê si-kua.

1a　Iâ-hô-hua tsì-tūa, ing-kai tūa tūa tit-tio̍h o-ló ê siann,
　　耶 和 華 至 大，應 該 大 大 得 到 讚美 的 聲，

1b　　　Tsiū-sī tī lán Siōng-tè ê siânn, tī I sìng ê suann-niá.
　　　　就 是 在 咱 上 帝 的 城， 在 祂 聖 的 山 嶺。

2a　Sik-an-suann, tūa kun-ông ê siânn-pûann,
　　錫 安 山， 大 君 王 的 城 磐，

　　tī pak-bīn, kûan-tūa koh hó-khùann,
　　在 北 面，高 大 又 好 看，

2b　　　Hōo tsûan-tūe sóo huann-hí ê suann.
　　　　使 全 地 所 歡 喜 的 山。

3a　Siōng-tè tī I ê king-tiān-lāi ,
　　上 帝 在 祂 的 宮 殿 內，

3b　　　Ka-kī hián-bîng tsùe kûan-tâi.
　　　　自 己 顯 明 作 高 台。

4a　Khùann--ah , lia̍t-ông tsi̍p-tsê,
　　看 啊，列 王 集 齊，

4b　　　In sann-kap tùi tsia king-kè .
　　　　伊 相 與 從 此 經 過。

5a　In khùann--kìnn tsiū gông-ngia̍h;
　　伊 看 見 就 驚 愕；

5b　　　Kiann-hiânn kín-kín siám-phiah.
　　　　驚 惶 緊 緊 閃 避。

6a　In tī hia ngia̍uh-ngia̍uh-tshuah,
　　伊 在 彼 愕 愕 擦，

6b　　　Thàng-thiànn tshin-tshiūnn sinn-kiánn ê hū-jîn-lâng ai-huah.
　　　　疼 痛 親 像 生 子 的 婦 仁 人 哀 喊。

7a　Lí īng tang-hong kap oo-hûn,
　　你 用 東 風 及 黑 雲，

7b　　　Phah-phùa Tha-si ê tsûn.
　　　　打 破 他 施 的 船。

8a　Gúan tī bān-kun ê Iâ-hô-hua ê siânn-tiong,
　　阮 在 萬 軍 的 耶 和 華 的 城 中，

8b　　　Tsiū-sī gúan ê Siōng-tè ê siânn-tiong,
　　　　就 是 阮 的 上 帝 的 城 中，

8c　Sóo khùann-kìnn--ê , tú -tú tsiàu gúan sóo thiann-kìnn;
　　所 看 見 的，抵 抵 照 阮 所 聽 見；

8d　　　Siōng-tè beh hōo tsit-ê siânn kian-kòo kàu íng-úan ê thinn.
　　　　上 帝 要 使 這 個 城 堅 固 到 永 遠 的 天。

9a　Siōng-tè ah , gúan tī Lí ê tiān-lāi ,
　　上 帝 啊， 阮 在 你 的 殿 裡，

9b　　　Siàu-liām Lí ê tsû-ài .
　　　　數 念 你 的 慈 愛。

10a　Siōng-tè ah , Lí sóo siū ê o-ló sī tsik-ki̍k,
　　　上 帝 啊，你 所 受 的 讚美 是 積 極，

　　tú -tú kap Lí ê miâ sann-ha̍p kàu tī tūe-ki̍k.
　　抵 抵 與 你 的 名 相 合 到 於 地 極。

10b　　　Lí ê tsiànn-tshiú múa-múa kong-gī kûan-li̍k.
　　　　你 的 右 手 滿 滿 公 義 權 力。

11a　In-ūi Lí ê phùann-tùan kong-gī , Sik-an-suann tio̍h huann-hí ,
　　　因為 你 的 判 斷 公 義， 錫 安 山 著 歡 喜，

11b　　　Iû-tāi ê siânn Sik-an tio̍h khùai-lo̍k bô -pí .
　　　　　猶 大 的 城 錫 安 著 快 樂 無 比。

12a　Lín tio̍h se̍h Sik-an , sì -ûi kiânn i ,
　　　恁 著 繞 錫 安，四 圍 行 它，

12b　　　Sǹg i ê siânn-lâu kàu ta̍k-kak-sì .
　　　　　算 它 的 城 樓 到 逐 角 勢。

13a　Siông-sè khùann i ê siânn-tshiûnn tsāi-tsāi,
　　　詳 細 看 它 的 城 牆 在 在，

　　síng-tshat i ê ông-kiong ê lâu-tâi ,
　　　省 察 它 的 王 宮 的 樓 台，

13bb　　　Beh hōo lín suan-thûan tī āu-tāi .
　　　　　要 使 恁 宣 傳 在 後 代。

14a　In-ūi tsit-ê Siōng-tè íng-íng úan-úan tsùe lán ê Siōng-tè;
　　　因 為 此 個 上 帝 永 永 遠 遠 作 咱 的 上 帝；

14b　　　I beh tshūa lán kàu tī sí ê sî iā bô thè.
　　　　　祂要 帶 咱 到 於 死 的時 亦 無 退。