《押韻啟應詩篇》

台語押韻啟應詩篇 54

作者 Tīnn Jî-gio̍k

54　　Se -hut-lâng lâi tùi Sò-lô kóng, Tāi-pi̍t kiám m̄-sī bih tī gúan hia mah?　　　　　Hit-sî Tāi-pi̍t tsùe tsit-ê kà-sī ê si; kau hōo Ga̍k-kuann; īng si-hiân ê ga̍k-khì.

1a　Siōng-tè ah , kiû Lí īng Lí ê miâ kiù gúa;
　　上 帝 啊，求 你 用 你 的 名 救 我；

1b　　　Īng Lí ê tūa kûan-lîng thùe gúa sin-uan hōo gúa u̍ah.
　　　　用 你 的 大 權 能 替 我 申 冤 使 我 活。

2a　Siōng-tè ah , kiû Lí thiann gúa ê kî -tó ;
　　上 帝 啊，求 你 聽 我 的 祈 禱；

2b　　　Ànn hī-khang thiann gúa ê tshùi sóo kóng ê ai -kò .
　　　　俯 耳 孔 聽 我 的 嘴 所 講 的 哀 告。

3a　In -ūi gūa-lâng khí-lâi kong-kik gúa bô miā,
　　因 為 外 人 起 來 攻 擊 我 無 命，

　　kiông-ok ê lâng siàu-siūnn gúa ê sìnn-miā;
　　強 惡 的 人 數 想 我 的 性 命；

3b　　　In bô kìng-hōng Siōng-tè tī in ê bīn-tsîng lâi kiann-hiânn.　　
　　伊 無 敬 奉 上 帝 在 伊 的 面 前 來 驚 惶。

4a　Siōng-tè sī pang-tsān gúa--ê ,
　　上 帝 是 幫 助 我 的，

4b　　　Tsú sī hû-tshî gúa ê u̍ah-miā--ê .
　　　　主 是 扶 持 我 的 活 命 的。

5a　I beh tsiong gúa ê tùi-ti̍k sóo kiânn ê pháinn pò-ìng in ;
　　祂要 將 我 的 對 敵 所 行 的 歹 報 應 伊；

5b　　　Kiû Lí tsiàu Lí ê sîng-si̍t bia̍t-bô in .
　　　　求 你 照 你 的 誠 實 滅 亡 伊。

6a　Gúa beh tsiong kam-sim ê tsè-sū hiàn hōo Lí ;
　　我 要 將 甘 心 的 祭 祀 獻 給 你；

6b　　　Iâ-hô-hua ah , gúa beh kám-siā o-ló Lí ê miâ-jī ,
　　　　耶 和 華 啊，我 要 感 謝 讚美 你 的 名 字，
　　　　in-ūi Lí ê miâ sī gī .
　　　　因 為 你 的 名 是 義。

7a　I kiù gúa tshut it-tshè ê hūan-lān ;
　　祂 救 我 出 一 切 的 患 難；

7b　　　Gúa tshin-ba̍k khùann-kìnn gúa ê tùi-ti̍k tú-tio̍h pò-ìng siū kan-lân.
　　　　我 親 目 看 見 我 的 對 敵 遇 著 報 應 受 艱 難。