《押韻啟應詩篇》

台語押韻啟應詩篇 56

作者 Tīnn Jî-gio̍k

56　　Hui-lī-sū-lâng tī Ka-ti̍k lia̍h-tio̍h Tāi-pi̍t, hit-sî i tsùe tsit-ê kim ê si;　　　　　kau hōo Ga̍k-kuann; tiāu, sī īng “hn̄g-hn̄g bô siann ê kap”

1a　Siōng-tè ah , kiû Lí khó-lîn gúa, in-ūi lâng beh thun-tsia̍h gúa;
　　上 帝 啊，求 你 可 憐 我，因 為 人 欲 吞 食 我；

1b　　　Thong-ji̍t kong-kik ap-tsè gúa.
　　　　通 日 攻 擊 壓 制 我。

2a　Gúa ê tùi-ti̍k thong-ji̍t beh thun-tsia̍h gúa,
　　我 的 對 敵 通 日 欲 吞 食 我，

2b　　　In-ūi khí kiau-ngōo kong-kik gúa ê lâng tsin tsūe ná sua.
　　　　因為 起 驕 傲 攻 擊 我 的 人 真 多 若 沙。

3a　Gúa tī kiann-hiânn ê sî ,
　　我 在 驚 惶 的 時，

3b　　　Gúa beh úa-khò Lí .
　　　　我 欲 倚 靠 你。

4a　Gúa khò Siōng-tè , gúa beh o-ló I ê ūe bô suah,　　
我 靠 上 帝，我 要 讚美 祂 的 話 無 息，

4b　　　Gúa í-king úa-khò Siōng-tè lâi u̍ah,
　　　　我 已 經 倚 靠 上 帝 來 活，

4c　Gúa tsiū bô kiann lâi i- úa .
　　我 就 無 驚 來 依 倚。

4d　　　Sio̍k tī hiat-khì--ê beh siánn huat-tit gúa ta-ûa ?
　　　　屬 在 血 氣 者 欲 啥 法 得 我 如 何？

5a　In thong-ji̍t kúe-tshu̍ah gúa ê ūe ;
　　伊 通 日 改 斜 我 的 話；

5b　　　In tùi gúa sóo-siūnn--ê , lóng sī beh hāi gúa tsok-hùe.
　　　　伊 對 我 所 想 的，攏 是 欲 害 我 作 廢。

6a　In tsū-tsi̍p bâi-ho̍k, teh siòng gúa ê kha-pōo,
　　伊 聚 集 埋 伏，在 相 我 的 腳 步，

6b　　　Tshin-tshiūnn tng-tán beh hāi gúa ê sìnn-miā ná toh-pòo.
　　　　親 像 當 等 欲 害 我 的 性 命 若 桌 布。

7a　In tsùe-pháinn kiám ūe tô-thuat tsáu-lī ?
　　伊 做 歹 豈 會 逃 脫 走 離？

7b　　　Siōng-tè ah , kiû Lí tī siū-khì-tiong, hōo tsìng peh-sìnn tó--lo̍h-khì.
　　　　上 帝 啊，求 你 在 受 氣 中， 使 眾 百 姓 倒 下 去。

8a　Gúa ê pi-siong Lí lóng ū kì-siàu siu-tsông.
　　我 的 悲 傷 你 攏 有 記 數 收 藏。

8b　　　Kiû Lí tsiong gúa ê ba̍k-sái siu tī Lí ê phê-lông;
　　　　求 你 將 我 的 目 屎 收 在 你 的 皮 囊；
　　　　Lí ê tsheh kiám bô kì tse lóng-tsóng?
　　　　你 的 冊 豈 無 記 這 攏 總？

9a　Gúa kiû-kiò ê ji̍t , gúa ê tùi-ti̍k lóng beh u̍at-tńg-sin thè--khì;
　　我 求 叫 的 日，我 的 對 敵 攏 欲 越 轉 身 退 去；

9b　　　Siōng-tè ūi gúa, tse sī gúa sóo tsai ê tāi-tsì.
　　　　上 帝 為 我， 這 是 我 所 知 的 事 情。

10a　Gúa khò Siōng-tè , gúa beh o -ló I ê ūe ;
　　　我 靠 上 帝，我 欲 讚 美 祂的 話；

10b　　　Gúa khò Iâ-hô-hua, gúa beh o -ló I ê ūe .
　　　　　我 靠 耶 和 華，我 欲 讚 美 祂的話。

11a　Gúa í- king úa-khò Siōng-tè ,
　　　我 已 經 倚 靠 上 帝，

11b　　　Gúa tsiū bô kiann pùann--ê , lâng beh siánn huat tit gúa khò-sè ?
　　　　　我 就 無 驚 半 個，人 將 甚 法 得 我 靠 勢？

12a　Siōng-tè ah , gúa tùi Lí sóo hē ê gūan, tī gúa ê sin-tsiūnn;
　　　上 帝 啊，我 對 你 所 下 的 願 ，在 我 的 身 上；

12b　　　Gúa beh īng siā-un ê tsè hiàn hōo Lí tsùe bôo -iūnn.
　　　　　我 欲 用 謝 恩 的 祭 獻 給 你 做 模 樣。

13a　In-ūi Lí kiù gúa ê u̍ah-miā thuat-lī sí-bô ;
　　　因 為 你 救 我 的 活 命 脫 離 死 無；

13b　　　Lí kiám-m̄-sī pó-hōo gúa ê kha bô pu̍ah-tó ?
　　　　　你 豈 不是 保 護 我 的 腳 無 跋 倒？

13c　Hōo gúa tī Siōng-tè ê bīn-tsîng,
　　　使 我 在 上 帝 的 面 前，

13d　　　Kiânn tī u̍ah-miā ê kng-bîng?
　　　　　行 在 活 命 的 光 明？