《押韻啟應詩篇》

台語押韻啟應詩篇 61

作者 Tīnn Jî-gio̍k

61　　Tāi-pi̍t ê si, kau hōo Ga̍k-kuann; īng si-hiân ê ga̍k-khì.

1a　Siōng-tè ah , kiû Lí thiann gúa ê kiû-kiò;
　　上 帝 啊，求 你 聽 我 的 求 叫；

1b　　　Ànn-lo̍h thiann gúa ê kî-tó , gúa teh khut-io .
　　　　俯 落 聽 我 的 祈 禱，我 在 屈 腰，

2a　Gúa ê sim sit-tsì ê sî ,
　　我 的 心 失 志 的 時，

2b　　　Tsiū beh tùi tūe-ki̍k kiû-kiò Lí ;
　　　　就 要 對 地 極 求 叫 你；

2c　Kiû Lí tshūa gúa,
　　求 你 導 我，

2d　　　Kàu hit -ê pí gúa khah-kûan ê tsio̍h-pûann.
　　　　到 彼 個 比 我 較 高 的 石 磐。

3a　In-ūi Lí bat tsùe gúa tô-siám ê sóo-tsāi.
　　因 為 你 曾 做 我 逃 閃 的 所 在。

3b　　　Tsùe gúa kian-kòo ê tâi , lâi thuat-lī tùi-ti̍k ê hām-hāi.
　　　　做 我 堅 固 的 台，來 脫 離 對 敵 的 陷 害。

4a　Gúa beh íng-úan tùa tī Lí ê pòo-pînn-lāi.
　　我 要 永 遠 住 在 你 的 布 棚 內。

4b　　　Gúa beh bih tī Lí si̍t-ē ún-ba̍t ê sóo-tsāi.
　　　　我 要 匿 在 你 翅 下 隱 密 的 所 在。

5a　Siōng-tè ah , gúa sóo hē ê gūan, Lí ū thiann-kìnn ta̍k-hāng;
　　上 帝 啊，我 所 下 的 願， 你 有 聽 見 逐 項；

5b　　　Lí ū tsiong sán-gia̍p siúnn-sù kìng-ùi Lí ê miâ ê lâng.
　　　　你 有 將 產 業 賞 賜 敬 畏 你 的 名 的 人。

6a　Lí beh ke-thinn ông ê hè-siū;
　　你 必 加 添 王 的 歲 壽；

6b　　　I ê nî -hè beh kàu tāi-tāi bô hiu.
　　　　他 的 年 歲 必 到 代 代 無 休。

7a　I beh íng-úan tsē-ūi tī Siōng-tè ê bīn-tsîng;
　　他 必 永 遠 坐 位 在 上 帝 的 面 前；

7b　　　Gūan Lí pī-pān tsû-ài kap sîng-si̍t lâi pó-hōo i thài-pîng.
　　　　願 你 備 辦 慈 愛 及 誠 實 來 保 護 他 太 平。

8a　Án-ni gúa beh tshiùnn-kua o -ló Lí ê miâ, kàu íng-úan;
　　按 呢 我 必 唱 歌 讚 美 你 的 名，到 永 遠；

8b　　　Thang ji̍t-ji̍t siā gúa ê gūan.
　　　　通 日 日 謝 我 的 願。