《押韻啟應詩篇》

台語押韻啟應詩篇 70

作者 Tīnn Jî-gio̍k

70　　Tāi-pi̍t ê kì-liām si; kau hōo Ga̍k-kuann.

1a　Siōng-tè ah , kiû Lí kín-kín tsín-kiù gúa;
　　上 帝 啊， 求 你 緊 緊 拯 救 我；

1b　　　Iâ-hô-hua ah, kiû Lí kín-kín pang-tsān gúa.
　　　　耶 和 華 啊，求 你 緊 緊 幫 助 我。

2a　Gūan hiah-ê siàu-siūnn gúa ê sìnn-miā--ê , kiàn-siàu làu-khùi;
　　願 那 些 數 想 我 的 性 命 的，見 誚 漏 氣；

2b　　　Gūan hiah-ê huann-hí gúa siū hām-hāi--ê ,
　　　　願 那 些 歡 喜 我 受 陷 害 者,
　　　　u̍at-tò-tńg siū lîng-jio̍k lak-sui.
　　　　越 倒 轉 受 凌 辱 落 衰。

3a　Gūan hiah-ê kóng: Hooh--tsāi, Hooh--tsāi--ê ,
　　願 那 些 講 ： 呼 哉， 呼 哉 者，

3b　　　In-ūi kiàn-siàu lâi u̍at-tò-tńg sue-thè.
　　　　因為 見 誚 來 越 倒 轉 衰 退。

4a　Gūan it-tshè tshē Lí-- ê ,
　　願 一 切 尋 你 者，

4b　　　In-ūi Lí huann-hí khùai-lo̍k bô suah.
　　　　因為 你 歡 喜 快 樂 無 息，

4c　Gūan hiah-ê him-bōo Lí kiù-un--ê ,
　　願 那 些 欣 慕 你 救 恩 者，

4d　　　Siông-siông kóng, “Tio̍h tsun Siōng-tè tsùe tūa. ”
　　　　常 常 講： 「著 尊 上 帝 做 大。」

5a　Tsóng-sī gúa sī khùn-khóo sòng-hiong--ê ,
　　總 是 我 是 困 苦 貧 窮 的，

5b　　　Siōng-tè ah , kiû Lí kín-kín kàu gúa tsia;
　　　　上 帝 啊，求 你 緊 緊 到 我 此；

5c　Lí sī pang-tsān gúa--ê , tsín-kiù gúa--ê ,
　　你 是 幫 助 我 的，拯 救 我 的，

5d　　　Iâ-hô-hua ah, kiû Lí m̄- thang iân-tshiân teh khiā.
　　　　耶 和 華 啊，求 你 不 通 延 遲 在 khiā。