《押韻啟應詩篇》

 | | | 轉寄

台語押韻啟應詩篇 75

作者 Tīⁿ Jî-gio̍k 2007.07.01

75　　A-sat ê si-kua , kau hō͘ Ga̍k-kuaⁿ ; tiāu sī īng “Bo̍h-tit huí-huāi- -ê ”,

1a　Siōng-tè ah , guán kám-siā Lí ;
　　上 帝 啊， 阮 感 謝 你；
　　Guán kám-siā Lí , in-uī Lí ê miâ tī sin-piⁿ,
　　阮 感 謝 你，因 為 你 的 名 在 身 邊，

1b　　　Lâng pò-iông Lí kî-biāu ê só͘-tsuè kàu tshing-lí .
　　　　人 報 揚 你 奇 妙 的 所 做 到 千 里。

2a　Guá kàu tiāⁿ-tio̍h ê ji̍t -kî sî -tuāⁿ,
　　我 到 定 著 的 日 期 時 段，

2b　　　Guá beh tsiàu tsìng-ti̍t sím-phuàⁿ.
　　　　我 要 照 正 直 審 判 。

3a　Tuē kap tuē-tsiūⁿ khiā-khí ê peh-sìⁿ lóng uē iûⁿ iā uē siau,
　　地 及 地 上 居 起 的 百 姓 攏 會 溶 也 會 消，

3b　　　Guá tsim-tsiok khiā-tsāi tī tuē ê thiāu.
　　　　我 斟 酌 徛 住 在 地 的 柱。

4a　Guá tuì kiau-ngō͘ ê lâng kóng: “Bo̍h-tit kiau-ngō͘;“
　　我 對 驕 傲 的 人 講 ：「莫 得 驕 傲；」

4b　　　Tuì pháiⁿ-lâng kóng: “Bo̍h-tit kia̍h-khí lí ê kak hó͘ⁿ-tò͘ .
　　　　對 歹 人 講 ：「莫 得 舉 起 你 的 角 好 鬥。

5a　Bo̍h-tit kuân-kuân kia̍h-khí lí ê kak bô àⁿ-io .
　　莫 得 高 高 舉 起 你 的 角 無 俯 腰，

5b　　　Bo̍h-tit ngī lí ê ām-kún lâi kóng-uē tshìng-tshìng-kiò.”
　　　　莫 得 硬 你 的 頷 頸 來 講 話 衝 衝 叫。」

6a　In-uī m̄-sī tuì tang, m̄-sī tuì sai,
　　因 為 不是 對 東， 不 是 對 西，

6b　　　Ia̍h m̄-sī tuì lâm lâi tit-tio̍h kú-khí khiā-tsāi.
　　　　亦 不是 對 南 來 得 著 舉 起 khiā 在。

7a　Thian-hā tsí-ū Siōng-tè sī phuàⁿ-tuàn,
　　天 下 只 有 上 帝 是 判 斷，

7b　　 I hō͘ tsit-ê kàng-kē , hō͘ hit -ê sing-kuân.
　　　　祂 使 此 個 降 低，使 彼 個 昇 高。

8a　Iâ-hô-hua tshiú--ni̍h ū pue, kî-tiong ê tsiú khí phe̍h khí--lâi ,
　　耶 和 華 手 裡 有 杯，其 中 的 酒 起 沫 起 來，

8b　　　Pue-lāi ū kè-thàu ê tsiú muá-pue, I piàⁿ--tshut--lâi ;
　　　　杯 內 有 過 摻 的 酒 滿 杯，祂 傾 出 來；

8c　Tuē-tsiūⁿ ê pháiⁿ-lâng beh lóng lim tsit-ê tsiú ê tse-tái ,
　　地 上 的 歹 人 要 攏 飲 此 個 酒 的 渣 滓，

8d　　　Lim kàu liáu-liáu pìⁿ tai-tai .
　　　　飲 到 了 了 變 呆 呆。

9a　To̍k-to̍k guá pò -iông ti̍t-kàu íng-uán bô thè,
　　獨 獨 我 報 揚 直 到 永 遠 無 退，

9b　　　Guá beh tshiùⁿ-kua o -ló Ngá-kok ê Siōng-tè .
　　　　我 要 唱 歌 讚 美 雅 各 的 上 帝。

10a　Pháiⁿ-lâng it-tshè ê kak, guá beh tsàm-tn̄g;
　　　歹 人 一 切 的 角， 我 要 斬 斷；

10b　　　Gī-lâng ê kak, beh tit-tio̍h kú-khí tit îng-kng. 　　
　　　義 人 的 角， 要 得 著 舉 起 得 榮 光。