《押韻啟應詩篇》

台語押韻啟應詩篇 78b

作者 Tīnn Jî-gio̍k

78　　A-sat kà-sī ê si.

23a　Tsóng-sī I tsiū bīng-līng tī tíng-bīn ê kiong-tshong,
　　　總 是 祂 就 命 令 在 頂 面 的 穹 蒼 ，

23b　　　Koh khui thinn ê mn̂g hōo i thong;
　　　　　復 開 天 的 門 使 它 通 ；

24a　I kàng-lo̍h má-ná , tshin-tshiūnn lo̍h-hōo hōo in tsia̍h;
　　　祂 降 落 嗎 哪，親 像 落 雨 使 伊 食；

24b　　　Tsiong thinn ê bí-niû siúnn-sù in kàu-gia̍h.
　　　　　將　　天 的 米 糧 賞 賜 伊 到 額。

25a　Lâng tsia̍h tūa-kûan-lîng--ê ê tsia̍h-mi̍h;
　　　人 食 大 權 能 者 的 食 物；

25b　　　I siúnn-sù bí-niû hōo in pá-tsiok bô khiàm sím-mi̍h.
　　　　　祂賞 賜 米 糧 使 伊 飽 足 無 欠 甚 麼。

26a　I hōo tang-hong khí tī thinn ê kau-kài,
　　　祂 使 東 風 起 在 天 的 交 界，

26b　　　Īng I ê kûan-lîng tshūa lâm-hong lâi .
　　　　　用 祂 的 權 能 導 南 風 來。

27a　I kàng-lo̍h bah tī in tiong-kan ê kíng-kài,
　　　祂 降 落 肉 在 伊 中 間 的 境 界，
　　tsūe tshin-tshiūnn thôo-hún kui-tsài,
　　　多 親 像 土 粉 歸 載，

27b　　　Koh pe-tsiáu múa thinn-kài, tshin-tshiūnn hái-sua pue--lo̍h--lâi .
　　　　　復 飛 鳥 滿 天 界，親 像 海 沙 飛 落 來。

28a　Lo̍h tī in ê iânn-tiong ta̍k-ūi ,
　　　落 在 伊 的 營 中 逐 位，

28b　　　Tī in khiā-khí sóo-tsāi ê sì -ûi .
　　　　　在 伊 居 起 所 在 的四 圍。

29a　In tsiū tsia̍h kàu pá-tsiok,
　　　伊 就 食 到 飽 足，

29b　　　I tsiàu in sóo -ài--ê hōo in múa-tsiok.
　　　　　祂 照 伊 所 愛 的 使 伊 滿 足。

30a　Tsóng-sī in iáu-bē thuat-tshut in ê io̍k-bōng--khì,
　　　總 是 伊 尚 未 脫 出 伊 的 慾 望 去，

30b　　　In ê tsia̍h-mi̍h iáu tī in ê tshùi-lāi ê sî ,

　　　　　伊 的 食 物 尚 在 伊 的 嘴 內 的 時，

31a　Siōng-tè ê siū-khì tsiū tùi thinn kàng,
　　　上 帝 的 怒 氣 就 對 天 降，

31b　　　Thâi-sí in tiong-kan ê hó-hàn-lâng,
　　　　　殺 死 伊 中 間 的 好 漢 人，
　　　　tánn-tó Í -sik-lia̍t ê siàu-liân-lâng.
　　　　　打 倒 以色 列 的 少 年 人。

32a　Sui-jiân án-ni , in iû-gûan koh hūan-tsūe;
　　　雖 然 按 呢，伊 猶 原 又 犯 罪；

32b　　　Bô sìn I , sui-bóng I ū kî-biāu ê sóo-tsùe.
　　　　　無 信 祂，雖 罔 祂 有 奇 妙 的 所 做。

33a　Sóo- í I hōo in khang-khang kè-ji̍t ;
　　　所 以 祂 使 伊 空 空 過 日；

33b　　　Hōo in li̍k-nî kiann-hiânn bê-sit .
　　　　　使 伊 歷 年 驚 惶 迷 失。

34a　Tsú beh thâi in ê sî , in tsiah lâi kiû I kiù-tsè,
　　　主 要 殺 伊 的 時，伊 才 來 求 祂 救 濟，

34b　　　Tsiū u̍at-tò-tńg tshiat-tshiat kiû Siōng-tè .
　　　　　就 越 倒 轉 切 切 求 上 帝。

35a　In ia̍h tui-liām Siōng-tè sī in ê tsio̍h-pûann,
　　　伊 亦 追 念 上 帝 是 伊 的 石 磐，

35b　　　Tsì-kûan ê tsûan-lîng--ê , sī sio̍k-hûe in ê suann.
　　　　　至 高 的 全 能 者，是 贖 回 伊 的 山。

36a　Tsóng-sī in īng tshùi thiám-mī I ,
　　　總 是 伊 用 嘴 諂 媚 祂，

36b　　　Īng tsi̍h tùi I kóng pe̍h-tsha̍t bô lī .
　　　　　用 舌 對 祂 講 白 賊 無 離。

37a　In-ūi in bô kian-sim ì -hiòng I ,
　　　因 為 伊 無 堅 心 意 向 祂，

37b　　　Bô tsīn-tiong siú I ê iok sóo kì .
　　　　　無 盡 忠 守 祂 的 約 所 記。

38a　Tsóng-sī I ū lîn-bín,
　　　總 是 祂 有 憐 憫，

38b　　　Sià-bián in ê tsūe-ok bô bia̍t-bô in ;
　　 　　　赦 免 伊 的 罪 惡 無 滅 無 伊；

38c　Koh ta̍uh-ta̍uh siau I ê siū-khì,
　　　復 沓 沓 消 祂 的 怒 氣，

38d　　　Bô it-tsīn huat-tshut I ê siū-khì.
　　　　　無 一 盡 發 出 祂 的怒 氣。

39a　I siūnn-tio̍h in put-kò sī hiat-khì,
　　　祂想 著 伊 不 過 是 血 氣，

39b　　　Sī tshe--kè--khì būe tò-tńg ê hong-si .
　　　　　是 吹 過 去 不 倒 轉 的 風 絲。

40a　In tī khòng-iá pūe-gi̍k I ,　　
　伊 在 曠 野 悖 逆 祂，

40b　　　Tī pha-hng ê tūe-tsí, kàu hiah tsūe pái hōo I iu-būn siū-khì.
　　　　　在 拋 荒 的 地 址，到 許 多 次 使 祂憂 悶 受 氣。

41a　In tsài-sann tshì Siōng-tè ,
　　　伊 再 三 試 上 帝，

41b　　　Tú-tak Í- sik-lia̍t ê Sìng--ê .
　　　　　抵 觸 以 色 列 的 聖 者。

42a　In būe-kì-tit I ê kûan-lîng būe sǹg--tit .
　　　伊 不 記 得 祂 的 權 能 不 算 得，

42b　　　Kap sio̍k-hûe in thuat-lī tùi-ti̍k ê ji̍t ;
　　　　　與 贖 回 伊 脫 離 對 敵 的 日；