《押韻啟應詩篇》

台語押韻啟應詩篇 81

作者 Tīnn Jî-gio̍k

81　　A-sat ê Si. Kau hōo Ga̍k-kuann, īng Ka-ti̍k ê Tiāu.

1a　Siōng-tè sī gúan ê khùi-la̍t,
　　上 帝 是 阮 的 氣 力，

1b　　　Lín tio̍h tūa-siann o -ló I , tshut tsûan-la̍t ;
　　　　恁 著 大 聲 讚 美 祂，出 全 力；

1c　Tio̍h tshut huann-hí ê siann-sè ,
　　著 出 歡 喜 的 聲 勢，

1d　　　O -ló Ngá-kok ê Siōng-tè .
　　　　讚 美 雅 各 的 上 帝。

2a　Tio̍h tshiùnn si-kua iô lin-long-kóo ;
　　著 唱 詩 歌 搖 鈴 瓏 鼓；

2b　　　Tûann hó-thiann ê khîm kap sik.
　　　　彈 好 聽 的 琴 及 瑟。

3a　Tio̍h tī tshue-it tsa̍p-gōo,
　　著 在 初 一 十 五，

3b　　　Gúan tsiat-kî ê ji̍t pûn sàu-kak tsùe sik.
　　　　阮 節 期 的 日 歕 號 角 作 式。

4a　In-ūi tse sī kā Í -sik-lia̍t tiānn-tio̍h ê lu̍t-lē ,
　　因 為 這 是 給 以 色 列 定 著 的 律 例，

4b　　　Ngá-kok ê Siōng-tè ê gî -lé .
　　　　雅 各 的 上 帝 的 儀 禮。

5a　I khì kong-kik Ai-ki̍p-tūe ê sî ,
　　祂 去 攻 擊 埃 及 地 的 時，

5b　　　Tī Iok-sik ê tīn-iânn--ni̍h,
　　　　在 約 瑟 的 陣 營 裡，

5c　Li̍p tsit-ê tsùe kan-tsìng,
　　立 此 個 做 干 證，

5d　　　Tī-hia gúa thiann-kìnn sóo būe hiáu-tit ê ūe tsùe kiàn-tsìng.
　　　　在 彼 我 聽 見 所 不 曉 得 的 話 做 見 證。

6a　Siōng-tè kóng: Gúa hōo i ê king-thâu thuat-lī tāng-tànn,
　　上 帝 講 ： 我 使 他 的 肩 頭 脫 離 重 擔，

6b　　　Hōo i ê tshiú pàng-lo̍h khing-á .
　　　　使 他 的 手 放 落 筐 仔。

7a　Lí tī hūan-lān-tiong kiû-kiò ê sî ,
　　你 在 患 難 中 求 叫 的 時，

7b　　　Gúa bat kiù lí ;
　　　　我 曾 救 你；

7c　Gúa tī lûi ún-ba̍t ê sóo-tsāi ìn lí ;
　　我 在 雷 隱 密 的 所 在 應 你；

7d　　　Gúa tī Bí -lī-pa ê tsúi-pinn tshì lí .
　　　　我 在 米 利 巴 的 水 邊 試 你。

8a　Gúa ê peh-sìnn ah , lí tio̍h thiann;
　　我 的 百 姓 啊， 你 著 聽 ；

8b　　　Gúa beh tùi lí tsùe ki-pún ê tiānn.
　　　　我 要 對 你 做 基 本 的 訂。

8c　Í- sik-lia̍t ah , lí tio̍h thàn Gúa ê siann,
　　以色 列 啊， 你 著 趁 我 的 聲，

8d　　　Iā tio̍h thiann.
　　　　也 著 聽 。

9a　Tī lí ê tiong-kan m̄-thang ū pa̍t-ê siōng-tè ,
　　在 你 的 中 間 不 通 有 別 的 上 帝 ，

9b　　　Gūa-pang ê sîn-bîng lí ia̍h m̄-thang kūi-pài lâi suan-sè .
　　　　外 邦 的 神 明 你 亦 不 通 跪 拜 來 宣 誓。

10a　Gúa sī Iâ-hô-hua lí ê Siōng-tè ,
　　　我 是 耶 和 華 你 的 上 帝，

10b　　　Bat tshūa lí tshut Ai-ki̍p-tē .
　　　　　曾 導 你 出 埃 及 地。

10c　Tio̍h tūa khui lí ê tshùi,
　　　著 大 開 你 的 嘴 ，

10d　　　Gúa tsiū tshiong-múa lí ê ūi .
　　　　　我 就 充　　滿 你 的 胃。

11a　Tsóng-sī Gúa ê peh-sìnn m̄-thiann Gúa;
　　　總 是 我 的 百 姓 不 聽 我 ；

11b　　　Í -sik-lia̍t tsûan-jiân m̄ tshiù-tshái Gúa.
　　　　　以色 列 全 然 不 瞅 睬 我。

12a　Gúa tsiū tshut-tsāi in , tsiàu in ê sim ê kòo-tsip;
　　　我 就 出 在 伊， 照 伊 的 心 的 固 執；

12b　　　Hōo in tsiàu in ka-kī ê kè -bôo khì kiânn bô khînn-khi̍p.
　　　　　使 伊 照 伊 自 己 的 計 謀 去 行 無 扲 伋。

13a　Gúa ê peh-sìnn nā khíng thiann Gúa ê huat-tōo ,
　　　我 的 百 姓 若 肯 聽 我 的 法 度，

13b　　　Í- sik-lia̍t nā khíng kiânn Gúa ê lōo .
　　　　　以色 列 若 肯 行 我 的 路。

14a　Gúa tsiū kín-kín tsè-ap in ê kiû-siû;
　　　我 就 緊 緊 制 壓 伊 的 仇 讎；

14b　　　Kong-kik in ê tùi-ti̍k tsiah u̍at-tńg Gúa ê tshiú.
　　　　　攻 擊 伊 的 對 敵 才 返 轉 我 的 手。

15a　Ùan-hūn Iâ-hô-hua ê lâng, beh tâu-hâng I lâi khut-kē ,
　　　怨 恨 耶 和 華 的 人， 要 投 降 祂 來 屈 下，

15b　　　Tsóng-sī I ê peh-sìnn ê sî -tāi beh kú-tn̂g tī--teh.
　　　　　總 是 祂 的 百 姓 的 時 代 要 久 長 在 的。

16a　I ia̍h beh īng hó ê be̍h hōo tsú-bîn tsùe tsia̍h-si̍t;
　　　祂亦 要 用 好 的 麥 給 子 民 做 吃 食；

16b　　　Gúa iā beh īng tùi tsio̍h-pûann tshut ê bi̍t,
　　　　　我 也 要 用 對 石 磐 出 的 蜜，
　　　　hōo in tsia̍h pá koh tinn-bi̍t .
　　　　　使 伊 食 飽 又 甜 蜜。