《押韻啟應詩篇》

 | | | 轉寄

台語押韻啟應詩篇 8

作者 Tīⁿ Jî-gio̍k 2006.02.19

8 Tāi-pi̍t ê si, kau hō͘ Ga̍k-kuaⁿ, īng Ka-ti̍k ê ga̍k-khì.

1a　Iâ-hô-hua guán ê Tsú ah ,
　　耶　和　華　阮　的　主　啊，
　　Lí ê miâ tī tsuân-tuē tsáiⁿ-iūⁿ kàu hiah kuân-tuā lah !
　　Lí 的 名 在 全 地 怎 樣 到 許 高 大 啦！

1b　　　Lí tsiong Lí ê îng-kng pâi-siat tī thiⁿ kàu hiah khuan-khuah lah!
　　　　Lí　將　 Lí 的 榮 光 排 設 在 天 到 許 寬 闊 啦 !

2a　Lí in-uī Lí ê tuì-ti̍k ê iân-kò͘ siat ap-li̍k,
　　Lí　因 為　lí 的 對 敵 的 緣 故 設 壓 力，
　　tuì eⁿ -á kap tsia̍h-ling--ê ê tshuì kiàn-li̍p lîng-li̍k;
　　對 嬰 仔 及 食 奶 者 的 嘴 建 立 能 力；
2b　　　Beh hō͘ tuì-ti̍k kap pò-uan--ê tsīng-tsīng bô bīn-sik.
　　　　要 使 對 敵 及 報 冤 的 靜 靜 無 面 色。

3a　Guá khuàⁿ Lí ê thiⁿ, Lí ê tshiú só͘ tsō ê bān-mi̍h,
　　我 看　lí 的 天，　Ｌｉ２ 的 手 所 造 的 萬 物，
3b　　　Kap Lí só͘ pâi-lia̍t ê ge̍h kap tshiⁿ.
　　　　及　Lí 所 排 列 的 月 及 星 。

4a　Sè-kan lâng sī sí-mi̍h, Lí siàu-liām i ?
　　世 間 人 是 什 麼，　Ｌｉ２ 思 念 他？
4b　　　Lâng ê kiáⁿ sī sím-mi̍h, Lí kuan-kò͘ i ?
　　　　人 的 子 是 什 麼，　Ｌｉ２ 關 顧 他？

5a　Lí hō͘ i pí thiⁿ-sài lî -á khah su ,
　　Lí　使 他 比 天 使 釐 仔 較 輸 ，
5b　　　Koh siúⁿ-sù i îng-kng tsun-kuì tsuè bián-liû iâⁿ-kè tsin-tsu.
　　　　又 賞 賜 他 榮 光 尊 貴 做 冕 旒 贏 過 珍 珠。

6a　Lí siat-li̍p i kuán-lí Lí ê tshiú só͘ tsō--ê ,
　　Lí　設 立 他 管 理　Ｌｉ２　的 手 所 造 的，
6b　　　Hē bān-mi̍h tī i ê kha- ē .
　　　　置 萬 物 在 他 的 腳 下。

7a　Tsiū-sī it -tshè ê gû kap iûⁿ,
　　就 是 一 切 的 牛 及 羊,
7b　　　Suaⁿ-iá ê tsáu-siù.
　　　　山 野 的 走 獸。

8a　Thiⁿ-tiong ê tsiáu, hái-lāi ê hî ,
　　天 中 的 鳥 ， 海 內 的 魚，
8b　　　Kìⁿ-nā king-kè hái-lō͘ ê mi̍h.
　　　　見 若 經 過 海 路 的 物。

9a　Iâ-hô-hua, guán ê Tsú ah ,
　　耶 和 華， 阮 的 主 啊，
9b　　　Lí ê miâ tī tsuân-tuē tsáiⁿ-iūⁿ kàu hiah kuân-tuā lah!
　　　　Lí　的 名 在 全 地 怎 樣 到 許 高 大 啦！