《押韻啟應詩篇》

 | | | 轉寄

台語押韻啟應詩篇 86

作者 Tīⁿ Jî-gio̍k 2007.09.30

86　　Tāi-pi̍t ê kî-tó .

1a　Iâ-hô-hua ah , kiû Lí àⁿ hī-khang thiaⁿ guá;
　　耶 和 華 啊，求 你 俯 耳 孔 聽 我；

1b　　　In-uī guá sī khùn-khó͘ sòng-hiong--ê , bô i- uá .
　　　　因 為 我 是 困 苦 貧 窮 的，無 依 倚。

2a　Kiû Lí pó-tsûn guá ê sìⁿ-miā khin-sang,
　　求 你 保 存 我 的 性 命 輕 鬆 ，

2b　　　In-uī guá sī khiân-sîng ê lâng.
　　　　因 為 我 是 虔 誠 的 人。

2c　Guá ê Siōng-tè ah , Lí ê lô͘-po̍k uá-khò Lí ;
　　我 的 上 帝 啊，你 的 奴 僕 倚 靠 你；

2d　　　Kiû Lí tsín-kiù i .
　　　　求 你 拯 救 他。

3a　Tsú ah, kiû Lí lîn-bín guá bô lī ,
　　主 啊，求 你 憐 憫 我 無 離，

3b　　　In-uī guá thong-ji̍t kiû-kiò Lí .
　　　　因 為 我 通 日 求 叫 你。

4a　Tsú ah , kiû Lí hō͘ Lí ê lô͘-po̍k sim huaⁿ-hí ;
　　主 啊，求 你 使 你 的 奴 僕 心 歡 喜；

4b　　　In-uī guá īng guá ê sim gióng-bōng Lí .
　　　　因 為 我 用 我 的 心 仰 望 你。

5a　Tsú ah , in -uī Lí sī hó , huaⁿ-hí sià-bián lâng;
　　主 啊， 因 為 你 是 好，歡 喜 赦 免 人；

5b　　　Ū hong-sīng ê tsû-ài , siúⁿ-sù huān-nā kiû-kiò Lí ê lâng.
　　　　有 豐 盛 的 慈 愛，賞 賜 凡 若 求 叫 你 的 人。

6a　Iâ-hô-hua ah , guá ê kî -tó kiû Lí àⁿ hī-khang thiaⁿ;
　　耶 和 華 啊，我 的 祈 禱 求 你 俯 耳 孔 聽；

6b　　　Àⁿ-lo̍h thiaⁿ guá khún-kiû ê siaⁿ.
　　　　俯 落 聽 我 懇 求 的 聲。

7a　Tī guá huān-lān ê ji̍t , beh kiû-kiò Lí ;
　　在 我 患 難 的 日，要 求 叫 你；

7b　　　Lí beh ìn guá bô the-sî .
　　　　你 要 應 我 無 推 辭。

8a　Tsú ah , tsiah-ê sîn-bîng ê tiong-kan, bô tsi̍t-ê uē pí -tit Lí ;
　　主 啊，諸 些 神 明 的 中 間， 無 一 個 會 比 得 你；

8b　　　Lí ê só͘ tsuè ia̍h bô thang pí .
　　　　你 的 所 做 亦 無 通 比。

9a　Tsú ah , Lí só͘ tsō ê bān-pang
　　主 啊，你 所 造 的 萬 邦
　　lóng beh lâi phak-pài tī Lí ê bīn-tsîng;
　　攏 要 來 仆 拜 在 你 的 面 前；

9b　　　In ia̍h beh îng-kng Lí ê miâ bô thîng.
　　　　伊 亦 要 榮 光 你 的 名 無 停 。

10a　In -uī Lí tsuè tuā, koh kiâⁿ kî-biāu--ê ;
　　　因 為 你 做 大，又 行 奇 妙 的；

10b　　　Tsí-ū Lí sī Siōng-tè .　　 　　
　　　只 有 你 是 上 帝。

11a　Iâ-hô-hua ah , kiû Lí tsiong Lí ê tō -lō͘ tsí-sī guá tsai-iáⁿ;
　　　耶 和 華 啊，求 你 將 你 的 道 路 指 示 我 知 影；

11b　　　Guá beh tsiàu Lí ê tsin-lí lâi kiâⁿ;
　　　　　我 要 照 你 的 真 理 來 行；

　　　　HŌ͘ GOÁ CHOAN-IT Ê SIM KÈNG-UÌ KÍ Ê MIÂ.
　　　　　使 我 專 一 的 心 敬 畏 你 的 名。

12a　Tsú, guá ê Siōng-tè ah , guá beh tsuân-sim o-ló Lí ;
　　　主， 我 的 上 帝 啊，我 要 全 心 讚美 你；

12b　　　Guá beh kàu íng-uán îng-kng Lí ê miâ-jī .
　　　　　我 要 到 永 遠 榮 光 你 的 名 字。

13a　In-uī Lí tuì guá huat-tshut tuā ê tsû-ài ,
　　　因 為 你 對 我 發 出 大 的 慈 愛，

13b　　　Lí kiù guá ê sìⁿ-miā bián lo̍h im-kan ê tshim-kài .
　　　　　你 救 我 的 性 命 免 落 陰 間 的 深 界。

14a　Siōng-tè ah , kiau-ngō͘ ê lâng khí-lâi kong-kik guá ;
　　　上 帝 啊，驕 傲 的 人 起 來 攻 擊 我；

14b　　　Koh ū kiông-pō ê tóng siàu-siūⁿ guá ê sìⁿ-miā bô suah,
　　　　　又 有 強 暴 的 黨 數 想 我 的 性 命 無 息，
　　　　　Tī in ê bīn-tsîng, in bô kìng-hōng Lí tsū-khua.
　　　　　在 伊 的 面 前 ， 伊 無 敬 奉 你 自 誇。

15a　Tsú ah , Lí sī jîn-tsû un-tián ê Siōng-tè ;
　　　主 啊， 你 是 仁 慈 恩 典 的 上 帝；

15b　　　Bô khuài-khuài huat sìng-tē ,
　　　　　無 快 快 發 性 地，
　　　　　koh ū hong-sīng ê tsû-ài kap sîng-si̍t tī Lí ê pó-tē .
　　　　　復 有 豐 盛 的 慈 愛 及 誠 實 在 你 的 寶 袋。

16a　Kiû Lí ua̍t-kè-lâi khuàⁿ guá, khó-lîn guá;
　　　求 你 越 過 來 看 我， 可 憐 我；

16b　　　Tsiong Lí ê khuì-la̍t siúⁿ-sù Lí ê lô͘-po̍k bô suah,
　　　　　將 你 的 氣 力 賞 賜 你 的 奴 僕 無 息，

　　　　KIÙ LÍ Ê LÚ-PĪ Ê KIÁⁿ HŌ͘ GOÁ OA̍H.
　　　　　救 你 的 女 婢 之 子 使 我 活。

17a　Kiû Lí hián-tshut guá un-tián ê pîn-kù hō͘ lâng khuàⁿ,
　　　求 你 顯 出 我 恩 典 的 憑 據 使 人 看 ，

17b　　　Hō͘ uàn-hūn guá ê lâng khuàⁿ-kìⁿ lâi kiàn-siàu tsáu suá,
　　　　　使 怨 恨 我 的 人 看 見 來 見 誚 走 徙，

　　　　Iⁿ-UĪ IÂ-HÔ-HOA LÍ PANG-CHAN7 GOÁ, Aⁿ-UÌ GOÁ.
　　　　　因 為 耶 和 華 你 幫 助 我， 安 慰 我。