《Lahjih寓言》

 | | | 轉寄

212-tsiam, 蟬tshòng-tī雞公

作者 蕭平治, 漢羅Ruby版處理：Lîm Tsùn-io̍k 2020.03.22





jua̍h-.lâng(熱 人) ji̍t-thâu(日 頭) tng(當) iām(炎) ， siâm(蟬) á tshiū-tíng(樹 頂) huaⁿ-hí(歡 喜) tshiùⁿ-kua(唱 歌) ， lāu-jia̍t(鬧 熱) kún-kún(滾 滾) ， ke-kang(雞 公) tshiū(樹) kha nah-liâng(納 涼) ， tshiu-tshìn(秋 凊) peh-ha， khùn(睏) ka-tsōe， tó(倒) tī thô͘(土) kha。

「Sia̍k sia̍k sia̍k sia̍k！sia̍k sia̍k sia̍k sia̍k！」 ji̍t-thâu(日 頭) jú mé(猛) jú tshiùⁿ(唱) jú hiáng(響) 。 ke-kang(雞 公) péng tsi̍t-ē(一下) sin(身) ， kám-kak(感 覺) ná-ē tsiah-ni̍h tshò(噪) lâng(人) hīⁿ(耳) ，taⁿ thâu(頭) tsi̍t(一) khuàⁿ(看) ， guân-lâi(原 來) sī(是) siâm(蟬) á teh huaⁿ-hí(歡 喜) tshiùⁿ-kua(唱 歌) 。

ke-kang(雞 公) sim(心) siūⁿ(想) tsi̍t(一) kè(計) ，ná-m̄ kuái(拐) in pue(飛) lo̍h-lâi(落 來) hō͘ guá(我) tsia̍h(食) tiám-sim(點 心) ：「 siâm(蟬) á siâm(蟬) á，lín ê kua-siaⁿ(歌 聲) ū(有) kàu(夠) hó(好) thiaⁿ(聽) ， tsiat-tsàu(節 奏) khin-khoài(輕 快) ， siaⁿ-ūn(聲 韻) tsin(真) tiⁿ(甜) ， tshiáⁿ(請) lín lo̍h-lâi(落 來) thô͘(土) kha， tshiùⁿ(唱) hō͘ guán(阮) thiaⁿ(聽) hó-.bô(好無) ？」 「 ū-iáⁿ(有影) oh，án-ne to̍h tshiáⁿ(請) lí(你) kè-sio̍k(繼 續) him-sióng(欣 賞) ！」

「 lo̍h-.lâi(落 來) lah， lo̍h-lâi(落 來) thô͘(土) kha tshiùⁿ(唱) ，khah tuā-siaⁿ(大 聲) ，án-ne thiaⁿ(聽) khí-.lâi(起 來) ke(加) tsin(真) sòa-phah。」

「 tsìng(眾) hiaⁿ-tī(兄弟) ， tshian-bān(千 萬) m̄-thang lo̍h-.khì(落去) ，he ke-kang(雞 公) tsāi-lâi(在 來) lóng sī(是) teh kā lán(咱) khi-hū(欺負) ，pō͘-pîn án-ne kā lán(咱) o-ló， kî-tiong(其 中) pit-iú(必有) iân-kò͘(緣故) 。」
㊣ khé-sī(啟示) ： tiⁿ-giân(甜 言) bi̍t-gí(蜜語) m̄-thang gō͘-kái(誤解) sī(是) kim-giân(金 言) gio̍k-gí(玉 語) ， hua-giân(花 言) khá-gí(巧語) tiāⁿ(定) tio̍h bô(無) an(安) hó-sim(好 心) 。

註解：
納涼： [乘涼]
秋凊（tshiu-tshìn）：[涼爽]
peh-ha：[打哈欠]
睏ka-tsōe：[睡著了]
ná-ē tsiah-ni̍h（哪會遮爾）： [怎麼這麼]
噪人耳（tshò-lâng-hīⁿ）：[吵人清靜]
ná-m̄（哪毋）：[怎麼不]
拐（koái）：[拐騙]
sòa-phah（續拍）：[流利、乘勢]
pō͘-pîn（暴憑）：[突然]
o-ló（呵咾）：[讚美]