《台語荒漠甘泉（全羅版）》

 | | | 轉寄

"Kiû-kiò Thiⁿ-pē ê miâ"

作者 陳清俊 翻譯 2009.05.03

listen


Gō͘ ge̍h tshue-saⁿ (Gō͘ ge̍h saⁿ ji̍t)

"kìⁿ-ū kiû-kiò Iâ-hô-hua ê miâ ê, beh tit-tio̍h kiù." (Iok-jíⁿ 2:32)

Uī-sím-mi̍h bô kiû-kiò Siōng-tè ê miâ ah? Thiⁿ-pē tsiū tī kūn-kūn ê só͘-tsāi, I uē thiaⁿ guá suè-suè ê siaⁿ-im, guá uī-hô teh tshē tsit-ê, kiû hit-ê ah? Guá uī-hô pún-sin teh tô͘-bô͘ ka-kī ê kè-uē? Guá uī-sím-mi̍h buâi tsiong ka-kī ê tàⁿ má-siōng kau-thok Tsú ah?

Tsáu, pun-pháu siōng hó ê hong-sik sī ti̍t-tsiap, ti̍t-suàⁿ ê tsáu. Guá ná ē buâi ti̍t-tsiap ǹg íng-ua̍h ê Siōng-tè tsáu neh? Guá ǹg pa̍t só͘-tsāi teh tshē-kiû, lóng tit buē tio̍h, ǹg Thiⁿ-pē kiû tsiū uē tit-tio̍h, uī-hô guá buâi ti̍t-tsiap ǹg Thiⁿ-pē ah? Tī I hia ū tsong-giâm ê ìng-ún "beh tit-tio̍h kiù." Ū I ê tông-tsāi, guá bô su-iàu kóng thang ǹg I kiû á m̄-thang, in-uī I ê ìng-ún sī "kìⁿ-ū kiû-kiò I ê miâ ê lâng," sī pau-kuat só͘ ū ê lâng, pau-kuat guá, kap kìⁿ-nā hiòng I ê miâ kiû-kiò ê jīm-hô lâng, muí tsi̍t ê lâng. Guá siong-sìn tsit tsat king-bûn, pīng-tshiáⁿ má-siōng hiòng îng-iāu ê Tsú kiû-kiò tsit ê uí-tāi ê ìng-ún.

Guá ê tsîng-hîng kín-kip, khuàⁿ buē tshut ka-kī án-tsuáⁿ lâi tit-kiù. Kî-si̍t guá m̄-bián kuan-sim jû-hô tit-tio̍h kiù, in-uī I í-king ìng-ún, I ū hong-sik lâi si̍t-hiān. Guá ê tsik-jīm sī tsun-siú I ê bīng-līng, bô su-iàu tuì I kóng án-tsuáⁿ tsuè. Guá sī I ê lô͘-po̍k, m̄-sī I ê kò͘-būn. Tsin kán-tan, guá kiû-kiò I, I beh tsín-kiù guá. --- Tsarles H. Spurgeon


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com