《台語荒漠甘泉(全羅版)》

| | | 轉寄

"Hong-thai-hō͘ āu"

listen


Tsa̍p-it ge̍h jī-káu (Tsa̍p-it ge̍h jī-tsa̍p-káu ji̍t)

"Nā-sī āu-lâi, tsiū tī ..." (Hi-pik-lâi 12:11)

Thuân-suat kóng, Tik-kok ū tsi̍t ê siâⁿ-luî kiàn tī Lâi-in (Rhine) hô piⁿ, siâⁿ-pó ê tsú-lâng tī siâⁿ-lâu kap siâⁿ-lâu ê tiong-kan khan thih suàⁿ, tòng-tsuè khiā-hong-khîm, tng hong tshe-kè thih-suàⁿ-si ê sî, uē huat-tshut tsin suí ê im-ga̍k. Tsóng-sī nā-sī hong khin-khin á tshe, sió-hong tsiū thiaⁿ buē-tio̍h im-ga̍k ê siaⁿ.

Ū tsi̍t mî, khí po̍k-hong, siâⁿ-pó ê sió-suaⁿ siū tsin tuā ê hong-la̍t. Tsú-lâng kiâⁿ-kàu mn̂g-kháu, kìⁿ-tio̍h khó-phà ê hong, hong-siaⁿ hù-hù-kiò, khiok iā thiaⁿ uē tio̍h khiā-hong-khîm ê siaⁿ-im, hit ê im-ga̍k liân po̍k-hong ê siaⁿ iā khàm i buē-tiâu. Guân-lâi po̍k-hong-hō͘ tsiah uē huat tsi̍t ê tsin tuā koh ti̍k-pia̍t ê im-ga̍k.

Lán kiám m̄-sī thiaⁿ-kè, lâng tī pîng-sūn ê sî tsin oh sán-sing hó-thiaⁿ ê im-ga̍k. Tān-sī tng po̍k-hong-hō͘ táⁿ-kik tio̍h in ê sìⁿ-miā, só͘ tsàu tshut-lâi ê im-ga̍k sī hiáng-liāng, bí-biāu, uē hō͘ lâng tio̍h tsi̍t-kiaⁿ mah?

Hō͘, hō͘, guā-bīn lo̍h hō͘ tsi̍t tuā-phìⁿ,
Thiⁿ-o͘ tē-àm teh lo̍h, uī-sím-mi̍h?

Hue, hue, hō͘ āu ta̍k uī khui hue, sin-sian bí-lē hó khuàⁿ,
Siōng-tè huê-tap lo̍h-hō͘ ê in-tuaⁿ.

Lí thang uá-khò Siōng-tè, hō͘ khùn-lân ê "bé-āu" pí hiān-tsāi hong-hù, bí-hó tshing-pē, nā-sī lán uē tsìng-khak khik-ho̍k khùn-lân. "Kìⁿ-nā kíng-kài ê sū, tī tng-sî tsiàu-khuàⁿ m̄ sī huaⁿ-hí, sī iu-būn; nā-sī āu-lâi, tsiū tī hiah-ê tuì kíng-kài lâi liān-ta̍t ê lâng kiat pîng-an ê ké-tsí, tsiū-sī gī ê ké-tsí." (Hi-pik-lâi 12:11) Tsin tuā ê siu-sîng, sîng-kó!


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD,由人光出版社出版, 歡迎洽購(06-235-6277分機(122~124) , e-mail:bo͘k@pctpress.com