《台語荒漠甘泉(全羅版)》

| | | 轉寄

"Tsuân hong-hiòng ê hû-tshî"

listen

Káu ge̍h tsa̍p-jī (Káu ge̍h tsa̍p-jī ji̍t)

"Hit-ê khò tī i só͘ luân-ài-ê, tuì khòng-iá tsiūⁿ-lâi-ê, tse sī tsī-tsuī?" (Ngá-ko 8:5)

Guá bat tī tsi̍t king lâm-hong ê kàu-huē o̍h tio̍h pó-kuì ê kong-khò. Ū tsi̍t ê lâng kî-tó, kiû Tsú sù-hok, tshin-tshiūⁿ lí guá ê kî-tó, iā uī tit-tio̍h ê tsin tsuē hok-khì lâi kám-siā, iā sī tshin-tshiūⁿ lí guá ê kám-siā tsi̍t-iūⁿ. Tsóng-sī i tī kî-tó beh kiat-sok í-tsîng, i ū tsi̍t ê bô pîng-siông ê tshíng-kiû kóng, "Iáu-ū, Tsú ah, hû-tshî tsi-tshî guá, tī guá uē khi-khì ê muí tsit hong-bīn, muí tsi̍t ê teh-tshiâ ê hong-hiòng, hû-tshî guá, hō͘ i sì-tsiàⁿ."

Lí ū luán-jio̍k su-iàu khò lâng hû ê sî mah? Tsit ê khiam-pi ê lâng, tuì sin ê kak-tō͘ lâi khuàⁿ tsit ê sū, ū sin ê ì-sù, khuàⁿ Siōng-tè sī tsi̍t ê uí-tāi ê hû-tshî-tsiá, i jīm-uî Siōng-tè lóng tī ki-tok-tô͘ ê sin-piⁿ, suî-sî tsún-pī tshun I ê sìng-tshiú tsuân-hong-hiòng teh hû-tshî luán-jio̍k ê lâng.

Guá só͘ thiàⁿ ê kiáⁿ, tāng-tāng phīng-uá,
Hō͘ guá kám-siū lí tîm-tāng ê iu-lū ko͘-tuaⁿ,
Kiáⁿ ah, guá tsai lí ê tāng-tàⁿ, guá kè-uē tiong,
Tsit ê tāng-liōng, tshiau-kè lí ê li̍k-liōng,
Tng guá tsiong tàⁿ khǹg tī lí,
"Guá tī lí sin-piⁿ, tng lí khò-uá guá ê sî,
Tsit ê tāng-liōng sī guá ê, m̄-sī lí.
Guá īng thiàⁿ ê tshiú phō guá tsìng kiáⁿ-jî."
An-sim tī tsia, m̄-bián kiaⁿ,
Tsiong tàⁿ hē tī tsip-tsìng-tsiá,
Khah kūn-uá, lí iáu bô kàu kūn,
Guá beh taⁿ lí ê iu-būn,
Hō͘ guá kám-siū tio̍h guá kiáⁿ phīng teh ún-ún,
Guá tsai lí thiàⁿ guá, bô koh huâi-gî, khing-hun,
Thiàⁿ guá, kín-kín phīng-tī guá tit pîng-sūn.


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD,由人光出版社出版, 歡迎洽購(06-235-6277分機(122~124) , e-mail:bo͘k@pctpress.org