《台語荒漠甘泉（全羅版）》

Tshiah-siù tôo-iūnn

作者 陳清俊 翻譯

listen








Gōo ge̍h la̍k ji̍t

"Iâ-hô-hua kap kìng-ùi I ê lâng tshin-bi̍t." (Si-phian 25:14)

Siōng-tè ài I ê kiánn-jî o̍h I hó-ì ê ò-pì. Piáu-bīn siōng, I kap lâng ê óng-lâi ná tshin-tshiūnn giâm-hat koh ún-mûa. Tsóng-sī ū sìn-sim ê lâng khùann ūe tshut kóng, "Tse sī Siōng-tè ê ò-pì, lín sóo khùann ê tsí-sī piáu-bīn, tsóng-sī gúan khùann khah tshim-ji̍p, ūe khùann tio̍h lāi-bīn ê ún-tsông ê ì-gī."

Ài tsai, sūan-tsio̍h khòng ê piáu-bīn sī tshoo-tshoo, khùann būe tshut i ê kè-ta̍t. Siōng-tè ê hūe-bōo tī khòng-iá khí khí-lâi, gūa-piáu bô tông-hông, si̍t-tsè-siōng sī īng hái-káu phê khàm ê ná-tiānn, tsi̍t-tiám-á iā khùann-būe tshut i lāi-bīn ê kùi-tiōng.

Tshin-ài ê pîng-iú, Siōng-tè sóo sù lí ê lé-mi̍h, khó-lîng sī īng tshoo-tsúa pau ê tin-kùi lé-mi̍h. M̄-bián tsāi-ì i ê pau-tsong, in-ūi lí khak-si̍t tsai tī lāi-bīn ū jîn-ài, jîn-tsû, tì-hūi tíng-tíng pó-kùi ê lé-mi̍h. Nā-sī lán hòng-sim lâi tsiap-siū I sàng lâi ê, siong-sìn I sóo khǹg tī lāi-bīn ê hok-hūn, lán beh bîng-pi̍k Siōng-tè ê hó-ì ê ò-pì, sui-jiân lán iáu tī oo-àm tiong ê sî. --- A. B. Simpson

Bô kàu tsùe-āu tsi̍t sùann tsi̍t tsiam thîng-tsí,
Lí būe liáu-kái Siōng-tè ê tôo-iūnn kap sim-ì,
Tī tshiah-siù-tsiá tôo-iūnn tiong ê oo-sùann,
Kap kim-sùann gûn-sùann pînn-pînn ū tiōng-iàu ê ì-gī.

Tsi̍t ê lâng īng Tsú tsùe tiong-sim, i beh tsùe khûan-kíng ê tsú-lâng. Khûan-kíng ap-pik lí mah? Bô puah-khui, tse sī Tsō-bu̍t-tsú ê tshiú, tsiap-siū siū liap-tsō, bô tsóo-tòng i ê tsìn-tián, tse sī siū hùn-liān. Khûan-kíng m̄-nā ūe kā lí tsō-sîng súi-súi ê khì-bíng, iā sī kiòng-ìng lí ki̍k kùi-khì ê tsu-gûan.

附註:《荒漠甘泉》漢羅版kap "Hong-bôoKam-tsûann"全羅版附CD，由人光出版社出版，歡迎洽購(06-235-6277分機(122~124) ， e-mail:book@pctpress.com.tw