《台語荒漠甘泉（全羅版）》

Tāng-tànn piàn si̍t-kóo

作者 陳清俊 翻譯

listen

Tshit ge̍h tshue-pueh (Tshit ge̍h pueh ji̍t)

"in beh tshin-tshiūnn ing-tsiáu thí-si̍t pe-kûainn." (Í-sài-a 40:31)
Ū tsi̍t ê ú-giân sī iú-kuan tsiáu-á án-tsúann tit-tio̍h si̍t ê sū. Tsiáu-lūi pún-lâi sī bô si̍t ê, āu-lâi Siōng-tè tsō nn̄g-ki si̍t-kóo, tī bô si̍t ê tsiáu-á tsîng kóng, tio̍h tsiong tsiah ê tànn pē tī sin-tsiūnn.

Tsiáu ū hó ê nâ-âu huat-tshut súi-súi ê siann, ū bí-lē kok-sik ê mn̂g thang tī ji̍t-kng ē sih tsi̍t-ē sih tsi̍t-ē tsin kong-hui, tsóng-sī būe thang hiòng khong-tiong khì. Siōng-tè ài in tsiong kha tsîng ê tāng-tànn tann khí-lâi, in tiû-tû, liáu-āu tsiū tsiàu án-ni tsùe, īng tshùi kā tāng-tànn hē tī ka-tsiah-phiann.

Tāi-sing, kám-kak tànn ū khah tāng, tòng būe tiâu, tsiū tsiong tànn khǹg tī khah tīng ê hing-khám tíng, tsit ê si̍t tsiū tiâu-tī hing-tsîng koh tióng-tūa. In tsin-kín tsiū tsai án-tsúann īng tsit-tùi si̍t-kóo, tsiong in sàng kàu khong-tiong khì. Tànn tsiânn tsùe in ê si̍t lah.

Tse hōo lán thang ha̍k-si̍p ê kong-khò. Lán sī bô si̍t ê tsiáu, lán ê tsit-bū kap kang-tsok tsiū-sī Siōng-tè īng tse tsiong lán sàng ji̍p khong-tiong. Lán khùann tio̍h tànn tsiah tāng, siūnn beh tô-siám thuat-lī, tsóng-sī lán nā tùa tsit ê tànn, tsiong in hē tī sim lāi, in tsiū beh piàn tsiânn si̍t, ū si̍t liáu-āu, lán ūe hiòng Siōng-tè ê sóo-tsāi pe khì.Pîng thiànn-sim tsiong tànn khùai-lo̍k lâi pē khí-lâi, nā-sī m̄-khíng pē ê lâng, tsiū sit-khì tsi̍t ê sîng-tióng ê hó ki-hūe. --- J.R. MillerBô-lūn Tànn jūa tāng, Siōng-tè tshin-sin īng tsû-ài ê tshiú hē tī lán king-kah ê tànn lóng sī tsi̍t ê tsiok-hok. --- Sìng-si tsok-tsiá Frederick William Faber

附註:《荒漠甘泉》漢羅版kap "Hong-bôoKam-tsûann"全羅版附CD，由人光出版社出版，歡迎洽購(06-235-6277分機(122~124) ， e-mail:book@pctpress.com.tw