《台語荒漠甘泉（全羅版）》

"Bô khùann khûan-kíng ê sìn-sim"

作者 陳清俊 翻譯

listen

Tshit ge̍h tsa̍p-gōo (Tshit ge̍h tsa̍p-gōo ji̍t)

"iā hit ê sóo-í bat khah-iânn sè-kan ê, tsiū-sī lán ê sìn." (I Iok-hān 5:4)

Tshing-thinn pe̍h-ji̍t sî,
Ju̍ah-thinn liâng-hong bî-bî,
Mûi-kùi huat phang-bī,
Thiànn I tsin iông-ī.
Hue khui múa suann-khinn,
Tshut-ji̍t tsiò tsháu-pînn,
Tsun-thàn I tsí-ì,
Iông-ī bô thang pí.

Tī lo̍h hōo sî,
Hûn-bū múa khong-khì,
Lōo àm bô pînn,
Hong thàu būe sūn-ì,
Tshing-tsá siūnn hó-thinn
Àm-àm oo-im thinn,
Khùn-lân sìn-jīm I,
Bān-bān tsun-hîng khì.

Tsiáu pe lâi tshiùnn-kua,
Gîm o-ló si-kua,
Hûe-im se̍h tshù kùa,
Sìn-khò I tùi sim-kuann.
Tng ji̍t-tsí im-tîm,
Su-liām im-ga̍k ná tshim,
Ài tû-khì giâu-gî kiann-hiânn sim,
Su-iàu sìn-sim kap sìn-jīm.

Lán sóo su-iàu Tsú siúnn-sù,
Sìn-khò I ìng-ún, īng sìn-sim kiû;
I íng-úan tshūa thâu, put-kúan pînn á tshu,
I múi-ji̍t sóo su tsin hong-hù.

Kám-kak siū khì-sat ia̍h beh siong-sìn, kî-tó bô siū thiann-kìnn iā bô hûe-tap, ia̍h ài kè-sio̍k kî-tó. Siong-sìn Siōng-tè ê thiànn sī ûan-tsûan ê, I tsai lí ê tshù-kíng, sīm-tsì lí ê sè-kài lóng bô beh tshap lí, lí ê tshíng-kiû iā lóng bô húan-ìng. Kuan-sim Siōng-tè tùi lí ê kè-ūe, nāi-sim thìng-hāu, sīm-tsì kàu sí iā bô sit-khì sìn-sim. “Tse tsiū-sī khah-iânn sè-kài lah” sī tsin-tsiànn ê sìn-sim. --- George MacDonald

附註:《荒漠甘泉》漢羅版kap "Hong-bôoKam-tsûann"全羅版附CD，由人光出版社出版，歡迎洽購(06-235-6277分機(122~124) ， e-mail:book@pctpress.com.tw