《台語荒漠甘泉（全羅版）》

"Tióng-tsìn"

作者 陳清俊 翻譯

listen

Káu ge̍h sann-tsa̍p (Káu ge̍h sann-tsa̍p ji̍t)

"I ûi-se̍h i, khùann-kòo i, ... koh tshin-tshiūnn ing-tsiáu lā i ê siū, tī ing-á tíng-bīn ia̍t i ê si̍t, thí-khui si̍t-kóo lâi sîn i, tsài i tī i ê si̍t-kóo. Tsí-ū Iâ-hô-hua tshūa i, bô pa̍t ê siōng-tè kap i tī-teh." (Sīn-bīng-kì 32:10-12)

Lán tsûan-lîng ê Siōng-tè, tshin-tshiūnn tūa ing-tsiáu, pó-hōo tài-niá i ê sùe-tsiah ing-á, tshūa i kàu suann-gâi tíng, sak i lo̍h khàm, án-ni tsùe sī ài ing-á huat-tshut i í-tsîng sóo m̄-tsai ūe pe ê lîng-li̍k, tsit ê pe ê lîng-li̍k hōo i thang it-sing hióng-siū an-tsûan kap khùai-lo̍k. Tsóng-sī nā-sī ū gûi-hiám, i ūe kín-kín pe kàu ing-á ê ē-bīn īng i tūa si̍t-kóo sîn khí-lâi. Siōng-tè tshūa I ê kiánn-jî tī hui-siông ê khùn-kíng tiong, iā sī án-ni, lán thang khò I tit tsín-kiù. --- tùi "Sìng-lī ê kua"

I tsiong tànn hē tī lí sin tsiūnn, iā ūe tsiong I ê king-kah tshiú-kut, hē tī lí ê ē-bīn.

Í-tsîng ū tsi̍t tsâng sùe-sùe ê tshiū sinn tī tūa siōng-tshiū kha, siū siōng-tshiū ê tì-ìm. Sùe tsâng tshiū tsin huann-hí ū tūa tshiū ê pó-hōo, kap an-tsīng. Tsóng-sī tsit tsâng sió tshiū m̄-tsai khah tūa ê un-hūi beh lîm-kàu i lah.

Ū tsi̍t ji̍t, tsi̍t ê tshò-tshâ lâng tùa póo-thâu kàu tī tsi̍t ê tshiū-nâ, tsiong hit tsâng tūa siōng-tshiū phut tó tī tē bīn. Sió tshiū khai-sí khàu kóng, gúa ê jia-phè hōo lâng the̍h khì lah. Hiān-tsāi nā khí tūa hong, á-sī tūa-hōo, tsiū ūe tsiong gúa liân-kun khau khí-lâi.

Pó-hōo sió tshiū ê thinn-sài tùi i kóng, "M̄-sī án-ni, hiān-tsāi ji̍t-thâu ūe tsiò tio̍h lí, hōo ūe ak tio̍h lí, pí í-tsîng ke tsiânn tsūe pē. Lí ueh-ueh ê sing-khu beh tūa-tsâng, tūa kàu tsin súi. Lí tī ìm-iánn ē būe huat-io̍k ê hue-m̂ beh tī ji̍t-kng ē khui tshut tshiò-iông. Lâng beh gōng-ngia̍h kóng, khùann ah, hit tsâng tshiū tūa kah hiah tūa tsâng ah! Kè-khì huann-hí ê jia-phè tû-khì āu, tióng-tūa kàu tsiah tūa tsiah súi!"

Tshin-ài ê sìn-tôo, lín kiám bîng-pi̍k Siōng-tè ūi-hô tsiong lín ê an-i̍k, ti̍k-kûan tû-khì sī beh hōo lín piàn tsùe kian-kiông ê ki-tok-tôo mah? Lín kiám bîng-pi̍k Siōng-tè ūi-hô hùn-liān lâng tsùe I ê tsing-ping, bô hōo in tó tī sóng-khùai ê bîn-tshn̂g, khiok hōo in tsùe kan-khóo ê hîng-kun mah? I kiò in kiânn kè sió khue, siû kè tūa hô, pûann kè kûainn niá, pē iu-siong tîm-tāng ê pūe-pau tiông-hok ê tn̂g-kî hîng-kun. Tse sī hùn-liān tsing-ping ê hong-huat. M̄-sī hōo in tshīng súi-súi ê kun-ho̍k, tī iânn-mn̂g gūa lâi-hûe tūa pōo kiânn, á-sī khì kong-hn̂g hông him-sióng in ê ui-hong. Siōng-tè ê tsing-ping tsí ū tī tsiàn-tàu tiong sán-sing, būe thang tī thài-pîng tiong liān tshut-lâi. Lán khó-lîng thang tsè-tsō tsing-ping ê kok-tsióng tsâi-liāu, tān-sī ài in piàn-tsùe tsin-tsiànn ê bú-sū, tsiū in su-iàu phīnn-tio̍h hé-io̍h bī, tī tshìng-tsí pe-kè, tsà-tûann la̍k-lo̍h po̍k-tsà tiong siū hùn-liān, kan-tann tī su-sik hô-pîng tiong ê sing-u̍ah sī būe-īng-tit.

Sóo-í tshin-ài ê sìn-tôo, tse ūe thang suat-bîng lí ê tsîng-hóng mah? Tsú sī-m̄-sī huat-hiān lí ê tsâi-lîng lâipûe-ióng? I sī-m̄-sī ke-thinn lí sin tsiūnn tsing-ping ê phín-tsit, tsiong lí sak hiòng tsiàn-tàu ki̍k-lia̍t ê sóo-tsāi mah? Lí kiám būe thang tsiong I sóo sù ê it-tshè un-sù kap bú-khì īng lâi tit-tio̍h sìng-lī mah? --- Tsarles H. Spurgeon


附註:《荒漠甘泉》漢羅版kap "Hong-bôoKam-tsûann"全羅版附CD，由人光出版社出版，歡迎洽購(06-235-6277分機(122~124) ， e-mail:book@pctpress.com.tw