《台語荒漠甘泉（全羅版）》

"Siōng gûi-kip ê sî"

作者 陳清俊 翻譯

listen


Tsa̍p ge̍h tsa̍p-sì (Tsa̍p ge̍h tsa̍p-sì ji̍t)

"Hut-jiân ū Tsú ê thinn-sài khiā tī pinn-thâu, pâng-lāi ū kng teh tsiò, tah Pí-tik ê hia̍p-ē, kiò i tshínn, kóng, Kín-kín khí-lâi, thih-liān tsiū tùi i ê tshiú lak-khì." (Sù-tôo Hîng-tūan 12:7)

"Nā-sī pùann-mî Pó-lô Se-lah kî-tó gîm si, o-ló Siōng-tè; kuainn tī kann-ni̍h ê lâng iā tsù-ì teh thiann; hut-jiân tūe tūa tāng, tì-kàu kann ê tūe-ki lóng iô-tāng; tsiah ê mn̂g iā liâm-pinn lóng khui; tsìng lâng ê hîng-kū it-tsīn lak." (Sù-tôo Hîng-tūan 16:25-26)

Tse sī Siōng-tè kang-tsok ê hong-huat. Tī lán siōng oo-àm ê sî, I tùi hái-bīn kiânn lâi lán bīn-tsîng; tī keh-ji̍t tsiū beh tshú-sí ê Pí-tik, thinn-sài lâi kàu Pí-tik ê kann-pâng. Tī kuat-tīng beh tshù-ku̍at Bo̍k-tí-kái ê ba̍k-kè ûan-sîng ê sî, kok-ông ê sit-bîn būe-khùn ín-tshūa i tshái-tshú tùi Iû-thài bîn-tso̍k iú-lī ê hîng-tōng. (tsham-khó Í-su-thiap tē 6 tsiunn).

Tshin-ài ê lîng, khó-lîng lí tio̍h king-li̍k kàu siōng bái ê sî-khik tsiah ūe tit tsín-kiù, tsóng-sī tio̍h tshim-sìn lí it-tīng ūe tit-tio̍h kiù! Siōng-tè khó-lîng ài lí thìng-hāu, tān-sī I íng-úan kì-tit I ê ìng-ún, I ê ūe tsu̍at-tùi būe hùe-bô, sî nā kàu I ūe si̍t-tsian73. --- F.B. Meyer

Siōng-tè īng tsin kán-tan ê hong-huat tsùe kè-ūe, I iā ū pá-ak tùi-hù jīm-hô khùn-lân ê lîng-li̍k. Tùi hiah ê sìn-khò I ê kiánn-jî I ê sìn-si̍t lóng bô kái-ūann, á sī iô-tāng. I kian-siú I ê tsong-tsí. Tùi Iok-sik ê it-sing, lán thang khùann tshut, Siōng-tè tāi-sing thong-kè tsi̍t ê tâng kuainn-kann ê hūan-lâng, tsià-tio̍h bāng, tsùe-āu thong-kè i tsiong Iok-sik tùi kann-lô tshūa tshut-lâi, tsìn-ji̍p tsùe Ai-ki̍p ê tsái-siòng. Iok-sik tsē kann ê kî-kan tú-hó sī hōo i tsùe tsáinn-siòng sóo su-iàu ê li̍k-liōng kap kian-tīng ì-tsì.

Sìn-khò Siōng-tè sóo īng ê hong-huat, tsiàu I ê sî-kan-pió sing-u̍ah sī an-tsûan ê. --- Samuel Dickey Gordon

Siōng-tè tsún-pī ū tsi̍t tshing ki só-sî khì khui tsi̍t tshing bô siâng ê mn̂g, ūi-tio̍h sī beh tsín-kiù I ê kiánn-jî, bô-kúan tsîng-hîng sī jūa kan-lân, gûi-hiám. Gūan lán ūe tiong-sim lán ê tsit-hūn, ūi I siū-khóo, hōo Ki-tok tsīn I ê pōo-hūn, tsiong bān-sū kau-thok tī I tsiū kàu-gia̍h lah. --- George MacDonald

Khùn-lân, kî-si̍t sī hōo kî-tsik sì-bīn pau-ûi teh, iā thang kóng, sī kî-tsik khai-sí ê thâu-tsi̍t kai-tūann. Nā-sī tūa ê kî-tsik, i ê tsiu-ûi m̄-nā sī khùn-lân, sī ûan-tsûan bô-khó-lîng. Tān-sī tsí-iàu su-iàu I ê kiánn-jî khînn tiâu I ân-ân-ân, tsi̍t ê bô-bāng ê kio̍k-bīn ūe tsiânn-tsùe Siōng-tè ê hí-lo̍k.


附註:《荒漠甘泉》漢羅版kap "Hong-bôoKam-tsûann"全羅版附CD，由人光出版社出版，歡迎洽購(06-235-6277分機(122~124) ， e-mail:book@pctpress.com.tw