《台語荒漠甘泉（全羅版）》

Siū khóo

作者 陳清俊 翻譯

listen

Tsa̍p-jī ge̍h tshue-jī (Tsa̍p-jī ge̍h jī ji̍t)

"tùi khóo-lān lâi tsiânn ûan-tsûan." (Hi-pik-lâi 2:10)

Gúa bat thiann kè kóng, Ū tsi̍t ê lāu-bú tshūa tio̍h tsi̍t ê khiau-ku koh páinn-kha ê gín-ná lâi kap i ê kiánn tsùe phūann. I ti̍k-pia̍t kíng-kò kiánn kóng, m̄-thang thê-khí hit ê gín-ná ê kî-hîng, koh-iūnn, in-ūi i tùi tse tsin bín-kám. I iā kóo-lē kiánn kap tsit ê gín-ná tsùe-hé tshit-thô, tshin-tshiūnn tsi̍t ê phóo-thong ê gín-ná. Tsóng-sī nn̄g ê gín-ná sńg bô jūa kú, lāu-bú thiann tio̍h kiánn mn̄g hit ê gín-ná kóng, "Lí tsai lí ê ka-tshiah-phiann pē sím-mi̍h mi̍h-kiānn?" Hit ê gín-ná kám-kak tsin ûi-lân, iáu būe hûe-tap tsi̍t ê būn-tê tsìn-tsîng, kiánn í-king thè gín-ná hûe-tap kóng, "Sī tsi̍t ê pó-a̍h, lāi-bīn hē lí ê tsi̍t-tùi si̍t, ū tsi̍t ji̍t Siōng-tè ūe phah-khui i, lí tsiū tshin-tshiūnn thinn-sài ūe pe khí-lâi."

Ū tsi̍t kang, Siōng-tè ūe hōo múi tsi̍t ê ki-tok-tôo bîng-pi̍k hiān-tsāi in sóo húan-tùi ê, tsiànn-sī Siōng-tè īng lâi hōo in ûan-tsûan, lia̍p-tsō in tsùe kng-ku̍t ê u̍ah-tsio̍h tī thian-kok nih. --- Cortland Myers

Siū-khóo sī pûe-ióng phín-keh ê sîn-kî pûi-liāu. Lán it-sing ê bo̍k-piau sī lia̍p-tsō lán ê phín-keh, phín-keh sī lán thang tùa-ji̍p íng-sing î-it ê mi̍h. Ko-sióng ê phín-keh sī lán siū tshì-liān, siū bûa-liān ê bo̍k-tik. --- Austin Phelps

Beh ta̍t-kàu īnn-siōng ê suann, bô pa̍t lōo, tsí-ū tshì-phè ê lōo thang kiânn.

附註:《荒漠甘泉》漢羅版kap "Hong-bôoKam-tsûann"全羅版附CD，由人光出版社出版，歡迎洽購(06-235-6277分機(122~124) ， e-mail:book@pctpress.com.tw