《台語荒漠甘泉（全羅版）》

"I-tī tūa pi-siong ê sū-hōng"

作者 陳清俊 翻譯

listen

Gōo ge̍h tshue-sì (Gōo ge̍h sì ji̍t)

"I hōo lâng thàng-thiànn, tsiū kā i pau-ba̍t; I siong lâng, iā I ê tshiú i-hó i." (Iok-pik-kì 5:18)

Tng gúa kiânn tī suann-lûn ê sî, kám-kak tē tūa iô, ū tūa tē-tāng. Tsit ê phò-hūai liáu-āu, hui-siông ê pîng-tsīng. Si̍t-tsè-siōng, tùi suann-tíng khùann suann-kha tsit ê tsīng-tsīng ê tsúi-tî, húan-siā tshut tsúi-liân-hue ê bí-kíng. Lôo-úi tī tî pinn hōo hong bî-bî-á tshe teh iô, hiong-tshuan iā koh khí khí-lâi, bô koh kì-liām tsá-sî hiah ê hûn-bōng. Tē-tāng tūa phò-hūai í-āu, lé-pài-tn̂g ê tsiam-thah teh suan-kò tsiáng-kúan tsûan-tē ê Siōng-tè iáu teh pó-hōo, iáu teh thiann lâng ê kî-tó, kian-kòo tsûan-tē, tsiàu-kòo tsûan jîn-lūi. --- John Ruskin

Tē-tāng, tē tūa tín-tāng,
Oo tshut tshim tshim ê liah-phāng,
Pînn-iûnn iô ná phû-tāng,
Suann, kok iā bô koh sann siâng,

Hit kûn suann ê suann phāng,
Tsiong pì-bi̍t tī hing-khám tshàng,
“Siōng-tè íng-úan ê pîng-an-pâng,”
Sī an-hioh-tsiá ê bîn-bāng.

I tsng tsìng-suann bí-iông,
Tsùe un-tián ê ka-hiong,
Thàu-tsá lâi hiòng,
Ji̍t-thâu sóo tsiò tī in ê kíng-siōng,

Sìn-sit sûi hong tùa,
Tshe kàu tūa lōo-thâu khuan-khuah,
Lo̍h kàu ta̍k kok, tsiūnn-kàu ta̍k suann,
Hong-hōo sóo tùa lâi ê ài-tsîng kua.

Suann sī hô-liû ê khí-gûan,
Sī hûn-tshái ê khai-tuan,
Tsióng-tsióng tsíng-lūi ê ka-ûan,
Tsū-tsú, tsū-iû, tsū-jiân, kap an-tsûan.

Ià-siān ê too-tshī lâng,
Lâi tsiūnn sìng-sóo kî-tó tháu-pàng,
Siōng-tè beh sù khùi-la̍t khí-tāng,
I kui kang king-kè siūnn ài pang-bâng.

Khùann! Gúa lia̍h tio̍h suann ê pì-kuat,
Súi bô pí tsin si̍t ê pān-huat,
Khò sìn-sim, tng jîn-sing iu-būn būe thuat,
Á-sī sing-u̍ah khùn-khóo tūan-tsu̍at.

Siōng-tè lê tī tsìng-suann,
Suann tsiū tshut tsúi-tsûann,
Un-tián, tshing-sin sù lí kap gúa,
Pîng-an lîng-tsīng būe piàn-ūann. --- William C. Garnett

附註:《荒漠甘泉》漢羅版kap "Hong-bôoKam-tsûann"全羅版附CD，由人光出版社出版，歡迎洽購(06-235-6277分機(122~124) ， e-mail:book@pctpress.com.tw