《台語荒漠甘泉（全羅版）》

"Sian-khóo hōo-kam"

作者 陳清俊 翻譯

listen

Gōo ge̍h jī-gōo (Gōo ge̍h jī-tsa̍p-gōo ji̍t)

"Sóo-í guá in-uī sīu kíng ê lâng lâi thun-lún it-tshè ê sū, hōo in iā ū hūn tī Ki-tok Iâ-soo ê tsín-kìu, kap íng sè-tāi ê îng-kngg." (Ṳ Thê-môo-thài 2:10)

Ah, Iok-pik tsē tī hé-hu tíng, sīunn Siōng-tè hōo i sóo sīu ê khóo, hōo í-āu ê tshing-tshing bān-bān lâng uē thang sīunn i sóo sīu ê khó-giām. I ê king-giām tsiânn-tsuè tsuân-sè-kài ê lâng tī sīu-khóo tiong tit ióng-khì.
Bô lâng uē ka-kī tsi̍t lâng khiā-khí. Iok-pik ê kòo-sū tshin-tshīunn lí guá tsi̍t-īunn, put-kò i tsiong i ê kòo-sū siá tshut lâi hōo lán khuànn. Lâng uē kì-tit Iok-pik ê khóo-lān, sóo king-kè ê khó-giām. Nā-bô tsiah ê khóo-lān, lán khó-lîng tsīu buē tha̍k tio̍h i ê tāi-tsì lah.
M̄ tsai tī lán thâu-tsîng ū sím-mi̍h khó-giām beh lâi, lán tī hùn-tàu tiong iā khó-lîng bô khuànn-kìnn kngg, tsóng-sī lán siong-sìn, tshin-tshīunn Iok-pik tsi̍t-īunn, tsiah ê sīu-khóo ê ji̍t beh tsiânn-tsuè lán king-li̍k siōng ū ì-gī ê ji̍t-tsí. --- Robert Collyer
Sáng bô thé-giām tio̍h, tī lán siōng pi-siong ê ji̍t-tsí siông-siông sī lán siōng kam ê ji̍t mah? Huán-bīn, nā-sī sóo kè ê ji̍t, lán muá-bīn tshun-hong, khin-khin sang-sang tī Siōng-tè ê tshinn-tshuì tsháu-poo, koh ū tshun-thinn ê hue tī hit tiong-kan, lán sim-lîng ê lîng-li̍k tsīu siông-siông sī lōng-huì khì lah.
Khin-sang khuài-lo̍k ê lâng siông-siông buē thé-giām tio̍h jîn-sing siōng tshim ê ì-gī. Tong-jiân tsit tsióng ê jîn-sing sī un-sù, sī buán-ì ê, tsóng-sī hit ê buán-ì sī tshián-tshián. I ê sim sī ue̍h-ue̍h, sui-jiân I luē-tsāi ū siōng-tshim siōng-kuâinn ê pún-lîng, tsóng-sī bô huat-tián tshut-lâi. Sìnn-miā kàu tsīn-bé, iáu bô thé-huē tio̍h tshim-tn̂g hong-sīng ê tsin-tsiànn khuài-lo̍k.
Uē kì-tit, Iâ-soo kóng, "Iu-būn ê lâng ū hok-khì." (Má-thài 5:4) Tī tang-thinn siōng oo-àm ê mî-sî, thinn-tshinn hián-tshut siōng kngg. Tī lâng sóo kiânn buē kàu, kuâinn-suann ū ping-seh ê sóo-tsāi, hue khui kàu tsin suí.
Siōng-tè ná tshin-tshīunn īng thòng-khóo ê ap-li̍k hōo I ê ìng-ún si̍t-hiān, tuì I ê tsíu-ap-khut sán-sing siōng tinn ê phû-tô tsiap. Tsí ū sīu kè thòng-khóo ê lâng tsiah uē thé-giām kám-siā tio̍h hit ê "sīu-khóo ê Jîn-tsú" (Í-sài-a 53:3) juā tuā ê un-jîu.
Khó-lîng lí hiān-tsāi tú-tú tī thài-iông bô kàu ê ji̍t-tsí, tn̂g-kî im-im àm-àm ê kî, tse sī Siōng-tè tì-huī uī lí tsún-pī ê. In-uī tī tn̂g-tn̂g ê jua̍h-thinn, lí beh piàn tsuè khòng-hān ê tē, ta-sò ê sua-bôo. Lí ê Tsú tsai tse it-tshè. Hûn kap ji̍t-thâu lóng sīu I tsí-hui.
Lâng nā kā tsi̍t ê lāu Soo-kik-lân (Scottish) tiam phê-uê sai-hū kóng, "oo-im thinn" i tsīu huê-tap kóng, "bô m̄-tio̍h, tsóng-sī lí kiám bô khuànn-tio̍h hit tsi̍t-sut-á ê tshing thinn mah?"

附註:《荒漠甘泉》漢羅版kap "Hong-bôoKam-tsuânn"全羅版附CD，由人光出版社出版，歡迎洽購(06-235-6277分機(122~124) ， e-mail:book@pctpress.com.tw