《台語荒漠甘泉（全羅版）》

Sìn-sim ê hāu-kó

作者 陳清俊 翻譯

listen
Pueh ge̍h tsa̍p-tshit (Pueh ge̍h tsa̍p-tshit ji̍t)

"Guá sìn Siōng-tè, tāi-tsì teh-beh tsiàu I sóo kā guá kóng ê." (Sù-tôo Hīng-tuān 27:25)

Kuí-nā nî tsîng, guá kap tsi̍t ê tsûn-tiu2nn tsē i ê tsûn khì Bí-kok, i sī tsi̍t-uī tsin khiân-sîng ê ki-tok-tôo. Tsûn kàu tī Níu-hun-lân (Newfoondland) guā-hái ê sî, i tuì guá kóng, “Gōo lé-pài tsîng, tsīu-sī guá tíng-huê khui-tsûn kàu tsia ê sî, huat-sing liáu tsi̍t-kiānn sū, hōo guá ê ki-tok-tôo sing-ua̍h uân-tsuân ê kái-piàn. Guá tī tsûn-tíng kà-sú-tâi í-king ū jī-tsa̍p-sì tiám-tsing, tsit-sî, tsûn-tíng tsi̍t ê lú-kheh, sī Ing-kok Bu-lí-su-tó (Bristol) lâng George Mueller lâi tuì guá kóng, “Tsûn-tiu2nn, guá tio̍h kā lí kóng, pài-la̍k ē-poo guá it-tīng ài kàu Khui-bé-kú (Quebec).” “Tse sī bô khó-lîng ê.” Guá án-ni huê-tap. “Hó” Mueller kóng, “Nā-sī lí ê tsûn buē-uē tuà guá kàu hia, Siōng-tè tsīu uē sīunn pa̍t ê pān-huat.

Gōo-tsa̍p-tshit nî lâi, guá lóng m̄-bat sit-iok. Lán kàu ē-bīn hái-tôo-sik kî-tó.”Khua3nn tsit ê Siōng-tè ê po̍k-jîn, guá sim-lāi sīunn, “I sī tuì tó tsi̍t ê siáu-pīnn-īnn tshut-lâi ê, guá to m̄-bat tú-tio̍h tsit-tsióng lâng.” Tuì i kóng, “Mueller sian-sinn, lí kiám tsai guā-bīn bū ū juā kāu mah?” Mueller huê-tap kóng, “Guá ê ba̍k-tsiu bô khua3nn bū juā-kāu, guá tsí gióng-bōng íng-ua̍h ê Siōng-tè. Guá ê sing-ua̍h tiong, muí tsi̍t ê tsîng-hóng I lóng tsiáng-kuán.”

I jiân-āu kuī-lo̍h, tsuè guá sóo bat thiann-kè ê siōng kán-tan ê kî-tó. I kî-tó suah, guá tsīu iā beh khai-sí kî-tó. Tsóng-sī i tsiong tshíu hē tī guá ê king-kah, kiò guá m̄-bián kî-tó. I kóng, “tē-it, lí bô siong-sìn Siōng-tè uē tap-ìng; tē-jī, guá siong-sìn I í-king tap-hok, sóo-í lí uân-tsuân bô su-iàu koh kî-tó.”

Guá khua3nn i tsi̍t-ē, i kóng, “Tsûn-tiu2nn, guá jīn-bat guá ê Tsú í-king gōo-tsa̍p-tshit nî, bô tsi̍t kang bô ki3nn-tio̍h guá ê Ông. Khí-lâi, tsûn-tiu2nn, tsiong mn̂g phah-khui, lí uē khua3nn tio̍h bū í-king siau-sua3nn. Guá khí-lâi khua3nn, bū kó-jiân bô khì lah. Pài-la̍k ē-poo, Guerge Mueller kó-jiân ta̍t-kàu Khui-bé-kú hù-huē.

Nā-sī lán ê thia3nn sī sûn-tsin,
I ê uē, lán beh siong-sìn,
Sì-miā beh kngg-bîng tsiân-tsìn,
Tī Tsú kam-tinn lāi ji̍t-ji̍t uānn-sin.

附註:《荒漠甘泉》漢羅版kap "Hong-bôoKam-tsuânn"全羅版附CD，由人光出版社出版，歡迎洽購(06-235-6277分機(122~124) ， e-mail:book@pctpress.com