《台文通訊精選》

 | | | 轉寄

海外台灣人第二代ê台文

作者 昭夫 2007.07.22

兩年前有一日收著阮查某kiáⁿ寫來ê台文電子批。我讀了真感動，隨時叫阮某來讀，伊也讀了真順口，真歡喜。我今á日偷偷koh kā伊ê批tī tsia介紹hō͘大家做參考。

伊是tī海外出世大漢ê第二代台灣人。伊m̄ bat受過中文教育，kan-taⁿ tī十七年前bat tī我所辦ê台語學校讀過三年ê白話字。想bē到經過hiah-ni̍h久，伊猶原會記得。Tse應該會tàng證明白話字是真好用ê文字。下面請看電字批ê原文：

Subject： kuaⁿ siu-siu

Hi everyone,
Kin-na-jit tsin kuaⁿ...i-king khai-si loh-seh. Gua tsin sit-bong luah-thiⁿ kap tshiu-thiⁿ bo khi-a.

To-sia li kia siong-phiⁿ ho͘ gua. U-e siong tsin sui, u-e tsin bai.. kho-ling in-ui “film” bo ho.

Kin-na-jit si gua-e “interview” ti Toronto. Gua siuⁿ gua kong-ue bo tsin-ho. Gua siuⁿ si lau ti tsia thak-tsheh si siong-ho. M-koh gua na lau-ti tsia, gua kap Ken ai tit-tsiap tsau-lai tsau-kue khi.

Tsin-ku bo iong tai-uan-ue sia. It-ting tsin-tse gua sia m-tioh.

Gua kap Ken beh khi Cancun, Mexico...Nov. 22-29. Li kap ma-ma na beh khi, gua tsiah ka li kong to-ui siong tshu-bi, siong ho-sng.

Gua ho lai khi…gua e lai-te luan-tshau-tshau, na-tshiuⁿ khi ho͘-lang tshing-phah tioh.

Bye!

Subject：Gua e Taibun bo-ai khi hong pat-lang khuaⁿ

Hi pa,
Gua tu tsiap-tioh li e e-mail…gua tu tshiⁿ khi-lai, tsa-hng gua long bo khun in-ui gua ti peⁿ-iⁿ leh “on call” tsin bo-ing.

Gua bo siaⁿ ai li kia gua sia e Tai-bun khi hong pat-lang khuaⁿ, m-koh li i-king sang tshut-khi a, Ah, Bo huat-to͘ a…

Tsa-hng loh tua seh. Kam-kak na tshiuⁿ Tsristmas. Gua ai khun.

Bye!