《台語kah魔術》

| | || 轉寄

教師節

教師節(台語文) Kàu-su-tseh

九月二八教師節 Káu-gue̍h jī-peh Kàu-su-tseh
老師用心來教冊 Lāu-su iōng-sim lâi kà-tsheh
文武雙全逐項會 Bûn-bú siang-tsoân ta̍k-hāng ē
教阮表演展才藝 kà goán piáu-ián tián tsâi-gē

教師節慶有意義 Kàu-su tsiat-khèng ū ì-gī
老師恩情無地比 Lāu-su un-tsêng bô-tè-pí
疼咱袂輸是親生 Thiàⁿ lán bē-su sī tshin-siⁿ
金言玉語阮永記 Kim-giân gio̍k-gí goán éng-kì

教師佳節獻感恩 Kàu-su ka-tsiat hiàn kám-un
恩師辛苦為著阮 Un-su sin-khó͘ ūi-tio̍h gún
祝福老師永青春 Tsiok-hok lāu-su éng tshing-tshun
身體健康一百分 Sin-thé kiān-khong tsi̍t-pah-hun

教師節日謝恩師 Kàu-su tseh-ji̍t siā un-su
老師親像咱爸母 Lāu-su tshin-tshiūⁿ lán pē-bú
教咱做人佮處事 Kà lán tsò-lâng kah tshú-sū
生活充實閣豐富 Sing-ua̍h tshiong-si̍t koh hong-hù