《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 羅馬書第二章

作者 巴克禮普世版小組 2014.09.21

上 主(siōng-tsú)公 義(kong-gī)ê審 判(sím-phuàⁿ)
1所以(só͘-í)你(lí)tsit-ê ài批 判(phue-phuàⁿ)別 人(pa̍t-lâng)ê人(lâng)，無論(bô-lūn)你是(lí sī)甚 麼 人(sím-mi̍h lâng)lóng bē-tàng辯 解(piān-kái)，因為(in-uī)你(lí)批 判(phue-phuàⁿ)別 人(pa̍t-lâng)做(tsò)ê tāi-tsì，家己(ka-kī)mā ta̍k項(hāng)lóng teh做(tsò)，án-ne你(lí)批 判(phue-phuàⁿ)別 人(pa̍t-lâng)，就是(tsiū-sī)teh定(tiāⁿ)家己(ka-kī)ê罪(tsuē)。2咱 知(lán tsai)，做(tsò)tsit款(khuán)tāi-tsì ê人(lâng)，上 主(siōng-tsú)會(ē)公 正(kong-tsìng)kā伊(i)審 判(sím-phuàⁿ)。3 Lín tsiah-ê批 判(phue-phuàⁿ)別 人(pa̍t-lâng)家己(ka-kī)mā去 做(khì tsò)仝 款(kāng-khuán)tāi-tsì ê人(lâng)ah，lín想 講(siūⁿ-kóng)lín ē-tàng閃 避(siám-phiah)上 主(siōng-tsú)ê審 判(sím-phuàⁿ)是無(sī-bô)？4 Á是(sī)你(lí)看 輕(khuàⁿ-khin)上 主(siōng-tsú)極 大(ki̍k-tuā)ê仁 慈(jîn-tsû)、寬 容(khuan-iông)kah忍 耐(jím-nāi)，你(lí)kám m̄知(tsai)上 主(siōng-tsú)對你(tuì lí)仁 慈(jîn-tsû)，是(sī)teh引(ín)tshuā你(lí)悔 改(hué-kái)？5你(lí)ê心(sim)固 執(kò͘-tsi̍p)m̄悔 改(hué-kái)，是(sī)teh加添(ke-thiⁿ)上 主(siōng-tsú)ê受氣(siū-khì)。Tsit-ê受氣(siū-khì)會(ē)tī祂(i)公 義(kong-gī)審 判(sím-phuàⁿ)hit日(ji̍t)顯 明(hián-bîng)。6上 主(siōng-tsú)beh照(tsiàu)ta̍k人(lâng)ê行 為(hîng-uî)kā in報應(pò-ìng)。(註(tsù)：詩(si)66：12；箴24：12) 7 Hiah-ê堅 持(kian-tshî)做好事(tsò hó-sū)，追求(tui-kiû)榮 光(îng-kng)、尊 貴(tsun-kuì)kah bē敗 壞(pāi-huāi)ê性 命(sèⁿ-miā)ê人(lâng)，上 主(siōng-tsú)會賜(ē sù)in永 遠(íng-uán)ê活 命(ua̍h-miā)。8 Hiah-ê自私(tsū-su)，悖 逆(puē-gi̍k)真理(tsin-lí)，顛倒(tian-tò)去(khì)順 從(sūn-tsiông)不義(put-gī)ê人(lâng)，上 主(siōng-tsú)會用(ē īng)受氣(siū-khì)kah刑 罰(hîng-hua̍t)，來(lâi)kā in報應(pò-ìng)。9所有(só͘-ū)做(tsò)pháiⁿ ê人(lâng)，會(ē)tú-tio̍h患 難(huān-lān)kah困 苦(khùn-khó͘)，猶 太 人(iû-thài-lâng)先(sing)tú-tio̍h，後來(āu-lâi)tsiah續 到(suà-kàu)希 臘 人(hi-lia̍p-lâng)。10 M̄-koh所有(só͘-ū)做好事(tsò hó-sū)ê人(lâng)，會得(ē tit)tio̍h榮 光(îng-kng)、尊 貴(tsun-kuì)kah平 安(pîng-an)，猶 太 人(iû-thài-lâng)先(sing)得(tit)tio̍h，後來(āu-lâi)tsiah續 到(suà-kàu)希 臘 人(hi-lia̍p-lâng)。11 In-為(uī)上 主(siōng-tsú)對 人(tuì lâng)無 偏 心(bô phian-sim)。12外 邦 人(guā-pang-lâng)無受(bô siū)摩西(mô͘-se)ê律 法(lu̍t-huat)管 轄(kuán-hat)，in若(nā)犯 罪(huān-tsuē)mā會受(ē siū)律 法(lu̍t-huat)以外(í-guā)ê審 判(sím-phuàⁿ)來 滅 亡(lâi bia̍t-bông)。若是(nā-sī)受(siū)摩西(mô͘-se)ê律 法(lu̍t-huat)管 轄(kuán-hat)ê人(lâng)，in若(nā)犯 罪(huān-tsuē)會(ē)照 律 法(tsiàu lu̍t-huat)受 審 判(siū sím-phuàⁿ)。13因為(in-uī)kan-taⁿ聽(thiaⁿ)律 法(lu̍t-huat)ê人(lâng)，tī上 主(siōng-tsú)ê面 前(bīn-tsîng)m̄是(sī)義 人(gī-lâng)；只有(tsí-ū)實 行(si̍t-hîng)律 法(lu̍t-huat)ê人(lâng)tsiah會(ē)hō͘上 主(siōng-tsú)認 定(jīm-tīng)做(tsò)義 人(gī-lâng)。14無(bô)律 法(lu̍t-huat)ê外 邦 人(guā-pang-lâng)若 照(nā tsiàu)本 性(pún-sìng)實 行(si̍t-hîng)律 法(lu̍t-huat)ê規 定(kui-tīng)，in雖 然(sui-jiân)無(bô)摩西(mô͘-se)ê律 法(lu̍t-huat)，in本 身(pún-sin)就是(tsiū-sī)家己(ka-kī)ê律 法(lu̍t-huat)。15 In ê行 為(hîng-uî)是(sī)teh表示(piáu-sī)，律 法(lu̍t-huat)ê要求(iau-kiû)有(ū)刻(khik)tī in心 內(sim-lāi)；in ê良 心(liông-sim)mā會(ē)證 實(tsìng-si̍t)，因為(in-uī)in ê內心(lāi-sim)時時(sî-sî)teh家己(ka-kī)責 備(tsik-pī)，有時(ū-sî)家己(ka-kī)辯 護(piān-hō͘)。16所以(só͘-í)tī審 判(sím-phuàⁿ)hit日(ji̍t)，照(tsiàu)我(guá)所 傳(só͘ thuân)ê福 音(hok-im)，上 主(siōng-tsú)會(ē)通 過(thong-kuè)基督耶穌(ki-tok iâ-so͘)，來 審 判(lâi sím-phuàⁿ)人(lâng)心 內(sim-lāi)隱密(ún-ba̍t)ê tāi-tsì。

猶 太 人(iû-thài-lâng)kah律 法(lu̍t-huat)
17 Án-ne你(lí)leh，你(lí)家己(ka-kī)自 稱(tsū-tshing)猶 太 人(iû-thài-lâng)，uá靠(khò)律 法(lu̍t-huat)，koh誇 口(khua-kháu)lín ê上 主(siōng-tsú)。18你有(lí ū)學 習(ha̍k-si̍p)律 法(lu̍t-huat)，知 影(tsai-iáⁿ)上 主(siōng-tsú)ê旨意(tsí-ì)，會曉(ē-hiáu)分 別(hun-pia̍t)是非(sī-hui)。19你(lí)深 信(tshim-sìn)家己(ka-kī)是(sī)失 明(sit-bîng)ê人(lâng)ê tshuā路(lō͘)，烏暗 中(o͘-àm-tiong)ê人(lâng)ê光(kng)，20戇 人(gōng-lâng)ê指導者(tsí-tō-tsiá)，少 年 人(siàu-liân-lâng)ê老師(lāu-su)。你(lí)想 講(siūⁿ-kóng)既然(kì-jiân)有(ū)律 法(lu̍t-huat)，對(tuì)智識(tì-sik)kah真理(tsin-lí)就(tsiū)有把握(ū pá-ak)。21你(lí)教示(kà-sī)別 人(pa̍t-lâng)，是(sī)án怎(tsuáⁿ)無(bô)教示(kà-sī)家己(ka-kī)？你(lí)教(kà)人(lâng)m̄-thang偷(thau)the̍h，家己(ka-kī)有(ū)偷(thau)the̍h無(bô)？22你講(lí kóng)m̄-thang犯 姦 淫(huān kan-îm)，家己(ka-kī)有 犯(ū huān)tio̍h無(bô)？你(lí)厭惡(iàm-ò͘)偶 像(ngó͘-siōng)，家己(ka-kī)有去(ū khì)偷(thau)the̍h廟寺(biō-sī)ê物(mi̍h)無(bô)？23你(lí)誇 口(khua-kháu)講(kóng)有(ū)律 法(lu̍t-huat)，家己(ka-kī)有(ū)違背(uî-puē)律 法(lu̍t-huat)來(lâi)侮 辱(bú-jio̍k)上 主(siōng-tsú)á無(bô)？24聖 經(sìng-king)有記載(ū kì-tsài)：「因為(in-uī)lín ê緣故(iân-kò͘)，上 主(siōng-tsú)ê名(miâ)tī外 邦 人(guā-pang-lâng)ê中 間(tiong-kan)受褻 瀆(siū siat-to̍k)。」(註(tsù)：賽52：5 LXX) 25你(lí)若(nā)遵守律 法(siú lu̍t-huat)，割禮(kat-lé)就有(tsiū-ū)價值(kè-ta̍t)；你(lí)若(nā)犯 法(huān-huat)，割禮(kat-lé)就(tsiū)kah無(bô)割禮(kat-lé)仝 款(kāng-khuán)。26無(bô)受割禮(siū kat-lé)ê人 若(lâng nā)遵守律 法(siú lu̍t-huat)ê規 定(kui-tīng)，kám bē-tàng算 做(sǹg-tsò)有(ū)受割禮(siū kat-lé)？27肉 體(jio̍k-thé)無(bô)受割禮(siū kat-lé)m̄-koh有(ū)遵守律 法(siú lu̍t-huat)ê人(lâng)，會(ē)kā你(lí)定 罪(tīng-tsuē)，因為(in-uī)你有(lí ū)律 法(lu̍t-huat)ê條 文(tiâu-bûn)koh有(ū)受割禮(siū kat-lé)，顛倒(tian-tò)無 遵 守(bô tsun-siú)律 法(lu̍t-huat)。28其實(kî-si̍t)外 表(guā-piáu)是(sī)猶 太 人(iû-thài-lâng)，並(pīng)m̄是(sī)真 正(tsin-tsiàⁿ)ê猶 太 人(iû-thài-lâng)；肉 體(jio̍k-thé)受割禮(siū kat-lé)ê人(lâng)，mā m̄是(sī)真 正(tsin-tsiàⁿ)ê割禮(kat-lé)。29內 在(lāi-tsāi)ê猶 太 人(iû-thài-lâng)tsiah是(sī)真 正(tsin-tsiàⁿ)ê，內心(lāi-sim)接 受(tsiap- siū) 割禮(kat-lé)ê人(lâng)tsiah是(sī)真 正(tsin-tsiàⁿ)ê割禮(kat-lé)，m̄是(sī)靠(khò)律 法(lu̍t-huat)ê條 文(tiâu-bûn)ê割禮(kat-lé)。Tsit款(khuán)人(lâng)受(siū)o-ló m̄是(sī)tuì人(lâng)，是(sī)tuì上 主(siōng-tsú)。