《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 哥林多前書第十六章

作者 巴克禮普世版小組 2015.04.19

Uī信徒(sìn-tô͘)募 款(bō͘-khuán)
1關 係(kuan-hē)募 款(bō͘-khuán)幫 助(pang-tsō͘)信徒(sìn-tô͘)ê tāi-tsì，lín mā tio̍h照(tsiàu)我(guá)前(tsîng)吩 咐(huan-hù)加拉 太(ka-lia̍p-thài)hiah-ê教 會(kàu-huē)ê辦 法(pān-huat)去 做(khì tsò)。2每(muí)七 日(tshit-ji̍t)ê頭 一 日(thâu tsi̍t-ji̍t)，lín ta̍k人(lâng)tio̍h照 家己(tsiàu ka-kī)ê收入(siu-ji̍p)puah一(tsi̍t)kuá起來(khí-lâi)khǹg，免 得(bián-tit)我 去(guá khì)lín hia ê時(sî)tsiah開始(khai-sí)募 款(bō͘-khuán)。3我(guá)到位(kàu-uī)ê時(sî)，會 將(ē tsiong)紹 介(siāu-kài)ê phue kah lín ê捐 款(kuan-khuán)交(kau)hō͘ lín所(só͘)推 薦(tshui-tsiàn)ê人(lâng)，差 派(tshe-phài)in帶 去(tuà khì)耶路撒 冷(iâ-lō͘-sat-líng)。4若是(nā-sī)我(guá)mā tio̍h去(khì)，in mā thang kah我(guá)做(tsò)伙(hué)去(khì)。

保羅(pó-lô)ê計畫(kè-uē)
5我(guá)tsit-má經 過(king-kuè)馬其頓(má-kî-tùn)了 後(liáu-āu)，就(tsiū)beh去(khì)lín hia。6我(guá)大 概(tāi-khài)會(ē)kah lín tuà一 站(tsi̍t-tsām)á，kiám-tshái會(ē)kah lín做(tsò)伙(hué)過(kuè)冬 天(tang-thiⁿ)，án-ne無論(bô-lūn)續 落 去(suà lo̍h-khì)beh去(khì)tó位(uī)，thang hō͘ lín送(sàng)我(guá)出 發(tshut-huat)。7 Tsit-pái我無(guá bô)ài kan-taⁿ過路(kuè-lō͘)順 續(sūn-suà)去(khì)lín hia，主(tsú)若(nā)允 准(ín-tsún)，我(guá)ǹg望(bāng)kah lín tuà khah久(kú)。8 M̄-koh我(guá)mā beh tī以弗所(í-hut-só͘)tuà到(kàu)五旬 節(gō͘-sûn-tseh)。9雖 然(sui-jiân)tī hia有真(ū tsin)tsē對敵(tuì-ti̍k)，m̄-koh上 主(siōng-tsú)為我(uī guá)開(khui)一個(tsi̍t-ê)闊(khuah)koh大(tuā)ê門(mn̂g)，thang做(tsò)有功 效(ū kong-hāu)ê工 作(kang-tsok)。10提摩 太(thê-mô͘-thài)若(nā)到位(kàu-uī)，lín tio̍h kā伊(i)接 待(tsiap-thāi)，hō͘伊(i)ē-tàng安心(an-sim)做 工(tsò-kang)，因為(in-uī)伊(i)kah阮(guán)仝 款(kāng-khuán)teh做 主(tsò tsú)ê工(kang)。11 Lín lóng m̄-thang kā伊(i)看 輕(khuàⁿ-khin)，tio̍h送(sàng)伊(i)平 安(pîng-an)出 發(tshut-huat)來(lâi)我(guá)tsia，因為(in-uī)我(guá)teh thìng候(hāu)伊(i)kah hiah-ê兄弟(hiaⁿ-tī)做(tsò)伙(hué)來(lâi)。12關 係(kuan-hē)咱(lán)ê兄弟(hiaⁿ-tī)亞波羅(a-pho-lô)，我(guá)再 三(tsài-saⁿ)勸(khǹg)伊(i)kah hiah-ê兄弟(hiaⁿ-tī)去(khì)lín hia，m̄-koh伊(i)到(kàu)taⁿ lóng無(bô)按算(àn-sǹg)beh去(khì)。若有(nā ū)tú好(hó)ê機會(ki-huē)，伊(i)就會(tsiū-ē)去(khì)。

結 尾(kiat-bué)ê請 安(tshíng-an)
13 Lín tio̍h警 醒(kíng-síng)，tī信 仰 上(sìn-gióng siōng)khiā hō͘在(tsāi)，tio̍h勇 敢(ióng-kám)、堅 強(kian-kiông)。14一 切(it-tshè)tāi-tsì tio̍h用 疼 心(īng thiàⁿ-sim)來做(lâi tsò)。15兄弟 姊 妹(hiaⁿ-tī tsí-muē)ah，lín bat Su-thê-huán-à ê一 家 人(tsi̍t-ke-lâng)，in是(sī)A-kai-a省(síng)頭(thâu)一 家(tsi̍t-ke)歸(kui)信 主(sìn-tsú)，koh熱 心(jia̍t-sim)服務(ho̍k-bū)信徒(sìn-tô͘)。16我(guá)勸(khǹg)lín tio̍h服 從(ho̍k-tsiông)tsit款(khuán)人(lâng)，以及(í-ki̍p)所有(só͘-ū)kah lín做(tsò)伙(hué)勞苦(lô-khó͘)ê同 工(tâng-kang)。17我(guá)真 歡 喜(tsin huaⁿ-hí)Su-thê-huán-à，Hok-tô͘-lah，A-kai-kó͘ ē-tàng來(lâi)lín tsia，thang補(pó͘)lín ê不 足(put-tsiok)。18 In hō͘我(guá)kah lín ê心 靈(sim-lîng)得(tit)tio̍h鼓舞(kó͘-bú)，lín tio̍h尊 重(tsun-tiōng)tsit款(khuán)人(lâng)。19亞西亞(a-se-a)省(síng)ê各(kok)教 會(kàu-huē)lóng kā lín請 安(tshíng-an)。亞居拉(a-ku-lah)、百 基拉(pik-ki-lah)kah tī in厝 內(tshù-lāi)teh聚 會(tsū-huē)ê教 會(kàu-huē)，tī主(tsú)ê內面(lāi-bīn)迫 切(pik-tshiat)kā lín請 安(tshíng-an)。20所有(só͘ ū)ê兄弟 姊 妹(hiaⁿ-tī tsí-muē)lóng kā lín請 安(tshíng-an)。Lín tio̍h用 聖 潔(īng sìng-kiat)ê相(sio)tsim來互 相(lâi hō͘-siōng)請 安(tshíng-an)。21我(guá)保羅(pó-lô)親 筆(tshin-pit)kā lín請 安(tshíng-an)。22若有人(nā ū lâng)無 疼(bô thiàⁿ)主(tsú)，tio̍h受 咒 詛(siū tsiù-tsó͘)。主(tsú)ah，求(kiû)祢(lí)降 臨(kàng-lîm)！23願(guān)主(tsú)耶穌基督(iâ-so͘ ki-tok)ê恩 典(un-tián)kah lín同 在(tông-tsāi)。24我(guá)ê疼 心(thiàⁿ-sim)kah所有(só͘-ū)屬(sio̍k)基督耶穌(ki-tok iâ-so͘)ê人(lâng)同 在(tông-tsāi)。阿們(a-men)！