《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 馬可福音第十三章

作者 巴克禮普世版小組 2013.03.10

耶穌(iâ-so͘)預言(ī-giân)聖 殿(sìng-tiān)受 毀 壞(siū huí-huāi) (太(thài)24：1-2；路(lō͘)21：5-6)
1 耶穌(iâ-so͘)tuì聖 殿(sìng-tiān)出 來(tshut-lâi)ê時(sî)，有一個(ū tsi̍t-ê)門徒(bûn-tô͘)kā祂(i)講(kóng)：「老師(lāu-su)，祢(lí)看(khuàⁿ)leh，石 頭(tsio̍h-thâu)hiah-ni̍h大塊(tuā-tè)，建 築 物(kiàn-tio̍k-bu̍t)hiah-ni̍h堂 皇(tông-hông)！」 2耶穌(iâ-so͘)kā伊(i)講(kóng)：「祢(lí)看(khuàⁿ)tsiah-ê大(tuā)建 築 物(kiàn-tio̍k-bu̍t)ò͘？將 來(tsiong-lâi)tī tsia無(bô)一塊 石(tsi̍t-tè tsio̍h)會相 疊(ē sio-tha̍h)，lóng會(ē)hō͘人(lâng)拆(thiah)kah平 平 平(pêⁿ-pêⁿ-pêⁿ)。」

災 難(tsai-lān)kah迫 害(pik-hāi) (太(thài)24：3-14；10：17-22；路(lō͘)21：7-19) 3 耶穌(iâ-so͘)tī橄欖 山(kan-ná-suaⁿ)ǹg聖 殿(sìng-tiān)teh坐(tsē)ê時(sî)，彼得(pí-tik)、雅 各(ngá-kok)、約 翰(iok-hān)kah安得烈(an-tik-lia̍t)偷 偷(thau-thau)á問耶穌(mn̄g iâ-so͘)講(kóng)： 4「請(tshiáⁿ)kā阮 講(guán kóng)：tang時(sî)會 發 生(ē huat-sing)tsit-ê tāi-tsì？Á tsiah-ê tāi-tsì beh發 生(huat-sing)tsìn前(tsîng)，kám有(ū)啥 物(siáⁿ-mi̍h)兆 頭(tiāu-thâu)？」 5耶穌(iâ-so͘)應 講(ìn-kóng)：「Lín tio̍h謹慎(kín-sīn)，m̄-thang hō͘人(lâng)kā lín迷惑(bê-hi̍k)。 6有真(ū tsin)tsē人(lâng)ē利 用(lī-iōng)我(guá)ê名(miâ)，講(kóng)：『我(guá)是基督(sī ki-tok)』，來迷惑(lâi bê-hi̍k)真(tsin)tsē人(lâng)。 7 Lín聽(thiaⁿ)tio̍h戰 爭(tsiàn-tsing)kah戰 爭(tsiàn-tsing)ê風 聲(hong-siaⁿ)ê時(sî)，m̄免(bián)驚(kiaⁿ)，因為(in-uī)tsiah-ê tāi-tsì一定(it-tīng)會 發 生(ē huat-sing)，m̄-koh末 日(bua̍t-ji̍t)iáu未 到(buē kàu)。 8 因為(in-uī)民 族(bîn-tso̍k)會起來(ē khí-lâi)攻 擊(kong-kik)民 族(bîn-tso̍k)，國家(kok-ka)mā會 攻 擊(ē kong-kik)國家(kok-ka)。Ta̍k所 在(só͘-tsāi)會(ē)有地動(ū tē-tāng)，koh有飢荒(ū ki-hng)。Tsiah-ê tāi-tsì就是(tsiū-sī)痛 苦(thòng-khó͘)ê開始(khai-sí)。 9「Lín家己(ka-kī)tio̍h謹慎(kín-sīn)，因為(in-uī)人(lâng)會(ē)kā lín交(kau)hō͘議會(gī-huē)，lín會(ē)tī會 堂裡(huē-tn̂g ni̍h)受鞭(siū piⁿ)phah。Lín mā會為(ē uī)tio̍h我(guá)ê緣故(iân-kò͘)khiā tī官 府(kuaⁿ-hú)kah君 王(kun-ông)ê面 前(bīn-tsîng)，來對(lâi tuì)in為我(uī guá)做 見 證(tsò kiàn-tsìng)。 10 M̄-koh福 音(hok-im)一定(it-tīng)tio̍h tāi先(sing)傳(thuân)hō͘萬 民(bān-bîn)。 11人(lâng)kā lín掠 去(lia̍h-khì)交(kau)hō͘法 庭(huat-tîng)ê時(sî)，m̄免(bián)先 煩 惱(sing huân-ló)beh án怎(tsuáⁿ)講(kóng)。Hit時(sî)lín tio̍h照(tsiàu)lín所(só͘) 得(tit)tio̍h聖 神(sìng-sîn)ê指示(tsí-sī)來 講(lâi kóng)，因為(in-uī)m̄是(sī)lín家己(ka-kī)teh講(kóng)，是聖 神(sī sìng-sîn)teh講(kóng)。 12兄弟(hiaⁿ-tī)會出 賣(ē tshut-bē)兄弟(hiaⁿ-tī)hō͘伊(i)死(sí)，老父(lāu-pē)mā會(ē)án-ne款 待(khuán-thāi)kiáⁿ兒(jî)。Kiáⁿ兒(jî)會起來(ē khí-lâi)攻 擊(kong-kik)父母(pē-bú)，kā in害死(hāi-sí)。 13 Lín koh會因為(ē in-uī)我(guá)ê名(miâ)來(lâi)hō͘眾 人(tsìng-lâng)怨 恨(uàn-hūn)，m̄-koh忍 耐(jím-nāi)到 路尾(kàu lō͘-bué)ê人(lâng)，會得(ē tit)tio̍h拯 救(tsín-kiù)。」

大 災 難(tuā tsai-lān) (太(thài)24：15-28；路(lō͘)21：20-24)
14 「當(tng)lín看(khuàⁿ)tio̍h hit-ê『可惡(khó-ò͘)ê毀 滅 者(huí-bia̍t-tsiá)』，khiā tī無應 該(bô ing-kai)khiā ê所 在(só͘-tsāi)(讀(tha̍k)ê人(lâng)tio̍h明 白(bîng-pi̍k))，hit時(sî)tī猶太 地區(iû-thài tē-khu)ê人(lâng)lóng tio̍h走(tsáu)去 山 裡(khì suaⁿ-ni̍h)bih。 15 Tī厝 頂(tshù-tíng)ê人(lâng)，m̄-thang入去(ji̍p-khì)厝 內(tshù-lāi)the̍h物 件(mi̍h-kiāⁿ)。 16 Tī園 裡(hn̂g-ni̍h)ê人(lâng)，m̄-thang tńg來(lâi)hiaⁿh外衫(guā-saⁿ)。 17 Tī hiah-ê日子(ji̍t-tsí)，有娠孕(ū sin-īn)kah hō͘嬰(eⁿ)á食 奶(tsia̍h-ling)ê婦人 人(hū-jîn-lâng)，實 在(si̍t-tsāi)真 不 幸(tsin put-hīng)！ 18 Lín tio̍h祈禱(kî-tó)，求(kiû)上 主(siōng-tsú)mài tī冬 天 時(tang-thiⁿ sî)發 生(huat-sing)tsiah-ê tāi-tsì。 19 因為(in-uī)hiah-ê日子(ji̍t-tsí)teh-beh有(ū)大 災 難(tuā tsai-lān)，是(sī)tuì上 主(siōng-tsú)創 造(tshòng-tsō)世間(sè-kan)以來(í-lâi)m̄-bat有(ū)án-ne，將 來(tsiong-lâi)mā bē koh有(ū)。 20若(nā)m̄是(sī)上 主(siōng-tsú)減 少(kiám-tsió)hiah-ê日子(ji̍t-tsí)，無 人(bô-lâng)會得救(ē tit-kiù)，m̄-koh為(uī)tio̍h祂(i)所 揀 選(só͘ kíng-suán)ê子 民(tsú-bîn)，祂(i)已經(í-king)有 減 少(ū kiám-tsió)hiah-ê日子(ji̍t-tsí)。 21「Hit時(sî)若有人(nā ū lâng)kā lín講(kóng)：『基督(ki-tok)tī tsia』，á是 講(sī kóng)：『Tī hia』，m̄-thang相 信(siong-sìn)。 22 因為(in-uī)beh有(ū)假基督(ké ki-tok)kah假先知(ké-sian-ti)會 出 現(ē tshut-hiān)，行 神 跡(kiâⁿ sîn-jiah)kah奇事(kî-sū)，盡 量(tsīn-liōng)beh來迷惑(lâi bê-hi̍k)上 主(siōng-tsú)ê選 民(suán-bîn)。 23 Lín tio̍h謹慎(kín-sīn)。我 已經(guá í-king)lóng事 先(sū-sian)kā lín講(kóng)à。」

人 子(jîn-tsú)ê降 臨(kàng-lîm) (太(thài)24：29-31；路(lō͘)21：25-28)
24 當(tng)hiah-ê災 難(tsai-lān)過 了(kuè-liáu)ê日子(ji̍t-tsí)，日(ji̍t)會(ē)變 烏暗(piàn o͘-àm)，月(gue̍h)bē發 光(huat-kng)， 25星(tsheⁿ)會(ē)tuì天 頂(thiⁿ-tíng)lak落來(lo̍h-lâi)，天 頂(thiⁿ-tíng)ê萬 象(bān-siōng)ē搖動(iô-tāng)。 26 Hit時(sî)，人(lâng)會看(ē khuàⁿ)tio̍h人 子(jîn-tsú)充 滿(tshiong-muá)大 權 能(tuā kuân-lîng)kah榮 光(îng-kng)，坐 雲(tsē hûn)降 臨(kàng-lîm)。 27 Hit時(sî)，上 主(siōng-tsú)會差(ē tshe)天使(thiⁿ-sài)tuì四方(sì-hng)，tuì地極(tē-ki̍k)到 天邊(kàu thiⁿ-piⁿ)，聚 集(tsū-tsi̍p)祂(i)ê選 民(suán-bîn)。」

無 花 果 樹(bû-hua-kó-tshiū)ê教示(kà-sī) (太(thài)24：32-35；路(lō͘)21：29-33) 28 「Lín tio̍h tuì無 花 果 樹(bû-hua-kó-tshiū)tsit-ê譬喻(phì-jū)來學 習(lâi ha̍k-si̍p)。當 樹 枝(tng tshiū-ki)puh-íⁿ發 葉(huat-hio̍h)ê時(sî)，lín to̍h知(tsai)夏天(hē-thiⁿ)teh-beh到(kàu)à。 29 Án-ne lín看(khuàⁿ)tio̍h tsiah-ê兆 頭(tiāu-thâu)，to̍h知(tsai)人 子(jîn-tsú)已經(í-king)teh-beh再 臨(tsài-lîm)à，來到(lâi-kàu)門 口(mn̂g-kháu)à。 30我(guá)實 在(si̍t-tsāi)kā lín講(kóng)：tsit世代(sè-tāi)Iáu未(buē)過 去(kuè-khì)，tsiah-ê所有(só͘ ū)ê tāi-tsì lóng會 發 生(ē huat-sing)。 31天(thiⁿ)kah地(tē)會消失(ē siau-sit)，m̄-koh我(guá)ê話(uē)bē消 失(siau-sit)。」

無 人 知(bô-lâng tsai)Hit-ê日(ji̍t)，Hit-ê時(sî) (太(thài)24：36-44) 32 「關 係(kuan-hē)hit-ê日(ji̍t)kah hit-ê時(sî)，無 人 知(bô-lâng tsai)，tī天 頂(thiⁿ-tíng)ê天使(thiⁿ-sài)mā m̄知(tsai)，Kiáⁿ mā m̄知(tsai)，kan-taⁿ天父 知(thiⁿ-pē tsai)。 33 Tio̍h謹慎(kín-sīn)，tio̍h警 醒(kíng-síng)來祈禱(lâi kî-tó)，因為(in-uī)lín m̄知(tsai)hit-ê時 刻(sî-khik)tang時(sî)會到(ē kàu)。 34這(tse)tú親 像(tshin-tshiūⁿ)一個 人(tsi̍t-ê lâng)出 外(tshut-guā)，kā權(kuân)交帶(kau-tài)伊(i)ê奴僕(lô͘-po̍k)，有 分 配(ū hun-phuè)工 作(kang-tsok)hō͘ ta̍k人(lâng)做(tsò)，koh吩 咐(huan-hù)顧 門(kò͘-mn̂g)ê tio̍h tiuⁿ-tî。 35所以(só͘-í)lín tio̍h tiuⁿ-tî，因為(in-uī)lín m̄知(tsai)lín ê主 人(tsú-lâng)tang時(sî)會(ē)tńg來(lâi)，或是(hi̍k-sī)beh暗(àm)á，或是(hi̍k-sī)半 暝(puàⁿ-mê)，或是(hi̍k-sī)雞啼(ke-thî)ê時(sî)，或是(hi̍k-sī)天 光(thiⁿ-kng)日 出(ji̍t-tshut)ê時(sî)。 36恐 驚(khióng-kiaⁿ)主 人(tsú-lâng)忽 然(hut-jiân)tńg來(lâi)，看(khuàⁿ)tio̍h lín teh睏(khùn)。 37我所(guá só͘)kā lín講(kóng)ê，mā有(ū)kā群 眾(kûn-tsiòng)講(kóng)：Tio̍h tiuⁿ-tî。」