《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 路加福音第十九章

作者 巴克禮普世版小組 2013.08.18

耶穌(iâ-so͘)Kah撒 該(sat-kai)
1耶穌(iâ-so͘)入去(ji̍p-khì)耶利哥城(iâ-lī-ko-siâⁿ)，tī街路(ke-lō͘)teh行(kiâⁿ)ê時(sî)，2有一個(ū tsi̍t-ê)人(lâng)名 叫(miâ-kiò)撒 該(sat-kai)，是(sī)抽 稅(thiu-suè)ê頭 人(thâu-lâng)，mā是(sī)好 額 人(hó-gia̍h-lâng)。3伊(i)ài beh看(khuàⁿ)耶穌(iâ-so͘)是啥 人(sī siáⁿ-lâng)，m̄-koh人(lâng)真(tsin)tsē，伊(i)ê身 材(sin-tsâi)koh矮(é)，suah看(khuàⁿ)bē-tio̍h。4所以(só͘-í)伊(i)就 走(tsiū tsáu)做 前(tsò-tsîng)，peh起(khí)lih一 叢(tsi̍t-tsâng)桑 材 樹(sng-tsâi-tshiū)，beh看(khuàⁿ)耶穌(iâ-so͘)tuì hia經 過(king-kuè)。5耶穌(iâ-so͘)行 到(kiâⁿ kàu)hit所 在(só͘-tsāi)，gia̍h頭(thâu)起來(khí-lâi)看(khuàⁿ)，kā伊(i)講(kóng)：「撒 該(sat-kai)，趕 緊(kuáⁿ-kín)落來(lo̍h-lâi)，今(kin)á日(ji̍t)我(guá)一定(it-tīng)tio̍h tuà你(lí)ê厝(tshù)。」6撒 該(sat-kai)就 趕 緊(tsiū kuáⁿ-kín)落來(lo̍h-lâi)，歡 歡 喜喜(huaⁿ-huaⁿ hí-hí)去 迎 接(khì gîng-tsiap)耶穌(iâ-so͘)。7眾 人(tsìng-lâng)看(khuàⁿ)tio̍h就(tsiū)nga̍uh-nga̍uh念(liām)講(kóng)：「Tsit-ê人(lâng)suah入去(ji̍p-khì)pháiⁿ人(lâng)ê厝(tshù)tuà！」8撒 該(sat-kai)khiā-teh，對(tuì)主(tsú)講(kóng)，「主(tsú)ah，我(guá)beh將(tsiong)所有(só͘-ū)財 產(tsâi-sán)ê一 半(tsi̍t-puàⁿ)來賑 濟(lâi tsín-tsè)sàn-tshiah人(lâng)。我若(guá nā)bat pián啥 人(siáⁿ-lâng)ê錢(tsîⁿ)，beh四倍(sì-puē)賠(puê)伊(i)。」9耶穌(iâ-so͘)對伊(tuì i)講(kóng)：「今(kin)á日(ji̍t)救恩(kiù-un)來到(lâi-kàu)tsit-ê家(ke)，因為(in-uī)伊(i)mā是(sī)亞伯 拉罕(a-pik-la̍h-hán)ê kiáⁿ孫(sun)。10因為(in-uī)人 子(jîn-tsú)是(sī)beh來(lâi)tshuē失迷(sit-bê)ê人(lâng)，來(lâi)kā伊(i)拯 救(tsín-kiù)。」

十 兩(tsa̍p-niú)銀(gîn)á ê譬喻(phì-jū) (太25：14-30)
11 In聽(thiaⁿ)tio̍h tsiah-ê話(uē)ê時(sî)，耶穌(iâ-so͘)koh kā in講(kóng)一個(tsi̍t-ê)譬喻(phì-jū)，是因為(sī in-uī)祂(i)teh-beh到(kàu)耶路撒 冷(iâ-lō͘-sat-líng)à，hiah-ê人(lâng)mā想 講(siūⁿ-kóng)上 主 國 度(siōng-tsú kok-tō͘)liâm-piⁿ to̍h會 出 現(ē tshut-hiān)。12所以(só͘-í)耶穌(iâ-so͘)kā in講(kóng)：「有一個(ū tsi̍t-ê)貴 族(kuì-tso̍k)beh去(khì)真 遠(tsin-hn̄g)ê所 在(só͘-tsāi)受(siū)封(hong)做 王(tsò ông)了(liáu)tsiah倒(tó)tńg來(lâi)。13伊(i)叫(kiò)十個(tsa̍p-ê)奴僕(lô͘-po̍k)來(lâi)，hō͘ in每 人(muí-lâng)一 兩(tsi̍t-niú)銀(gîn)á，對(tuì)in講(kóng)：『到(kàu)我(guá)tńg來(lâi)以 前(í-tsîng)，用(īng)tsiah-ê銀(gîn)á去 做(khì tsò)sing-lí。』14 M̄-koh hit-ê貴 族(kuì-tso̍k)本 國(pún-kok)ê人民(jîn-bîn)怨 恨(uàn-hūn)伊(i)，差 一個(tshe tsi̍t-ê)使者(sù-tsiá)tuè後(āu)去(khì)奏(tsàu)講(kóng)：『阮(guán)無(bô)ài tsit-ê人(lâng)做(tsò)阮(guán)ê王(ông)。』15「Tsit-ê貴 族(kuì-tso̍k)受(siū)封(hong)做 王(tsò ông)tńg來(lâi)，叫(kiò)hiah-ê對伊(tuì i)領(niá)銀(gîn)á ê奴僕(lô͘-po̍k)來(lâi)，ài beh知(tsai)in做(tsò)sing-lí thàn juā-tsē錢(tsîⁿ)。16頭 一個(thâu-tsi̍t-ê)來(lâi)伊(i)ê面 前(bīn-tsîng)講(kóng)：『主 人(tsú-lâng)ah，我(guá)用(īng)你(lí)hō͘我(guá)hiah-ê銀(gîn)á thàn十 兩(tsa̍p-niú)à。』17主 人(tsú-lâng)kā伊(i)講(kóng)：『真 好(tsin-hó)，好(hó)ê奴僕(lô͘-po̍k)，你(lí)既然(kì-jiân)tī小(sió)khuá ê tāi-tsì盡 忠(tsīn-tiong)，taⁿ hō͘你(lí)管(kuán)十個(tsa̍p-ê)城(siâⁿ)。』18第二個(tē-jī-ê)來 講(lâi kóng)：『主 人(tsú-lâng)，我(guá)用(īng)你(lí)hit-ê銀(gîn)á thàn五兩(gō͘-niú)à。』19主 人(tsú-lâng)mā án-ne kā伊(i)講(kóng)：『Hō͘你(lí)mā管 理(kuán-lí)五個(gō͘-ê)城(siâⁿ)。』20 Koh一個(tsi̍t-ê)奴僕(lô͘-po̍k)來 講(lâi kóng)：『主 人(tsú-lâng)，你 看(lí khuàⁿ)，你(lí)一 兩(tsi̍t-niú)銀(gîn)á tī tsia，我(guá)用 手 巾(īng tshiú-kin)á kā伊(i)包 起來(pau khí-lâi)khǹg-teh。21我(guá)驚(kiaⁿ)你(lí)，因為(in-uī)你是(lí sī)刻 薄(khik-po̍k)ê人(lâng)，無寄(bô kià)mā beh領(niá)，無掖 種(bô iā-tsíng)mā beh收 割(siu-kuah)。』22主 人(tsú-lâng)kā伊(i)講(kóng)：『你(lí)tsit-ê pháiⁿ ê奴僕(lô͘-po̍k)，照(tsiàu)你(lí)所 講(só͘ kóng)ê，我(guá)beh kā你(lí)定 罪(tīng-tsuē)。你(lí)既然(kì-jiân)知(tsai)我是(guá sī)刻 薄(khik-po̍k)ê人(lâng)，無寄(bô kià)mā beh領(niá)，無掖 種(bô iā-tsíng)mā beh收 割(siu-kuah)。23你(lí)ná會(ē)無(bô)kā我(guá)ê銀(gîn)á去(khì)lok tī錢 店(tsîⁿ-tiàm)，到(kàu)我(guá)tńg來(lâi)ê時(sî)，thang領(niá)母 金(bó-kim)kah利息(lī-sik)？』24主 人(tsú-lâng)kā khiā tī邊(piⁿ)á ê人(lâng)講(kóng)：『Kā伊(i)ê一 兩(tsi̍t-niú)銀(gîn)á the̍h來(lâi)，交(kau)hō͘ hit-ê有十 兩(ū tsa̍p-niú)ê。』 25 In對(tuì)主 人(tsú-lâng)講(kóng)：『主 人(tsú-lâng)ah，伊(i)已經(í-king)有十 兩(ū tsa̍p-niú)à。』26主 人(tsú-lâng)應 講(ìn-kóng)：『我(guá)kā lín講(kóng)，已經(í-king)有(ū)ê人(lâng)，我(guá)beh hō͘伊(i)koh-khah-tsē；無(bô)ê人(lâng)，連伊(liân i)所有(só͘ ū)ê mā beh kā伊(i)the̍h來(lâi)。27 M̄-koh hiah-ê無(bô)ài我(guá)做(tsò)in ê王(ông)ê對敵(tuì-ti̍k)，tio̍h kā in拖 來(thua lâi)，tī我(guá)ê面 前(bīn-tsîng)kā in thâi死(sí)。』」

耶穌(iâ-so͘)光 榮(kong-îng)進 入(tsìn-ji̍p)耶路撒 冷(iâ-lō͘-sat-líng) (太21：1-11；可11：1-11；約(iok)12：12-19)
28耶穌(iâ-so͘)講(kóng)tsiah-ê話(uē)了 後(liáu-āu)，繼 續(kè-sio̍k)向 前 行(hiòng-tsîng kiâⁿ)，上(tsiūⁿ) 耶路撒 冷(iâ-lō͘-sat-líng)。29 Teh-beh到(kàu)叫 做(kiò-tsò)橄欖 山(kan-ná-suaⁿ)山 腳(suaⁿ-kha)ê Pik-huat-kî kah伯大尼(pik-tāi-nî)ê時(sî)，耶穌(iâ-so͘)差(tshe)兩個(nn̄g-ê)門徒(bûn-tô͘)，30吩 咐(huan-hù)in講(kóng)：「Lín去對面(khì tuì-bīn)ê庄 社(tsng-siā)，入去(ji̍p-khì)ê時(sî)會(ē)tú-tio̍h一 隻(tsi̍t-tsiah)Iáu未(buē)有人(ū lâng)騎 過(khiâ-kuè)ê驢(lî)á縛(pa̍k)tī hia。Lín kā牠(i)tháu開(khui)牽 來(khan lâi)tsia。31若有人(nā ū lâng)問 講(mn̄g kóng)：『Lín tháu驢(lî)á beh tshòng啥(siáⁿ)？』lín tio̍h講(kóng)：『主(tsú)teh需要(su-iàu)用(īng)。』」32 Hit兩個(nn̄g-ê)門徒(bûn-tô͘)就 去(tsiū khì)，所(só͘)tú-tio̍h ê tāi-tsì，果 然(kó-jiân)kah耶穌(iâ-so͘)所 講(só͘ kóng)ê完 全(uân-tsuân)仝 款(kāng-khuán)。33 In teh tháu驢(lî)á ê時(sî)，主 人(tsú-lâng)問(mn̄g)in講(kóng)：「Tháu驢(lî)á beh tshòng啥(siáⁿ)？」34 In應 講(ìn-kóng)：「主(tsú)teh需要(su-iàu)用(īng)。」35 In就 牽(tsiū khan)hit隻(tsiah)驢(lî)á來(lâi)hō͘耶穌(iâ-so͘)，kā in家己(ka-kī)ê外衫(guā-saⁿ)phua̍h tuà驢(lî)á頂(tíng)，扶(hû)耶穌(iâ-so͘)起(khí)lih騎(khiâ)。36耶穌(iâ-so͘)騎驢(khiâ lî)á向 前 行(hiòng-tsîng kiâⁿ)ê時(sî)，眾 人(tsìng-lâng)kā家己(ka-kī)ê外衫(guā-saⁿ)鋪(pho͘)tī路裡(lō͘-ni̍h)。37耶穌(iâ-so͘)tú beh落(lo̍h)橄欖 山(kan-ná-suaⁿ)ê時(sî)，kui大陣(tuā-tīn)ê門徒(bûn-tô͘)看(khuàⁿ)tio̍h一 切(it-tshè)奇妙(kî-biāu)ê tāi-tsì，就(tsiū)大歡 喜(tuā huaⁿ-hí)，大 聲(tuā-siaⁿ)o-ló上 主(siōng-tsú)，38講(kóng)：「奉 主(hōng tsú)ê名(miâ)來(lâi)ê王(ông)，應 該得(ing-kai tit)tio̍h o-ló，願(guān)天 頂(thiⁿ-tíng)和 平(hô-pîng)，歸 榮 光(kui îng-kng)hō͘至 高(tsì-kuân)ê上 主(siōng-tsú)。」39眾 人(tsìng-lâng)中 間(tiong-kan)有(ū)幾(kuí)nā個(ê)法 利賽 派(huat-lī-sài-phài)ê人(lâng)對耶穌(tuì iâ-so͘)講(kóng)：「老師(lāu-su)ah，tio̍h責 備(tsik-pī)祢(lí)ê門徒(bûn-tô͘)。」40耶穌(iâ-so͘)應 講(ìn-kóng)：「我(guá)kā lín講(kóng)，in若 恬 恬(nā tiām-tiām)，hiah-ê石 頭(tsio̍h-thâu)mā會(ē)大 聲(tuā-siaⁿ)huah。」

耶穌(iâ-so͘)為(uī)耶路撒 冷(iâ-lō͘-sat-líng)哀 哭(ai-khàu)
41耶穌(iâ-so͘)teh-beh到(kàu)耶路撒 冷(iâ-lō͘-sat-líng)，看(khuàⁿ)tio̍h城(siâⁿ)就(tsiū) 為(uī)tio̍h tsit-ê城(siâⁿ)啼 哭(thî-khàu)，42講(kóng)：「我(guá)實 在(si̍t-tsāi)真(tsin)ài你(lí)tī tsit日(ji̍t)to̍h知(tsai)關 係(kuan-hē)平 安(pîng-an)ê tāi-tsì！M̄-koh現 此時(hiān-tshú-sî)你(lí)ê目 睭(ba̍k-tsiu)看(khuàⁿ)bē出(tshut)。43因為(in-uī)時日(sî-ji̍t)teh-beh到(kàu)，你(lí)ê對敵(tuì-ti̍k)會(ē)tī你(lí)ê四周圍(sì-tsiu-uî)起(khí)土 牆(thô͘-tshiûⁿ)，來(lâi)kā你(lí)封 鎖(hong-só)起來(khí-lâi)。44 In koh會(ē)hō͘你(lí)kah你(lí)城內(siâⁿ-lāi)ê人民(jîn-bîn)lóng毀 滅(huí-bia̍t)，無留(bô lâu)kah兩塊 石(nn̄g-tè tsio̍h)相 疊(sio-tha̍h)，因為(in-uī)你(lí)m̄知(tsai)上 主(siōng-tsú)來(lâi)beh拯 救(tsín-kiù)你(lí)ê好機會(hó ki-huē)。」

耶穌(iâ-so͘)清 潔(tshing-kiat)聖 殿(sìng-tiān) (太21：12-17；可11：15-19；約(iok)2：13-22)
45耶穌(iâ-so͘)入去(ji̍p-khì) 聖 殿(sìng-tiān)，就 趕 出(tsiū kuáⁿ-tshut)hiah-ê賣(bē)物 件(mi̍h-kiāⁿ)ê人(lâng)。46祂(i)kā in講(kóng)：「聖 經(sìng-king)有記載(ū kì-tsài)：我(guá)ê厝(tshù)beh做(tsò)祈禱(kî-tó)ê厝(tshù)，m̄-koh lín hō͘伊(i)變 做(piàn-tsò)賊 巢(tsha̍t-siū)。」(註(tsù)：賽56：7；耶7：11) 47耶穌(iâ-so͘)ta̍k日(ji̍t)tī聖 殿(sìng-tiān)教示人(kà-sī lâng)，tsiah-ê祭司長(tsè-si-tiúⁿ)、經 學 教 師(king-ha̍k kàu-su)以及(í-ki̍p)人民(jîn-bîn)ê頭 人(thâu-lâng)，計謀(kè-bô͘)beh殺 害(sat-hāi)耶穌(iâ-so͘)。48 M̄-koh lóng tshuē無步(bô-pō͘)，因為(in-uī)人民(jîn-bîn)lóng真致意(tsin tì-ì)teh聽耶穌(thiaⁿ iâ-so͘)ê話(uē)。